|
أرحم نفسك وأرحمنا _ حصري _ برضه لسه مصمم يدخلنا في متاهات مش كفاية الهم سايق دلاله ونازل عك ليل ونهار مسابش ركن مخربوش ولا فكر الا وهاجمه حتي عينه كدبها وإحساسه لغاه وكدبته صدقها ولسه ماشي وراه ياعالم ياهوه فين العقل حتة إشارة مرور عملها كعبة وبيسجد ليها وبيغنيها وبيكتب فيها أشعار ولسه عاوز الكلام ميخلصش ونفضل نهاتي يمين وشمال ونتخانق صبح وضهر وبعد العصر ويمكن كمان بعد العشا وقبل ماننام كده حرام لا نافع معاه برشام مسكن ولا برشام صداع الفولة بانت والكل عرف صاحبه خف بقي عوم مع التيار مش ضده خليك معانا جوانا وحوالينا ده احنا ولاد بلد واحدة ودمنا واحد وهدفنا واحد نبني مصر نعمرها بالامان مش نهدها ونملاها فرقة وهوان ارحم نفسك وارحمنا ان كنت بتحبها بجد وبتحب مصريتك خليها تحبك هيا كمان وان كنت مصمم ع الفرقة والخراب تبقي قابض تمن كل حرف وكلمة وبايعها من زمان فتحي عيسي |
صح قولك يا اخي والله نفسنا نفوق بقا من التوهان والجري ورا سراب والنتيجة فرقة وهوان مصر محتجالنا نكون إيد واحدة مش محتاجة نجرح بعضنا ونتهان تسلم إيدك أستاذ فتحي لهذا النداء الراقي سلم مداد قلمك وسلمت يمينك كل التحية والتقدير |
ربنا قادر على كل شيء قادر يهدينا للحق واليقين قادر يرجعنا زي ما كنا حنينين وعلى بعضنا نكون خايفين وايد واحدة دايماً متجمعين تسلم استاذ فتحي لنبض قلمك دمت راقي ..~ |
اقتباس:
شكرا علي هذة الإطلالة العطرة وهذا التشريف النقي بنقاء الروح والذوق الكريم بوركتِ مودتي وإحترامي |
اقتباس:
وإن شاء الله مصر هتنتصر علي كل شر وسترجع رافعة راسها قوية برجالها المخلصين شكرا علي تشريفك الغالي وتفاعلك النقي بنقاء الروح بوركتِ مودتي وإحترامي |
يا اخي الكريم مع احترامي لشخصك ولقلمك بغض النظر اني بكره فكر الاخوان بس سؤال لحضرتك هيا السلميه اصبحت من المحرمات ؟ .. طيب هو حضرتك مشفتش اي فيديو لفض الاشاره ال عملوها كعبه ولاحظت ازاي ماتو علي ارضها ؟ طيب وبرائة الي قتلو احلامنا وافسدو علينا كل مجالات حياتنا لمدة ٣٠ سنه ده مبيوحيش لحضرتك بحاجه ؟ طيب وقتل الطالب فجامعته واتهام زمائله بالقتل وغيرها وغيرها كل ده ايه رأيك فيه ؟ |
اقتباس:
أولا شكرا علي طريقتك الرائعة في الحديث وأتمني أن تبقي بهذا الكرم الحميد ابدأ خطوة خطوة طيب هو حضرتك مشفتش اي فيديو لفض الاشاره ال عملوها كعبه ولاحظت ازاي ماتو علي ارضها ؟ أولا الفض مهما كانت بشاعتة زي ما انت مصدق إنه قتل ألاف أنا مصدق إن كان هناك مئات تحت المنصة قبل الفض انت مقتنع بحاجة وانا مقتنع بحاجة تانية العمل ايه نهين بعض ونكسر عضم بعض ولا ايه طيب وبرائة الي قتلو احلامنا وافسدو علينا كل مجالات حياتنا لمدة ٣٠ سنه ده مبيوحيش لحضرتك بحاجه ؟ زي ايه تعمد مثلا مقصود إنهم يقتلونا وتبرءوا مستحيل اقولك ليه كل الدلائل في ايديهم ازاي هيدينوهم وبعدين مينفعش نعمم في كل حاجة طيب وقتل الطالب فجامعته واتهام زمائله بالقتل وغيرها وغيرها كل ده ايه رأيك فيه زي ما انت مقتنع ان الشرطة قتلتة برضه انا مقتنع انه اتقتل غدر من واحد كان وراه برضه ارجع واقول هنعمل في القناعة دية أنت سألت وانا جاوبت أسألك بقي بس بالله عليك فكر قبل ما تجاوب عاجبك قتل ظباط الشرطة والمحاولات اللي كل يوم بتحصل لإغتيالهم وبالأسم عجبك العمليات اللي بتحصل كل شوية تفجير وقنابل وانتحاريين عاجبك التكسير اللي حصل في الجامعات والإعتداءات المستمرة علي المعيدين والمعيدات والحرائق اللي بتولع في املاك البلد هتقولي كل ده من صنع الجيش والشرطة والفلول وهقولك قالها البلتاجي علني يرجع عن العزل يتوقف اللي في سينا فكر من فضلك قبل ماترد أشكرك مرة أخري تحياتي وإحترامي |
اشكرك ي استاذي لبلاغتك في الرد وقبل ان أبدا .. فانا ممن ايدو (الانقلاب) وكنت آري انه الحل الوحيد لنزع الاخوان من جذور المناصب بس حضرتك استحلفتني وانا هجاوبك اولا انا شفت بعيني السلميين بيتقتلو من الجيش ثانيا دكتور جابر نصار رئيس جامعة القاهره وهو المنسق العام للجنة الخمسين ومؤيد الانقلاب بشده عندما سالوه عن قتل الطالب وقال له الاعلامي ليست الشرطه من قتلت الطالب اجاب وبثقه (امال عفريت الي ضربه لا الشرطه ال ضربته ) ي اخي الكريم شوف كم غباء النائب العام اصدر في تحقيقاته بعدد من الطلبه والطالبات هم من قتلوه (يعني مثلا ١٧٠ شخص هيمسكو سلاح واحد وهيضربو كلهم طلقه واحده ههه ربنا يهدي ) طيب ي سيدي وبرائة مدير امن البحيره من تهمة قتل ثوار يناير؟ طيب وبرائة شفيق وجمال مبارك؟ طيب يا معلم اما تلاقي ان الفلول هما ال بيتحكمو ف البلد ؟ طيب وقانون المظاهرات .. هيا دي الحريه فوجهة نظرك ؟ اما بقي ي صحبي ف التخريب ال بتقول عليه ده بتنقلهولك اعلام حسبي الله ونعم الوكيل فيهم مش بيعاملو ضمائرهم واخيرا والله انا مش عايز مرسي يرجع (مع انه الرئيس الشرعي للبلاد) انا بس صعبان عليه دم شبابنا ال راح هدر وهما بينادو حريه عداله اجتماعيه |
معلش يا أخي هي كلمة صعبة تتفهم يعني ايه انقلاب يعني الجيش يقوم يحتل البلد اذاعة تليفزيون ويعلن سيطرتة علي البلد وقيام الإحكام العرفية واللي ينزل الشارع ولا يعترض يضرب بالرصاص لاء والأصعب فعلا إنه يقوم بعملية إعدامات في محاكمات ثورية وقتية وينفذ الحكم فورا ده هو الإنقلاب الحقيقي هو ده اللي حصل يا أخي محصلش لاء ده الشعب اللي نزل بناء علي طلب الجيش طيب نفترض إن الجيش طلب من الشعب ينزل ومنزلش ( هتقول فوتوشوب هقولك اتقفل باب الكلام) كان ممكن يعزله مستحيل ساعتها يسمي الإنقلاب الشعب هو مصدر السلطات ومن في يده السلطة الشرعية الحقيقية شباب مين بيتقتل هما مش برضه شبابنا وكل اللي بيتقتلوا في كل مكان مش هما برضه شبابنا ورجالنا كل اللي أقدر أقوله ربنا يهدي الجميع شكرا علي ردك الكريم تحياتي وإحترامي |
| الساعة الآن 06:40 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب