|
صاروخ طلع من الأبداعات صاروخ طالع من الأبداعات بيقلك كل المنتدى بنات على بنات ونسى أن فية زى ما فية بنات فية صبيان وبنات طلعت نشرة جوية من الأبداعات العامية وصلت لحد العالمية بتقلك بنات مصر فية أقلام حلوة زجلية بسى أنت بس ظبط مزاجهم بكلمة حلوة أو بعيدية حتلاقى الكلام عندهم نزل زى المية ؛ قول يا عم بيرم ولا يا عم جاهين ولا يا عم أحمد نجم قول وقول دولا ولادكم ألى بيحبوكم ؛ يا سلام على الدماغ الشغالة وفى العامية طالعة قولة أدى العيش لخبازة هو ألى قال كدة كان بيهزر كان عارف أن الحلاوة فى الكلام زى الحلاوة طالعة من اللسان ؟ صاروخ مر وطلع وفر ونزل هنا وهناك كر وفر ؛ الكلام جاى منين ولا رايح على فين قول يىىىلام على حلو الكلام أحنا مش محترفين أحنا لجمال الكلام حابين لو بصيت ودورت حتلاقى هنا وحتلاقى هناك جمعتنا الأخوة وجمعتنا المحبة وألى فاضل شوية أقل من الحبة قول وشارك وعبر خليك صريح وما تحب التجريح ألى قبلنا قالوا فى الأمثال لكل فولة كيال يا سلام على دة كلام بيطلع من كل فنان محب لقلمة ومحب لوطنة حيقول وحيقول وأحنا حنسمع منة على طول وليد اللحظة |
فعلا المنتدى بيضم مجموعه كبيرة من المبدعين امتعونا بخواطرهم الرائعه وروح الاخوة الجميله بينهم كلمات جميله وبسيطه عبرت عن واحه الابداعات تسلم امجد |
واجمل كلام هو اللي بيكون وليد اللحظة بيخرج من القلب يوصل لكل القلوب جميييلة جدا كلماتك أستاذ أمجد دمت متميز |
خير الكلام ما يخرج من القلب فورا و تلقائى مثل موضوعك الخارج منك فى التو واللحظه فقد اصابنا كالصاروخ هههههه تحياتى |
وصاروخ جاي للعامية .... بيقول ياولاد مصر الأبية ساحر جاي بكلمة كلها ود وشجية يقول يامنتدى الأقلام العفية بنت ولا ولد الرك ع الروح الندية قولوا يا أصحاب القلم نرد عليه ونقوله إيه .. في الليلة ديا ؟؟؟ ايوة بقا الكلام اللي طالع فى لحظتها بيكون له روح وطعم تسلم ياساحر للروح دي ويارب دايما متجمعين على الخير دايما |
إيه الحلاوة دى ياشاعرنا الكبيرأمجد أجمل حاجة شوفتهافى كلامك أن هنا الجميع متحابون ومتواددون ربنايدوم علينامحبتنافى بعض خاطرة جميلة وليدة اللحظة ماأحلاها سلمت ودمت بخير تحياتى |
كلمات جميلة اوووي فعلا المنتدي هنا بيتميز بروح اخوة يمكن متكنش موجودة في حتة تانية كمان في اقلام وعقليات رائعة جدااا ربنا يديم روح المحبة الجميلة اللي بينا تسلم أ/امجد علي الكلمات الرائعة دي |
الله الله على الكلام لما يكون وليد اللحظه بياخدنا لعالم الصدق والواقع الى كتير بيحتاجه القلب كتير بنحب نعبر عن واقع حوالينا وبدون رتوش ولا زواق كلماتك صاروح فعلا يا صاحب اجمل قلم http://banatmisr.com/up3/uploads/1389559313321.jpg |
الله عليك يا أمجد فكرة قيمة وسرد راقي وجميل وأجمل ما فيه التلقائية والعفوية نعم صدقت يا أمجد هُنا في مُنتديات بنات مصر يجمعنا الحُب الأخوي والأحترام المُتبادل ونعم ليس بيننا مُحتَرف جَميعُنا هِواة لَكِنْ يا أمجد إنتقاء الكَلِمَة لا يحتاج لِمُحتَرِف ومَنْ يُخطيء عليه أن يعتذر وإن تَكَبر ولم يعتذِر عليه أن يتحمل نتيجة تكبره وغروره أسلوبك راق لي كثيراً يا أمجد تحياتي لقلمك المُبدِع والراقي أبو عصام |
فعلا قسم العامية فية شدة حلوة كدة لانة بيكون كلام طالع من القلب انا بحب اقراء جدا بس مش بعرف ارد بالشعر برد كدة عادى والمنتدى احلى حاجة فية اننا كلنا بنشجع بعض وفى مودة بينا ربنا يديم علينا المحبة يارب ويجمعنا دائما فى الخير بس عجبنى الكلمات دى ياساحر دايما منور اخى |
| الساعة الآن 03:17 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب