منتديات بنات مصر - ثالث غناوى شاعر ربابة

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - ثالث غناوى شاعر ربابة (https://forums.banatmasr.net/msryat446647/)

ثالث غناوى شاعر ربابة

ده كدّاب .. ده كدّاب
طلع خساره أعزّ اصحابى
أكبر كدّاب

ياما قولت ده بكل احبابى
وأغلى واحد فى اصحابى
وافرح به لو دقّ بابى
وطلع كدّاب

فاكر ليه كدبك هيفيدك
وتاخدنى لعبة ليه فـ إيدك
دلوقت والله مابريدك
ياكبر كدّاب

دنا ياما كنت احمل همـَّـك
واراعيك وبيتى ياما لمـَّـك
يطلع ليه الكدب فى دمـَّـك
واكبر كدّاب

ياما كنت بحلف ميت يامين
ده أخويا ودراعى اليمين
أتاريه عليـَّـا موش أمين
وطلع كدّاب

ما فرقت بين جيبى وجيبه
ولا كنت افتش على عيبه
ما رحمنى ليه من ألاعيبه
وطلع كدّاب

قطفت لك وردى وزهرى
فاكرك هتبقى سند دهرى
أتاريك بتطعنّى فـ ضهرى
واكبر كدّاب

وبكره هرجع أحكيلكم
حكاوى تانيه واغنّيلكم
حكاوى من سراديب شاعر
سهران معاكوا هنا ليلكم

( بقلم / اوتار الليل )

ياما بنصادف كتير من النوع ده من الاصحاب الكذابين والمزيفين اوتار
والحمد الله انهم بيظهرو على حقيقتهم
صحيح بنخسر اجمل وقت ومشاعر قضيناها
لكن البعد عنهم غنيمه
رائعه كل كتاباتك
دمت بتوفيق من الله
تقديرى

فعلاً استاذتنا /
قيثارة الصمت
هى نماذج نصادفها في حياتنا ونعتبرهم أصدقاء
لكن الحمد لله بتسقط الأقنعة ونكتشفهم بعون الله
تقديرى لشخصكم الكريم ولشرف تواجدكم

رائع ومبدع قلملك

جميله كتاباتك

ياما بنقابل اشخاص ويكون اقرب الناس ليا لكن مع الوقت بننخدع فيهم

ربى يسعدك ويوفقك
دمت بود

كلمات قيمة جدا وقلم رائع

تحيتي لقوة الحرف والبيان

لسة عارف الحكاية دى ياعم اوتار
يراجل
الكدابين على عينك ياتاجر
وباعلى صوتهم
بيقولوا نحن هنا
ربك يحوش
منورياشاعرالربابة
تحياتى

شكرا لكل من منحنى كلمة ولو مجاملة
ولكن أشعر انها بحب وبتقدير وإهتمام
وشكرا لكل من منحنى حتى لو كلمة من باب
المجاملة لكن من قبيل عمله فلم يهديها بنفس
راضية بل بنفس رضية وأشعر بالأحاسيس
من بين الحروف ، وكنت في غنى عن هذه الكلمات
وشكرا لأستاذتنا / قيثارة الصمت لزوئها وسعة صدرها
ومجهودها ولأفكارها في خدمة القسم والأعضاء