منتديات بنات مصر - شــرعا حـــرام

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - شــرعا حـــرام (https://forums.banatmasr.net/msryat450279/)

شــرعا حـــرام

سلملى على ضميرنا اللى غاب

ثقتنا الكبيرة فى حبة كلاب

على الحياة المتشقلبة

والافكار المهببة

الارهاب ضد الارهاب

رايك ده ملكك اكيد حر فيه

لكن لو قولته برضه هتندم عليه

تعارض هناخدك

نشدك

نعالجك من اللى انت فيه

معايا اكيد هتكسب كتير

تناهض هاقول خاين كبير

الزم حدودك

واعرف مقامك

اخرك تمامك مجرم اسير

بلاش تبقى سلبى وتقولى انقلاب

وسيسى وماسيسى ورايك هباب

هتكتر مشاكلك

وهانذل اهلك

وتبقى نهايتك تحت التراب

اصل انت صوتك مالوش اى صوت

تنطق ماتنطق كلامك سكوت

تموت برضه عادى

نصيبك تموت

والحق جارية عند النظام

مكانك فى فى جامع

لكن تنزلى شارع

تعمل مظاهرة

وترفعلى رابعة

شرعا حرام

a7med adel
9\1\2014

كلمات تحمل الرفض لكل صور كبت الرأي

وللمتناقضات السائدة هنا وهناك

حتى اصبحت فعلا الصورة ...... هباب

أحييك على سلاسة حروف وإتقانها

كل التحية والاحترام

ربي يصلح الحال
ويوليكم الصالح

نفثات دخانية
عبرت عن الكم الهائل بقلبك
فضفضة....أقرب صراع مع النفس
وعدم الرضى عن الحال السائد

بتشكرك على مبادرتك ووطنيتك الحرة
بالتوفيق.

منورين موضوعى