|
انا اتعودت اكون انسان : تابع مسابقة نهاية العام انا اتعودت من يومي .. اغرق في سما همومي .. افرح بس للفرحه واداري الحزن فجفوني .. انا اتعودت ع الماضي اشوفه بس بتأني .. اشوف حلمي ال مات جواه واموت لما احس هوآه.. انا اتعودت يا غاليه علي الغليان وان المكسي مستني ياخد هدمه من العريان وبان سعادة الشبعان عايز لقمه من ال مقضي طول عمره نهار رمضان .. وقلت يمكن يكتفي يسبنا فحالنا ونبتدي لعايزين قصر ولا بستان ولا ف احلامنا نتكبر انا عايز اكون انسان اشوف الصبح من غير هم اقول صوتي ومن غير دم اكل محصولي من غير سم لعايز كرسي ولا منصب ولا موظف بيتعصب اشوف في وطني كام وطني احس ان الامان موجود بلا اخوان ولا شيعه وليبرالي وعلماني وكل الدنيا كرهاني نقتل بعضنا وننكر وبكره يضيع ويتبدل وحلم ولادنا يصبح نار ونفتي بس ونكفر ... انا ي بلدي بتمني نبص للحظه قدامنا نفكر بس فآمالنا ده لو حللنا ف رمالنا هناخد ال يكفينا ونبني مصر بأدينا انا اتعودت اكون انسان وهحلم وهمشي برده بضميري ولو هنداس برده يا بلدي مش هندم يا رب لقد ذكرت هذا البلد في كتبك وارسلت اليها رسلك اللهم اني ادعوك بكل حرف في كتابك . وبكل حبة رمال مشي عليها رسول من رسلك علي ارض هذا البلد ان تحقن دماء اهلها وشبابها اخوانها وجيشها وان تجعلها امنا وامانا وان تكون نهاية هذا العام نهاية لهذه المآساه وبدايه لمصر واهلها .. اللهم امين |
الله الله الله الله عليك فرانكو ماشاء الله والله مست الإحساس جدا واهتز لها القلب لأنها خارجة بصدق وبسلاسة حرف عجيبة سلمت يمينك الراقي ويااااااارب يسمع منك ربنا ومننا كلنا تحيتي لك ولروعة الحرف |
اقتباس:
شكرا لمرورك المعطر الذي اسرني ووالله بجد لو كل واحد حس ان البلد دي بيته هنبقي حاجه تانيه خالص هحكيلك موقف ع السريع مره وانا ف تركيا راكب تاكسي انا وصديق مصري عايش هناك وصديق لاول مره يزور تركيا فطلع منديل وخلص حاجته ورماه من زجاج التاكسي فنزل سواق التاكسي جاب المنديل من الطريق ومسكه فايده لحد مشاف صندوق زباله رماه فيه ههه معناها كان كبير بس ال يفهم |
ياريت نرجع انسانيتنا اللى تاهت مننا وسط الصراع والمصالح كلمات جميله تسلم سعيد وموفق يارب |
اقتباس:
شكرا لمرورك ودمتي بخير |
كلامات جملية يسلمووووووو ايدك |
وصف رآقى لحال انسان دمت مبدعا وبالتوفيق ليك ان شاء الله |
ان شاءالله هتكون انسان عظيم وجليل وصبرا آل ياسر سيغيرالله حال بعد حال ويعود لمصرنا الحبيبة الامن والامان ورغد العيش شكرا لك اخى بارك الله فيك كتبت وعبرت سلمت ودمت بخير والتوفيق لك تحياتى |
اللهم أمين شجى وأسر حرفك فرانكو ربنا يصلح الاحوال ويكشف الغمه عن مصرنا الحبيبه دمت مبدع |
| الساعة الآن 07:54 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب