خلينا نشوف الصور بنظرة تانية
كوميدية ساخرة

*******************

http://banatmisr.com/up3/uploads/1388497891312.jpg


وانا مين أَدِّي يا أَرْض اتْهَدِّي
باكُل نُصّ رْغِيفْ مِ الْبَلَدِي

والعب في الطين على كيف كيفي
واوْعُوا تْقُولوا لْتِيتَةْ وْجِدِّي

وابْنِي لْنَفْسي قْصُورْ في خيالي
واصنع فَرْحِةْ عمري بْيَدِّي

راضية بعيشتي وبحْمِدْ ربي
والرضا هو السِّرْ فْ سَعْدِي

،،،،،،،،،،،،،،،،،،،،،،

وهنا بنظرة تانية

http://banatmisr.com/up3/uploads/1388497891312.jpg


إوْعَى يا شاطر حاسب وِشَّكْ
مش راح أجاملك ولا راح اغِشَّكْ

تِخْطَفْ مِني رْغِيفِي وتِجْري
وحْياةْ أُمِّي أَنُطْ فْ كِرْشَكْ

،،،،،،،،،،،،،،،،،،،،،،،،

http://banatmisr.com/up3/uploads/138850170382.jpg

عهد عليا امسك على ديني
بين ربنا سبحانه وبيني

عارف إني كإني ف إيدي
جمرة نار والعة بتكويني

بس هحافظ أنا على عهدي
علشان رب الكون يرضيني

،،،،،،،،،،،،،،،،،،،،،،،

http://banatmisr.com/up3/uploads/1388501834261.jpg


هربان م العصفورة مراتي
اللي بتقسى عليا يُوماتي

ألْقَى المَطَرةْ تْرُخّْ عَلَيَّا ؟
مَنْتِي مُؤَنَّثْ زَيّ مْراتي

كَرَّهْتُوني فْ عيشتي يا عالم
وبقيت أكره حتى حياتي

رُخِّي انْشَالله تْرُخِّي لْبُكْرَةْ
مش منقول من هنا ياخواتي

،،،،،،،،،،،،،،،،،،،،،،

http://banatmisr.com/up3/uploads/1388497891363.jpg

بسْ يا سَيِّد إنْت وهوَّهْ
طَبْ ثانيةْ أَخَبِّيكُمْ جُوَّهْ

علشان تضربوا بعض كويس
يالله تمام وَرُّونِي القوة

،،،،،،،،،،،،،،،،،،،،،

http://banatmisr.com/up3/uploads/1388497891251.jpg

خايف حتى أَقَرَّبْ مِنَّكْ
يخرب بيتك هَبْعِدْ عنك

أنا منحوس ممكن من حظي
يطلع فجأة بْلُؤْمَكْ جِنَّكْ

أو تِرْجَعْ رُوحَك من تاني
أو تِطْلَعْ لِي النَّار مِن وِدْنَكْ

******************
تحيتي
أحمـــ الجمل ـــد