منتديات بنات مصر - حــــزآم أمــــآن " مسابقه أفضل كاتب "

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - حــــزآم أمــــآن " مسابقه أفضل كاتب " (https://forums.banatmasr.net/msryat445301/)

حــــزآم أمــــآن " مسابقه أفضل كاتب "

مسكين عشان
قلبك جبان
خايف يبين ضحكت
رابط ملامح بشرتك
بحزام امان
خايف من مطب ف سكتك
احسن يشيلك ويهبدك
خايف كمان من دنيتك
تسرح وتنتش فرمله
و امالك متشعلقه ورا
ع الاكصدام
خايف عليها احسن تقع
ولا تسيبها ف الخلا
ف ابعد مكان
وخايف كمان
لو يتسمع صوت ضحكتك
والناس تحس بفرحتك
فيحسو انك بتاع زمان
يفتكرو فرحك اللي كان
باين عليك من رسمتك
وروحك المليانه بحنان

انا عمري شفت قلب كده
الفرح عنده مشكله
رابط الضحك بسلسله
وماسك عليه
تاعب دماغه باساله
والاجوبه متنيله
قدام عنيه
ستاره عيونه متبهدله
عمال يعيد ف الاسئله
والناس ليه عملت كده
ومعرفش ايه

سيبك بئه من اللي شال
واللي حصل
دور ف يمينك والشمال
علي الامل
انا عايزك تمشي بالتكال
عايش وراضي بالحلال
سيبك من اللي عاد وقال
واوعاك تفكر ف الزعل

واهم حاجه تبقي راضي
مالي جيوبك بالسعاده
وازرع ف كل الاراضي
خير وحب بزياده
ابتسم متبقاش كده
وعيشها ديما بالرضا
ده مفيش بيشفي الافئده
غير التراضي

راقتني جدا

سلمت وسلمت كلماتك

حزام أمان

ولا أطمئنان

كلمات جميلة منك محمد

كما تعودنا

دمت بخير

وكما العاده سعد
مبدع العاميه
رقى وقوة كلمه تناغم موسيقى رائع
حقا احسنت
بالتوفيق ان شاء الله

اخى محمد
راقيه جدا حروفك
دام ابداعك

ماشاء الله سعد مقطوعة راقية جدا جدا

لغة منتهى السلاسة والتناغم بين الكلمات

حسيت وأنا أقراها وكأنها غنوة راب

حقيقة كلمات راقية واحساس وصل بسهولة جدا

تحيتي وتقديري

وفى انتظار كل جديد لك

حروف أنتظمت لــ تشف عن رقي ذآئقتك
أوتآر سطورك لهآ نغم مميز
أبدآع يحتويهآ
بانتظآر حروف جديدة لهآ أنغآم ملؤهآ الجمآل
دمت و دآم قلمك يسطر لنآ أروع الحروف
طبت و طآبت أيآمك

فيه اللي بيخاف يضحك
وبيحكم على نفسه بالتعاسه
وفيه اللي خوفه من السعادة
بيخليه يحقد على الفرحة
لدرجة انه بيكوزن عايز يسرقها من أي حد ..

جميـــــــــــــــــــلة أووووي ماشاالله رووعة
مبسوطة بقراءتها ..

الله يعطي حضرتك العافية ..

تقييمي ..