( رساله أدارية 2 ) ( قبول دفعات جديدة لحضور كورس المنتدى ) الحلقه الى فاتت تابعنا كلنا مع بعض الى حصل من ( اعضاء المنتدى ) واجتهادهم انهم يوصلو لـ ( مدرج بنات مصر ) وكان فى استقبالهم ( مدير المنتدى ) ( silver spectra ) النهاردة هيكون معانا بعض ( اعضاء المنتدى ) المجتهدين الى خاطرو بنفسهم عشان يحضرو ( كورسات ) المنتدى . http://upload.arabia4serv.com/images...8816230524.gif الحمد لله وصل دلوقتى عضوة منقبه لمكان ( الكورس ) فتعالو نشوف ياترى مين العضوة دى وحصل ايه معاها السلام عليكم وعليكم السلام بعد اذنك هو هنا مكان ( مدرج بنات مصر ) ايوه مين حضرتك انا عضوة فى المنتدى وكنت حابه اخد الكورس اهلا بيكى بس انتى ماشاء الله طويله ليه كدا متشكرة جدا كله بيقولى كدا بس انتى مين من المنتدى اول مرة اعرف ان معانا منقبه لا مانا عضوة جديدة مش معروفه قوى يعنى ايوة اسمك ايه يعنى عشان اسجل حضورك مش لازم تعرف بقا يا طارق اها انتى عارفا اسمى كمان طيب كويس اه ما اكيد انتا الى هتستقبلنا فاكيد انتا طارق صح اه صح بس بقولك ايه نعم لفى كدا بس يا طارق بتقول ايه طيب وطى بقا اقولك حاجا قول يا طارق قول امشى اطلع برا بدال ما افضحك وماتجيش هنا تانى انتا بتقول ايه عرفتك من ( القميص الاخضر ) امشى ياض من هنا ياعم انا ( نور ) ياعم مش عايزنى ادخل ليه يله ياض من هنا هى ناقصه جاتكم القرف http://upload.arabia4serv.com/images...8816230524.gif وطبعا نور كالعادة اتكل على الله وخد بعضه ونزل ولسه لحد دلوقتى ( طارق ) مستنى باقى الاعضاء بس فى عضوة وصلت اهى فعلا دلوقتى تعالو نشوف هيحصل ايه لو سمحت انا عضوة فى بنات مصر والمفروض فى كورس هاااااااا كورس اه فى كورس بس المدرج مقفول دلوقتى طيب هو فين عشان احاول ادخل لالالالا اصل ( مدير المنتدى ) مش عايز حد يدخل بعديه عارفا ( طارق ) دا رخم اصلا وكمان لو عرفنى والا بلاش هو رخم فعلا انا عارفه كويس هو انتى مين طيب انا العضوة ( جبل عالى ) انتى طيب بصى هو قالى لو انتى جيتى ابلغك رساله خير وهو عرف منين انى جايه قلبه كان حاسس عموما بيقولك اتكلى على الله حصلى نور نور مين مشرف النقاش هو لسه نازل من شويه اتفضلى اتفضلى http://upload.arabia4serv.com/images...8816230524.gif طبعا طارق لحد دلوقتى مستغرب مفيش حد يعتبر وصل كل الى وصلو هو مش عايزهم معاه اساسا بس فى عضوة تانى وصلت دلوقتى تعالو نشوف مين دى هلا هلا فيكى بدى اعرف مكان المدرج الخاص ببنات مصر هو دا المدرج بس انتى مين انا المراقبه ( سارة ) ( كونتيسه ) اهلا سارة انا طارق طارق كيفك والله بخير تعبتى نفسك ليه بس وجيتى من السعوديه لحد مصر انا مقدرش استغنى عن المنتدى واعضائه لا وبتكلمى مصرى كويس اهو طبعا ولسه ضاربه كشرى قبل ما اطلع كشرى ادخلى يا سارة ادخلى اقعد فين والا فى اى مكان ورا يا سارة مش ناقصه كشرى الله يكرمك http://upload.arabia4serv.com/images...8816230524.gif وقدرت ( سارة ) انها تدخل المدرج :D طارق قرر انه يدخل ( المدرج ) بس قبل ما يدخل واحد نداله وحصل الحوار دا بقولك ايه يابنى هو مدرج بنات مصر فين هااا مدرج ايه ياعم الحاج بنات مصر ماتتريقش انا جاى اخد كورس ياحاج روح صلى ركعتين ياعم الحاج كورس ايه بس صليت يابنى الحمد لله انتا مين ياحاج انا العضو ( طبيب الهوى ) بص ياحاج انتا يدوبك تلحق تصلى ركعتين وتنام عشان الكورس هيخلص بعد 9 والله عندك حق يله سلام عليكم بس ابقا قول لطارق انى جيت حاضر ياحاج هو خلاص عرف وبيضرب نفسه بالجزمه انه عمل الحوار دا اصلا ارحمنى ياااارب ارحمنى http://upload.arabia4serv.com/images...8816230524.gif ودلوقتى يا جماعه ( طارق ) دخل المدرج والعدد قليل طبعا بس قال وماله هبدء الكورس الاول وبعد 10 دقائق من دخول طارق وصل عضو وحصل الحوار دا معاه . مساء الخير مش هنا برضو مدرج بنات مصر ثانيه واحده انا جايلك حاضر بس هو هنا المدرج بقولك ثانيه وجايلك اتفضل انا خارجلك حاضر انا اسف بس يعنى هو هنا تعاله انتا مين اصلا وعايز ايه انا بسئل عن كورس بنات مصر المحاضرة هنا تقريبا انتا مين اصلا انا ( واد حبيب ) من منتدى بنات مصر حضرتك اهلا اهلا اهلا ليك وحشه والله انتا طارق صح بالاحضان ليك شوقا والله اه ماهو اصل اليوم باين من اوله والنبى وحشنى وبحبك خلاص ياعم انتا عموما يله يا رمضان الكورس خلص تعاله بكره ايه يا طارق لا هدخل ياعم ماليش دعوة يله يا رمضان اتكل على الله لا ياعم هدخل ايييييييه هو هنا وفى المنتدى طيب عايز تدخل يا رمضان ايوه ياعم انتا ايه كل حاجا تمشى كلامك طيب خد يا رمضان هاتلنا باكو شاى عشان القعده هتطول بس كدا اوك اجيب نوعه ايه هاتلنا ( شاى ام على ) وماتجيش الا بيه والا مش هتدخل بس كدا فوريره وجايلك http://upload.arabia4serv.com/images...8816230524.gif واتكل على الله ( واد حبيب ) وخد بعضه ونزل ياترى هيجيب ( شاى ام على ) والا هيعمل ايه دا هنعرفه الحلقه الجايه وهنشوف مين تانى راح ( كورس منتدى بنات مصر ) . :D |
واد حبيب هيجيب شاي ام حسن هههههههههههه |
هههههههههههههههههههه الله يخرب عقلك هو انا هكون ضيف الشرف فى كل الحلقات ^_^ هههههههههههههه و حلوه جبل عالى حصلى نور |
مش راضي ادخل حد . . هما مش المفروض دافعين فلوس ؟ هو مع الفلوس حد بيقول لأ :)) |
اقتباس:
لا ام على دا الجديد بتاع 2014 ^_^ |
اقتباس:
عارف انها هتعجبك بس جبل هتنزل من الناحيه التانيه اكيد |
اقتباس:
|
هههههههههههههههههههههه سارة تقول ضاربة كشري >> وسعت منك يا مورشو ههههه بس حلوة اوى الحلقة دي يللا مستنية نشوف محمد هيجيب شاي أم علي ده منين :18: |
اقتباس:
احتمال يجيلها مرض غريب من نوعه المفروض كانت تقول ضاربه باتيه والا حاجا من الحاجات دى ^_^ |
مش صعبان عليا ف المشوار ده كله الا رمضان خرج ولم يعد :24: |
الساعة الآن 09:00 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب