|
حلقه جديدة من ( أجمد عضو ) معانا ( دمعه حائره ) بسم الله الرحمن الرحيم ميساء الخيرات :D النهاردة حلقه جديدة من برنامجكم ( اجمد عضو ) http://banatmisr.com/up3/uploads/1367365012622.gif ضيفه حلقه النهاردة المتالقه ( دمعه حائره ) http://forums.banatmisr.com/image.ph...ine=1385415857 تعالو نشوف الاول عناوين من الحوار دمعه : المنتدى جمع الفتره اللى فاتت مجموعه مميزة جدا من الاعضاء انا شايفه ان النشاط معقول وطبعا الاداره ليها دور طارق سايب الاداره العامه لينا وهو بيهتم بالامور الفنيه علاقاتى بالاعضاء زى ماهى وتفاعلى معاهم مااتأثرش عن ماكنت مشرفه او مراقبه الى بيحل المشكله دايما بيكون شايف الجانبين وبيقدر يحكم مين غلطان عكس صاحب المشكله احنا شغالين على قد مانقدرعشان نهتم بالاعضاء ونطور المنتدى اى حد فى منصب وراد يتعرض للنقد والهجوم وانت مش هاتقدر ترضي كل الناس قرار منع السياسة كان ليه سبب كان الجو متوتر وانعكس على الاعضاء وعلاقتهم ببعض http://banatmisr.com/up3/uploads/1367365012622.gif تعالو نشوف الحوار س / فى البدايه اهلا بيكى فى اجمد عضو ؟ اهلا بيك يااحمد س / فى البداية كدا عايز اعرف مش بتفضى الرسائل الخاصة لية ^_^ ؟ اكيد دا مطلب جماهيرى :04: ؟ لاعادى دول كام يوم كده وادينى فضيتها اهو والزوار مفتوح على طول مش بقفله س / طيب الفترة الاخيرة شوفنا ترقيات فى المنتدى وماشاء الله الاعضاء كلها تستحق فعلا الترقيات دى ؟ مين بيختار الاعضاء للاشراف وايه المعايير الى بتختارو بيها ؟ فعلا المنتدى جمع الفتره اللى فاتت مجموعه مميزة جدا من الاعضاء سواء اخلاقيا او اقلامهم وتواجدهم مميز الاختيار بيكون من المتابعه المتواصله وترشيحات المشرفين فى توبيك خاص بالمميزين والمبدعين وكمان انا وامجد بنتفق على الاسامى ونشوف مين الاصلح وفيه ناس بتعتزر عن الاشراف بيفضلوا يكون تواجدهم بلا قيود واكيد نشاط العضو وهدوءة وعلاقته الكويسه بالاعضاءسبب قوى لترشيحه انه يكون مشرف س / بيكون فى تنسيق مع مشرف القسم لو كان فى مشرف على القسم والا الامور دى خاصة بالادارة فقط ؟ غالبا بيكون المشرف اللى رشح الاسم ده فى التوبيكات فى قسم المشرفين زى ماقولتلك وكمان فى التكريمات وبيتم مراسلتهم س / الفترة الحالية فى خمول فى المنتدى ويمكن فى مشرفين اشتكو من الحكاية دى الادارة اية دورها فى الحكاية دى ؟ وفى حاجا هتنشط المنتدى والا دى فترة معتادة ؟ هو مش خمول مستمر بتكون ايام معينه مرتبطه بالامتحانات او حاله المشرف النفسيه اللى بيكون سببها الملل من كل حاجه انا شايفه ان النشاط معقول وطبعا الاداره ليها دور وده كان واضح فى حملة التقارير اللى نزلت وتحفيز المشرفين على انشطه معينه تتعمل كل شهر وبيتم مكافئتهم عليها ده غير الحملات والمسابقات اللى بتتعمل والفتره الجايه ان شاء الله هايكون فيه انشطه مختلفه س / طارق قال كذا مرة ان امور المنتدى سايبها ليكى انتى وساحر ؟ دوركم دلوقتى ايه وياترى طارق بيتعامل معاكم ازاى يعنى دورة ( استشارى ) فقط ليكم ؟ هوا فعلا طارق سايب الاداره العامه لينا وده من خلال الترقيات والتعينات ومتابعه مشاكل وطلبات الاعضاء وهوا بيهتم اكتر بالامور الفنيه وعادى تعامله زى ماقولتلك سايب لينا مطلق الحريه فى اداره امور الاعضاء ومش بيتأخر عن اى استشاره بنبعتله عليها http://banatmisr.com/up3/uploads/1367365012622.gif س / شايفا ان ( منه ) اتغيرت من مراقبة لـ أدارية خاصة فى التعامل مع الاعضاء ؟ ايوة فعلا اتغيرت شويه بس بشكل سلبى عليا انا مش على الاعضاء يعنى ذادت العزله اكتر وده نتيجة بعض الامور الخاصه منها الربط بين كونى اداريه وصديقه وحاجات تانيه محبش اتكلم فيها لكن علاقاتى بالاعضاء زى ماهى وتفاعلى معاهم مااتأثرش عن ماكنت مشرفه او مراقبه ومش بتأخر على اى حد فى طلب او مشكله س / الادارة قالت ان هتقلل من اقسام المنتدى ولسة لحد دلوقتى فى اقسام مهجورة فى تغيرات هتحصل قريب والا الموضوع كان كلام قدام الاعضاء ؟ فعلا تم تقليل عدد من الاقسام وفيه دراسه لبعض الاقسام واهميتها للاعضاء وده هايكون الفتره الجايه وهايتم تعيين مشرفين على الاقسام الفاضيه احتمال اول الشهر ان شاء الله س / اخبار قسم الشكاوى ايه ^^ ؟ كويس بيسلم عليك وهوا هادى بقاله فتره ودى حاجه غير مسبوقه خايفه يكون هدوء يسبق عاصفه لاقدر الله س / فى اعضاء بتقول ان ( منه وساحر ) مش من النوع الى بيقدرو يحلو مشاكل الاعضاء بشكل كبير ودا ممكن عشان مبتحبوش تزعلو حد ؟ شايفا الكلام دا صح والا لا ؟ اومال مين بيحل المشاكل؟ اللى بيحل المشكله دايما بيكون شايف الجانبين وبيقدر يحكم مين غلطان عكس صاحب المشكله شايف انه هوا بس اللى صح والحق مايزعلش بالعكس احنا بنحل المشكله بشكل يرضى جميع الاطراف مش لازم نزعل حد او نغلط فيه والعضو اللى بيشتكى بيخرج من الشكوة وهوا راضى ومرتاح مش كل حاجه تتقال تبقى حقيقه او ظاهره دى مجرد وجهات نظر ممكن فرد او اتنين س / المنتدى موجود فيه اكتر من ( مراقب ) منهم بيختفى ويرجع ومنهم كان نشيط ودلوقتى محدش بيشوفه ومنهم المتواجد ساعات بحس ان صعب عليكم تشيلو مراقبين عكس ( المشرفين ) ؟ لاحظ انها فتره قريبه جدا من الامتحانات وكلهم بيدرسوا وفيهم كليات صعبه وبصراحه مش مقصرين وحتى لو مش بيشاركوا دورهم الرقابى واضح جدا لينا والوقت اللى بيكونوا موجودين فيه بيعملوا اللى عليهم سواء مراقبه او شكاوى وزى مانت عارف بنقدر الظروف الا اذا انقطع المراقب او المشرف فتره ممكن شهرين بنراسله وبنعرف ظروفه وعلى اساسها بيتم التعامل س / طبعا احنا فى دراسه وكلنا عارفين الكلام دا بس ياترى المنتدى مجبر انه يستنى مشرف او مراقب ( 4 شهور ) على م ا الاعضاء تخلص امتحنات ومعاهم كمان ( 4 شهور ) ترم تانى مع العلم ان فى اعضاء متواجدة بصفه مستمرة ولسة اعضاء فقط ؟ مش بتوصل للمدة دى وبالنسبه للاعضاء التميز دلوقتى كل شهر سواء تميز او مبدعين وبيكون عدد كويس مش بيتأخر ولاحاجه الا اذا العضو نفسه دخوله متقطع وحظه بيغيب وقت اختيار التميز http://banatmisr.com/up3/uploads/1367365012622.gif س / كنت عايزك تدخلى الاقسام هتلاقى فى مواضيع فى اقسام مش بتاعتها والمشرفين متاكدين من دا وبالرغم من كدا سايبين المواضيع دى ؟ زى ايه ياريت تحدد القسم وكمان فيه توبيك بلاغات بينزل فيه بلاغات الاعضاء عن اى توبيك او مشاركه مخالفه وبيتم اتخاذ اللازم س / قسم النقاش كان بينزل فيه استضافات للاعضاء ويمكن انا قولت دا قبل كدا وافتكرو انى مضايق وفى قسم الخزعبلات احد المشرفين نزل فيه موقف حصل معاه فى يوم مع ان القسم مالوش علاقة بموضوع زى دا واكيد لو دخلتى باقى الاقسام هتلاقى مواضيع زى كدا ؟ مش بس قسم النقاش اللى بينزل استضافات دى تعتبر فاعليات فى اغلب الاقسام ومن فتره بتساهم فى تنشيط القسم وإلقاء الضوء على الاعضاء المهتمين بيه ده غير ان النوع ده من المواضيع بيجذب الاعضاء وممكن يكون سبب فى انهم يهتموا بالقسم اكتر وانا كنت بعمل ده فى الابداعات اما لو فيه موضوع مالوش علاقه بالقسم دى مهمه المشرف ولو حد اشتكى للاداره بنشوفه وبنصحح الغلط عاوزة اقولك ان الاداره بتسيب المشرفين يديروا الاقسام حسب ماهم شايفينه صح لاقسامهم ومش بنتدخل الا فى اضيق الحدود س / كنت عايز اعرف منك ايه الفرق بين ( قلم الاعضاء / الابداعات ) يعنى لو عضو نزل توبيك فى اى قسم منهم تقدرى تحددى دا يبقى فى اى قسم ؟ قلم الاعضاء مختص بالمقالات الادبيه او حتى لو سياسيه اواجتماعيه والابداعات قصائد وخواطر ونثر ادبى حتى قوانين قلم الاعضاء منعت القصائد فيه لانه كان بينزل فيه كل حاجه بقلم العضو قبل قسم الابداعات مايتعمل وفصلوهم بعد كده س / كنت عايزك توضحى للاعضاء ايه الى اتقدم من ( دمعه ) و ( ساحر ) حتى الان بعد وجودكم فى الادارة ؟ الحمد لله احنا شغالين على قد مانقدر عشان نهتم بالاعضاء ونطور المنتدى سواء بتكريمات وترقيات وانشطه وواضح الفتره اللى فاتت شويه تجديد وفصل بين التميز العام والابداعى ده غير الدقه فى اختيار المشرفين ودعمهم وتقديم النصيحه ليه علشان يرتقوا بأقسامهم وحصر اغلب المشاكل والطلبات اللى بيحتاجها الاعضاء وحلها بجانب الخدمات العاديه المكلف بيها الادارى بتاخد وقت ومجهود شويه http://banatmisr.com/up3/uploads/1367365012622.gif س / بتنزعلى لما حد يقلل من نشاطكم والا الموضوع مش فارق معاكى ؟ اى حد فى منصب وراد يتعرض للنقد والهجوم وانت مش هاتقدر ترضي كل الناس مهما عملت لو نقد بناء عادى بوضحله يمكن مش واخد باله وانا بقدر افرق بين النقد والهجوم الغير مبررولو حسيت انه قاصد يقلل منى دى حاجة تانية وربنا قال لاتبخسوا الناس أشياءهم وفى النهايه مافيش حد نشيط على طول مين فينا مش بينشغل فى حياته او تجيلوا لحظات ملل؟ س / المواضيع السياسية فى المنتدى شوفنا بسببها خلافات كتيرة بين الاعضاء كنتى مع قرار الادارة فى منعهم من تنزيل المواضيع السياسية ؟ قرار منع السياسة كان ليه سبب كان الجو متوتر وانعكس على الاعضاء وعلاقتهم ببعض لكن حاليا ومن فتره سمحنا بالمواضيع السياسيه فى حدود احترام الاخريين وعدم الاساءة لاى جهه س / ليه سمحتو للاعضاء بانهم يكلمو فى صفحاتهم فقط ؟ الصفحات تعتبر ركن خاص بيك ومافيش حد بيدخل يرد او يناقشك فيه بس متراقبه المشاركات كويس واى تطاول بيتحزف س / ليه مش حابه تعلنى موقفك السياسى فى المنتدى بحس انك بتتجنبى الحديث فى السياسه ؟ انا رائي السياسي بعبر عنه فى صفحتى وفى خواطرى او مواضيعى ولما برد على مواضيع واكيد اللى متابعنى هايعرفه كويس خصوصا آخر مواضيعى مش لازم اكون متعصبه لاتجاه واعبر عنه بحده لكن من الجميل انك تعبر عن رائيك من غير ماتكون متطرف ومتحيز لجهة معينه مافيش حد صح على طول ولكل نظام اخطاؤه س / شايفة ان الادارة اخدتك من المنتدى خاصه قسم الابداعات المفضل ليكى ؟ بالعكس انا يوميا فى قسم الابداعات والاقلام وبنزل مواضيع اكتر من الاول يمكن المسابقات والاستضافات مابقتش زى الاول بس بحاول كل فتره اعمل مسابقه او حمله شامله لاكتر من قسم يكون الابداعات من ضمنهم س / انتى مع عودة فكرة ( الادارى المنتخب ) والا هيبقى صعب الفترة الحاليه ؟ فكره الادارى المنتخب كانت جميله بس للاسف عملت مشاكل كتير بين الاعضاء وخسرتهم بعض وغيرت النفوس بشكل مكنش معمول حسابه ممكن ترجع ليه لأ بس لما نحس اننا محتاجينها وخصوصا ان اغلب الاعضاء بيدرسوا ومشغولين شويه بس انا بفكر فى منصب جديد لسه مااكتملتش صورته ولامهامه س / مين من الاعضاء الجداد شايفه انه لفت انتباهك وقولى اسماء اعضاء يمكن يكون حافذ ليهم ؟ فيه مجموعة كبيره مميزة وبحب اتابعهم منهم اللى بقى مشرف الفتره اللى فاتت ومنهم هاينزل اسمه فى التميز الجاى ان شاء الله س / من فترة كنتى نزلتى توبيك او فى توقيعك ان فى حد بيبعت للاعضاء على الفيس اضافات باسمك كان فى خلاف مع حد والا الموضوع كان ايه ؟ هوا لسه موجود فى توقيعى على فكره وده كان نتيجة موقف اكتشفته بالصدفه لما لوجى قالتلى انا سيبتلك رساله على الفيس استغربت جدا لانى معنديش حساب عليه واكتشفنا انه حساب باسمى وعليه اعضاءكتير من المنتدى كلهم كانوا فاكرينه انا ولما نزلت التوبيك دخلت صاحبة الحساب نزلت توبيك وضحت سوء التفاهم انها مكنتش تقصد واناماعنديش خلاف مع حد ولاحساب باسمى http://banatmisr.com/up3/uploads/1367365012622.gif س / سيبك من المنتدى وقوليلى وانتى فى البيت بتقضى يوم ازاى ؟ يومى بيبدأ من 6الصبح بصحى عادى عشان اولادى بيروحوا المدرسه الباص بيجى 7 بعدها ممكن ادخل المنتدى او انام تانى لحد 10 اصحى اشوف هاطبخ ايه وطلبات البيت بيرجعوا 3ونص ولحد 8 بكون مشغوله معاهم فى المزاكره والواجب لحد مايناموا واقعد اشوف هواياتى والمنتدى وخروجى قليل جدا يوم الاجازة بس س / بتحبى تسمعى مين وانتى مزاجك رايق ^^ ؟ بحب اسمع عمرودياب وسميره سعيد وجنات وماهر زين وحمزة نمرة والاكتر ميوزك بس من غير اغانى س / ايه القنوات الى بتهتمى بيها ؟ بتابع mbc وcbc كل قنواتهم تقريبا س / انتى اولادك كام سنه وكلمينا عنهم ؟ لسه صغيرين kgوابتدائى واكلمك اقولك ايه بس مدوخينى طبعا ربنا يهديهم بس بدأ يظهرلهم مواهب فى الرسم والكتابه ودى حاجه مفرحانى جدا س / اخيرا تحبى تقولى ايه لاعضاء المنتدى ؟ بالاحترم والحب والعطاء تقدروا تكسبوا كتير جدا واعرفوا انكم اعضاء فى احسن منتدى ممكن تشوفوه ماتخلوش الاختلاف فى الرأى يفسد علاقتكم ببعض ومش تزعلوا لو اتأخر تميز او اشراف لان غالبا بتكون الاعداد اكتر بكتير من اللى الاقسام محتاجينه وياريت اى حد عنده مشكله او طلب مايتردد ابدا انه يبعت للاداره واتمنالكم كل التوفيق فى حياتكم http://banatmisr.com/up3/uploads/1367365012622.gif وبكدا بتخلص حلقه النهاردة انتظرونى وحلقه جديدة وضيف جديد :D |
استضافه حلوه اكيدما فيش ولا تعليق على كلامك بنسبه للمنتدى بالعكس الله بعطيكي العافيه لانه. شي بده مجهود وتعب وما حد بيحس فيه إلا الي جربه أحم اه طارق خله مسؤليه المنتدى الك ول ساحر يا حبيبت قلبي يا خواتي على الجميل يا خراشي العسل الي بنقط يا ختي على الحبابه لك تقبريني أن شالله إلا يا قمر أسمعت انه بدكم مديره جديده ال مزبوط هادي القصه أحم اول مره بعرف انه متجوزه وعندك أولاد الله يحفظهم يارب وان شالله تفرحي فيهم منوره الاستضافة اكيد |
حلقة جميلة جدااََ ماتكنش مورشو لو ما اطمنتش عن قسم الشكاوى :D أول مرة أعرف أن منة عندها أطفال s1 ربنا يباركلك فيهم ... ومجهود دمعة وساحر في المنتدى كبير جدا : ) تسلمو حلقة جميلة .. |
لاتبخسوا الناس أشياءهم عجبتني الكلمة دي :105: حلقة جميلة اوى معاكي طبعا يا منة و مورشو معرفتش تجيب مشاكل المرة دي هههههههههه نورتي يا فتاتي :07: |
حوآأإر َ جمممميل َ جدآآأإ |
بحب منه والله ع الصعيد الشخصي كمان مشاء الله اداريه مشاء الله قايمه بكل شي لصالح العام للمنتدى هي وطبعا امجد ربنا يوفقكم يارب مستر تشكرات على المجهودات الواضحه |
حوار جميل جدـــا ً ورائع وبرنامج مميز الأسئلة معبرة وشاملة وتطرق لأكثر من موقف والإجابات توضيحية مميزة جدا منة إنسان بنتعز بيها ولها نشاط ملحوظ وواضح في مختلف محطات المنتدى واقسامه ... على الصعيد الإداري منة وأمجد يبذلون جهد عظيم وكبير جدا ً أحمد برنامج مميز جدا وحوار رائع دمتم بألف خير وسلامة جميعا ً |
حوار جميل جداا واسئله فى الجون واجابات جميله |
شكرا مروشو على الاستضافه واتمنى ان الاجابات تكون وضحت امور كتير وشكرا لكل الحضور نورتونا وبجد كلامكم اسعدنى جدا ويارب افضل عند حسن ظنكم دايما |
أهم حاجة عندك أنت قسم الشكاوى أخبارة أية ؟ نايم وبيسلم عيك ؟ ياريت الناس الى ليها شكاوى تدخل وترد وتشوف أن كان بيتم حلها ولا فية تقصير أتجاة أصحاب الشكاوى , الناس بتبذل جهودها على قدر أستطاعتها وتواجدها وأترك الحكم للأعضاء أن كان فية جهد ولا مفيش لأن مدح النفس كدبة , أترك احكم من منظور الى شايف عن بعد سوء أم قرب عارفك أنا بسى منة أعصابها فى تلاجة علمتها أنا كدة مش كدة يا منة ؟ أستضافة جميلة مرشدى مع منة تكلمت ووضحت بأستفاضة وأن شاء الله ربنا يقدرنا لبذل أقصى جهد لصالح المنتدى ولأخوتنا الأعضاء بالتوفيق |
| الساعة الآن 11:30 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب