منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   أولى حلقات : شاعر ربابة (https://forums.banatmasr.net/msryat446387/)

اوتار الليل 12-09-2013 09:17 PM

أولى حلقات : شاعر ربابة
 


أولها نبدأ بالصلاة
على نبينا الحبيب هادينا
محمد رسول الله



كتير سافرت فى أرض الله
وعاشرت ناس من خلق الله
لكن ما حدّش حب غُنايا
غير لمـَّـا قولت يالِيلِي .. آه


أول ما اقولها يسمعوا
ويبدأوا يتجمّعوا
ويقولوا تانى قولها كمان
فيه ناس بتفرح بالأحزان
وناس بتهرب م الأحزان
بس ياريتهم يوم وعوا
دي الآه بتقتلنى كإنسان


مسكين ياناسى العيد زيي .. وتفاريحه
منين ما همّ الناس بينام .. بنام ريحه
وبئيت انا والليل أصحاب .. وانا جريحه
نضحك فى برده وفـ ريحه
ضحكة هذيان


يامسكين يامسكين يامسكين
يامسكين .. من صغر سنك
وانت حزين .. يامسكين


فاتونى ليه حبايبى وناسى
والدمع بس الّلى ماناسى
أمسح عيونى القاه فـ كاسى
علقمّ وشين .. كالزمان


وبكره هرجع أحكيلكم
حكاوى تانيه واغنّيلكم
حكاوى من سراديب شاعر
سهران معاكوا هنا ليلكم


( بقلم / اوتار الليل )

دمعه حائره 12-09-2013 09:28 PM

اللهم صل على محمد وعلى آله وصحبه أجمعين
موال حزين بس جميل جدا
تسلم اوتار وفى انتظار حلقه بكره

ساحر الأحزان 12-09-2013 09:32 PM

اللهم ما صلى علية

بداية جميلة اوتار

موفق فيها

اوتار الليل 12-09-2013 09:35 PM

أشكركم استاذتنا القديرة /
دمعة حائرة
لإطرائكم الذى يسعد النفس والروح
وأشكركم لمنحى شرف تواجدكم الكريم
تقديرى لشخصكم الراقى ولكلماتكم الرقيقة

اوتار الليل 12-09-2013 09:38 PM

شكرا استاذنا الراقى /
ساحر الأحزان
لتشجيعى ولمجاملتكم الرقيقة
أتمنى أن أكون جديرا بتقديركم دائما
تحياتى وإمتنانى لشخصكم ولمشاعركم الطيبة

عاشق متيم 12-09-2013 09:44 PM

جميل جدااااا مع انها حزينه
بس صدق اتمنيت انها تكون اطول من كده
تسلم وفى انتظار الحلقات الاخرى
تقييمى + نجومى

إيلاانا 12-09-2013 09:49 PM

عليه افضل الصلاة والسلام

حلقة جميلة وكلمات كاتب مبدع

محشوة بالحزن الاأنها رائعة

معك أنا اترقب حلقاتك أخي

الغالي اوتار الليل

تحياتي لك ودعواتي لك من القلب

بسعادة وحظا عظيم في الدارين

أختك دائما بقايا صمت

اوتار الليل 12-09-2013 11:01 PM

أسعدتنى كلماتكم أخى الكريم /
عاشق متيم
فهى مجاملة تسعد النفس والروح
وشكرا لمنحى شرف مرورك الكريم
تقديرى لشخصكم ولتقييمكم ولمشاعركم النبيلة

اوتار الليل 12-09-2013 11:03 PM

أسعدنى أن موضوعى نال إعجابكم
أختى التى أعتز بها دائماً /
بقايا صمت
تعجز كلماتى عن رد إطرائكم الراقى
وأشكركم لمنحى شرف مروركم الكريم
تحياتى وتقديرى لشخصكم ولمشاعركم النبيلة

ويبقى الأثر 12-09-2013 11:37 PM

اليوم حروفك دبلانه
حزينه بالدمع غرقانه
مستنيين تانى حكايه
بالفرح يارب مليانه


ابدعت اوتار وبدايه موفقه
ربنا يسعد ايامك


الساعة الآن 11:28 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w