منتديات بنات مصر - ( رساله أدارية 3) ( قبول دفعات جديدة لحضور كورس المنتدى )

بسم الله الرحمن الرحيم

مزاج الخير :D

استكمالا لتوافد الاعضاء لـ ( مدرج بنات مصر )

للحصول على شهادة معتمدة من ( أدارة المنتدى )

النهاردة هنكمل مع بعض مين هيقدر يحضر ( الكورسات )

بس ماتنسوش ان ( طارق ) قرر انه يبدء المحاضرة الاولى

فتعالو نشوف حصل ايه .

طبعا ( طارق ) دخل المدرج ولسه هيقول يا هادى

باب المدرج خبط ووصل العضو دا .

http://upload.arabia4serv.com/images...8816230524.gif

ممممممساء الللللللللخيييييييير

هااا مساء النور ايوه انتا مين

هوووو هنننننا مممممدرج بببببنات مممممممصر

ايه ليه خير فى حاجا

اصصصصل انننا عضوووو وووعندى كوووورس

انتا مين اصلا ومالك بتكلم كدا ليه

خللللقه ربننننا انا الللللعضو ( سسسسساحر الاحزززززززان )

لا حول والا قوة الا بالله مالك يا ساحر

ممممممفيش اصل انا جججججججاى من الاردن على هننننننننا

طيب وفيها ايه يا ساحر دا يخليك كدا

اصل الججججججو فى الاردن ثللللللج وجيت لقيت هنا ثثثثثلج برضو

معلش يا ساحر كنت تقل ياعم وخلاص كدا الاعضاء هتضحك عليك

لالالالا ممممماتقلقش كلها كام شهر واكككككون كوووووويس

طيب عموما يا ساحر مش هنا المدرج اتفضل روح واتاكد من مكان الكورس

ييييييعنى بعد كل دددددا وطلع ممممممش هنا الككككككورس

انا كنت بشوف مالك بس مش اكتر

ططططططيب اششششوفك عللللى خييييير انا ممممش هاجى تاااااانى اصلا

مع الف سلامه يا ساحر مع الف سلامه
احنا ناقصين تهتها ياعم ساحر استغفر الله العظيم

http://upload.arabia4serv.com/images...8816230524.gif

المهم طارق بعد ما شاف ساحر ياترى هو ندمان

انه عينه ( أدارى ) والا لا دا سؤال مهم المفروض

طارق يدخل يجاوبنا عليه بس دلوقتى حالا

طارق شاف عضو جاى من بعيد وبيجرى وفرحان

طارق طارق طارق

ايوة يا ( حبيب )

دلوقتى انا روحت السوبر ماركت وسئلت على الشاى

اه وقالك ايه

قالى انتا عبيط يابنى يله امشى من هنا

اه معلش انا نسيت اقولك ان الشاى دا موجود فى مناطق معينه

طيب انا اعمل ايه دلوقتى يعنى

انزل يا حبيب اركب اتوبيس 256 من تحت وانزل اخر الخط واسئل هناك

طيب اخر الخط دا بعيد والا فين يعنى

لا مش بعيد هتلحق روح يا حبيب روح

ياعم لا ياعم انا عايز ادخل يا طارق

مش هقولها تانى اتفضل

حاضر ياعم انتا ايه دا رخم هنا وفى المنتدى كمان

http://upload.arabia4serv.com/images...8816230524.gif

ونزل ( حبيب ) يبحث عن شاى ( ام على ) مرة تانيه

وماذال البحث مستمر مع ( رمضان ) بس الى اقدر اقوله ان

( رمضان ) مش هيرجع الا بيه انا متاكد :105:

ودلوقتى وصلت عضوة تانيه ياترى هى مين

هتعرفو دلوقتى .

مساء الخير

مساء النور

لو سمحت هو مدرج بنات مصر هنا

ايوه هنا والله العظيم هو دا المدرج

اخيرا الحمد لله انى لقيته طيب حضرتك مين

حضرتك الى مين

انا ( كوين ميرو ) عضوة فى المنتدى

اهلا بيكى انا طارق

ازيك عامل ايه

الحمد لله تمام منورة المدرج والله بعد شوقه

ايه مش فاهمه

لالا مفيش اقصد كويس انك جيتى عشان نثبت ان مسلم ومسيحى ايد واحدة

طبعا كلنا مصريين يا طارق طيب ادخل اقعد فين

بصى شايفا الديسك الى هناك دا

اها وكمان هقعد قدام انتا كنت عارف انى قصيرة والا ايه

كان قلبى حاسس :105: اتفضلى كورس فتحته خير ان شاء الله

متشكرة طيب ثوانى بس اصل ولادى الاتنين طالعين على السلم

ولاد مين يا ( كوين ميرو )

ولادى يا طارق وهو انا هاجى من غيرهم برضو

هم الى جايين جرى دول ولادك

حبيبى حبيبى شوفتهم حلوين ازاى عسلات والله

استغفر الله العظيم انتى قولتيلى انتى ( كوين ميرو ) صح

اها

طيب معلش انا اتلغبط بس انتى مكانك ورا خالص

ليه يا طارق كدا انا كنت مبسوطه

معلش اتلغبط اتفضلى ورا مع ولاد حرف هجاء اتكلى على الله
كل واحده جايالى بعيلها ايه القرف دا فاكرين نفسم جايين جنينه

http://upload.arabia4serv.com/images...8816230524.gif

طبعا طارق شكله قال ياريتنى ما دخلتها

عشان دلوقتى الاطفال فى المدرج تقريبا اكتر من الاعضاء :04:

ودلوقتى وصلت عضوة لمكان المدرج تعالو نشوف هى مين

هاى

هاى عليكى اكيد انتى جايه عشان كورس بنات مصر صح

ايوة صح عرفت منين

اصل انا خبره فى الحاجات دى بس انتى مين

انا ( رائحه القهوة ) مشرفه النقاش

ااه ازيك عامله ايه

الحمد لله انتا طارق مش كدا

ايوه انا طارق بس ماشاء الله عليكى عرفتى تيجى لوحدك

وانا صغيره يا طارق

لا اقصد محدش عاكسك والا حاجا

ههههه انا بتعاكس وانا فى البيت يا طارق مش هتعاكس فى الشارع

اللهم صلى اللهم صلى طيب طالما كدا يبقا لازم اروحك بعد الكورس

لالا مش عايزه اتعبك

ياريت يبقا دا تعبك انك توافقى اوصلك كل يوم كمان

طيب هفكر ممكن ادخل عشان الحق مكان

لا انا حاجزلك مكان ومميز كمان

طيب الحمد لله هقعد فين

ادخلى فى الديسك الى فى الاول فى النص دا مكان مميز

طيب بس ثانيه واحده بس هجيب ( جدو ) اصل الجو ساقعه عليه تحت

جدو مين وهو فين

قاعد مستنينى تحت اهو طلع اهو تعاله يا جدو

هو دا جدك متاكدة

ايوه يا طارق هو جدو

طيب تعاله يا جدو هات ايدك

اهى يابنى اتفضل

انا مش قولتلك ياض تغور من هنا فى جدو هيلبس اميجو بينور ياض

ياعم انا هعمل ايه تانى عشان ادخل يعنى

يله ياض من هنا وادخلى انتى جوا يله

ايه ياعم حرام عليك انتا بدخل بنات بس والا ايه والمصحف حرام

يله ياض بهبل طولك دا على تحت ولو شوفتك تانى هعلقك من رجلك قدام الاعضاء

والله ماهسيبك يامفترى

يله ياض يانور ( انا بابا يلا :24: )

http://upload.arabia4serv.com/images...8816230524.gif

طبعا ( رائحه القهوة ) دخلت و ( نور ) كالعادة مشى :18:

دائما كاسفنا كدا قدام الناس :116:

ودلوقتى وصل عضو لمكان الكورس تعالو نشوف هو مين

مساء الخير

مساء النور خير عايز مدرج بنات مصر انتا كمان

ايوه فين المدرج

مفيش مدرجات اتكل على الله خلاص الكورس بح

بح ايه انتا مين اصلا

مالكش فيه ياعم انتا عايز ايه يعنى من الاخر

عايز المدرج عشان احضر واشوف ايه حوار الكورس دا

لا اتكل على الله مفيش كورس خلاص بح قفلنا

انتا مين اصلا عشان تكلمنى كدا

انا طارق ياعم الحلو يا عم النجم فى حاجا

ايه يعنى طارق عشان ادارى تكلم الاعضاء كدا

ايوه براحتى فى حاجا انتا مين ياض اصلا

انا ( الحب الصامت ) هيثم ياض

ممممممين ( هيثم ) صاحب الموقع

ايوه ولما تكلم معايا تقف انتباه من حديد بدال ما اعصرك انزل منك طقم ادارى جديد

http://upload.arabia4serv.com/images...8816230524.gif

ياترى ( الحب الصامت ) هيعمل ايه مع طارق

وياترى ( واد حبيب ) هيعمل ايه فى ( شاى ام على )

دا الى هنعرفه الحلقه الجايه :105: