عيد ميلادى (دوله) http://up.supersy.com/uploads/13272542075.gif وانا...مولود.. قالو ده واد خيال وله نصيب فى الغيب متشال . طلع النصيب مكتوب......... حظى يكون مقلوب عكس اللى كان متقال . قالو رزقى كتير ..وشكلى كمان محظوظ 20سنه وكبير. وتشوفنى تقول ده عجوز . دنيا وفيها العجب . فى ناس مولوده....... بمعالق دهب وناس علشان جنيه تمون من التعب . وناس فى الحزن غرقانه من غيرما تعرف سبب دنيا وفيها العجب................ وكل شئ بيجوز . وانا لسه فى اللفه . ابويا شلنى وأذن فى....... ودنى وواحده جايه تبخرنى وتحسدنى . وناس رايحين وناس جايين وواحده شاليتنى فى غربال . وهزيتنى شمال ويمين وناس بتجهز الفته . وناس بتفرق الفطره وعيال بتجرى فكل حته . وناس بتشاور على عينونى اصلهم كانو زمان حلوين . وانا بصرخ على الاخر وبتألم بس هما مش فاهمين . وكبرت شويه وبقت اسحف واشب واول حاجه اتعلمته اشتم ..واسب . دوله قول لعمك ياحمار دوله ....تف على خالو كانو واخدين الكلام بهزار كبرت و فضل الكلام على حاله . كبرت شويه كمان وعرفت كام شارع وحاره ولعبت فى كل مكان وشربت مره سيجاره . وبدات سن الشقاوه ولعبت ماريو واتارى وحدفت واحد بطوبه وعورت عيل جارى . ودونى كت تاب ...احفظلى كام سوره وفى يوم رجعت البيت واديه مكسوره . امى شافتنى جالها ذهول وقالت بصوت عالى مالك يا عدوله الشيخ ضربنى قالت اقعد هنا جنبى بلاش ...كت تاب هنوديك سنه اولى . خلاص دخلت المدرسه .وقاعد فى تخته كويسه وعرفت كلم صاحب ..........لكن جيوبهم مفلسه . ودخلت أبله سماح كانت اول مدرسه.......................هذا الاسم حقيقى واول درس اخدته مش فاكره لو كنت فاكر مكنتش سبت المدرسه ........................كملت الابتدائيه بس . ورجعت تانى للشارع وشوفت شغلانه كنت الحياه صعبه وظروفى .......تعبانه . واشتغلت كتير هنا وهناك عجلاتى كبابجى وسباك . ورغم المشاكل والهموم عمرى ما نسيت نفسى فى يوم . علمت نفسى كل شئ اقراء واكتب واكون جرئ . وفى يوم بعد صلاة العصر فتحت الجهاز بدور على حاجه نقصانى دخلت منتدى بنات مصر حبيتكم وحلفت ما هسيبكم ومعاكم هبداء عمر ى من تانى . الكلام ده كله حقيقى لسه كاتبها دلوقتى 5..12...20013 |
الله الله الله الله الله ايه القريحة الفذة دي ؟؟؟؟ لالالا حقيقي روووووعة واكثر من رووعة كتبت قصة حياة بشكل سلس ورائع فعلا تستحق كل تقييم وكل تقدير |
كل سنة وانت بكل الخير يااااارب |
الله الله الله روعة روعة روعة أبدعت والله أخي الفاضل سلمت وسلمت يمينك وتقبل وافر احترامي وتقديري ودمت بكل الود |
جميله كتير ومنتدى بنات مصر اتشرف بانضمام قلم جميل زى قلمك صمتى كلام يدوم الابداع والتميز |
حقا انا شخصيا ليا عظيم الشرف انى عرفت شخص مثلك كلمات حقيقيه نابعه من قلب صادق دمت ودام وجود بيننا تقبل وافر الاحترام والتقدير |
اقتباس:
سيدتى جبل عالى يسعدنى وجودك على الدوام وشكرا لكلامك الراقى والتقيم الجميل |
اقتباس:
وانتى ايضا ولكن عيد ميلادى لسه شويه عليه انا شهر 3 شكرا لكى |
اقتباس:
اخى احمد الجمل هذا بعض ما عندكم نورتنى استاذى |
اقتباس:
سيدتى قيثاره الصمت يسعدنى مرورك الطيب العطر انا اللى ليا الشرف دمتى بكل خير |
الساعة الآن 03:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب