|
قصيده ابكتني قبل ما ابدا ف الكتابه الكلمات دي بكيت وانا بكتبها .. لدرجة اني مكنتش عايز انقلها ليكم ... امانه يا رايح بلادي دي ام الدنيا وام ولادي واذكي طفل فالعالم كان من احفادي ارض النيل وارض الوادي فيها حضارة اجدادي وبيني وبين نفسي لقيتك جوه كابوس بيقطعو فيكي هو انتي فين انا مش لاقيكي؟ ولا انا حد غريب عليكي؟ ولا انتي فاكره اني ناسيكي؟ ولا البعاد اثر عليكي والدموع باينه فعنيكي ريحة الشيبه فأديكي هو انتي قلبك من حجر معقوله هنت فيوم عليكي همك ده نسأني النشيد نساني اسمي احلامي انا ابقي مين.. ابقي مع جيش التطار الي غزوكي ولا ابقي من شلة فلول الي خانوكي ولا ابقي طافح الكوته ومش لاقي فيكي مكان واما يا مصر بتحتاجيني بقول امين ادافع عنك ف اكتوبر ودافعت عنك يوم حطين ولما تيجي فيوم تكافئي تقبري عليه بطين وتسيبي ال يسرق يسرق وتسيبي ال ينهب ينهب وعارفه ولادك محتاجين عملتي ايه للمرضانين دفنتي جيل متعلمين كل حته بقت قذاره اتعدم فيكي الشهامه اتقتل معني البرائه بقينا يا امي مهمشين وعيزاني افضل اقول امي وللأسف هتفضلي امي |
والله أبكيتني أيضاً شوف فرانكو فعلا مايخرج من القلب لايعرف طريق الا الى القلب وانت كتبت بإحساس الإبن للأم حقيقة وفقت فى كلماتك التي لامست الاحساس ولصدق النبرة تأثير السحر سلمت يمينك الراقي وسلم مداد قلمك تحيتي وتقديري وتقييمي |
اقتباس:
وشكرا لمرورك الطيب دمتي بكل خير |
فعلا كلماتك أبكتنى حسرة .. فقد أبكتنى لأنى وجدت إبن من أبناء مصر ( هذا لو عندك ذرة شعور إنك إبن مصر ) أجده يقول على جيش بلده انه ( جيش التتار ) ياللخجل .. وأبكتنى لأن وجدت إبن من أبناء مصر يقول : ( إن مصرللأسف هتفضل أمى ) لهذه الدرجة وصل جحود الأبناء ولم يتذكروا أنهم تربوا من خيرها وشربوا من نيلها .. ليت مصر ما أنجبت إبن ينوى تدمير أمه .. ولكن سيظل هناك الشرفاء من يعرفوا قيمة تراب مصر ويضعوه كحل في أعينهم ومهما حصل ستظل هى مصر التى ذكرها الله في كتابه .. والتى جيشها هم خير أجناد الأرض .. |
اقتباس:
وع فكره انا لما قلت جيش التطأر عمري مكنت اقصد بيه الجيش المصري بلعكس انت لو قرأتها باحساس كنت هتفهم اكتر شكرا لمرورك |
قصيده حلوه والأحلى منها احساسك وحبك لبلدك أن شالله ربنا بيصلح الأحوال احترامي وان شالله تكون دائماً بخير وصحه وسعاده |
القصيدة رائعة أخي الفاضل سلمت يمينك ولا تأبه لهؤلاء المطبلين والمزمرين وواصل واكتب ما شئت وقتما تشاء طالما أنه لا ينتهك قانونا ولا يخرج عن حدود الأدب تحيتي وتقديري ودمت بكل الود |
| الساعة الآن 12:19 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب