منتديات بنات مصر - عارف يعنى ايه حلم اتولد

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - عارف يعنى ايه حلم اتولد (https://forums.banatmasr.net/msryat454630/)

عارف يعنى ايه حلم اتولد

http://forums.banatmisr.com/imgcache...05alsh3er.jpeg

عارف يعنى ايه حلم اتولد وفى لحظه كدا بيموت

عارف يعنى ايه صرخه أمل وبينكتم منها الصوت

عارف يعنى ايه طريق اتهدم ولا عاد له اى وجود

يعنى خلاص انتهت بيك الحياه يعنى خلاص هتموت

هتقولى لاء دا لسه بكره جاى دا بعينو اسمو الموت

لم تتعلق بشئ وعارف انه بعيد عليك ولا عمرك ليه هطول

تفضل فاتح عنيك على حلم كان قدام عنيك لكن صبح مقتول

فين الحياه فى كدا والعيشه بالشكل دا والسعاده بقت بفلوس

ماشى تخبط فى السكك ولا انتا عارف على فين هتروح

سايب خطاوى تحكمك وتحكم الامل الافيك مدبوح

سايب اطياف ضحكتك بترثى فيك وانت يعينى معدوم الدموع

ماشى تودع اغلى ما ليك وحتى النور الا فى عنيك مذلول

كل موانى الضلمه قادت جوا عيونا وانا لله واناليه راجعون

عمالين نترحم على نفوسنا يمكن نلاقى وسط الالم دوا لجروح

عارف يعنى ايه ضحكه على الشفايف تموت حزينه

عارف يعنى ايه نبضه قلوب بين الضلوع حيرا شريده

عارف يعنى ايه ان الامانى بعز وردها تكون وحيده

يعنى خلاص انتهت بيك الحياه خلاص هتموت

بالرغم ان الروح لسا بتعافر جوانا علشان تعيش

وتلاقى ناس رغم الالم جواها مبتشتكيش

عرفه النهايه انها مش هتعيش ... غير بصرخه الم محبوس

فى ناس تلاقى الكلمه توجعها وناس تزيد الدنيا بوجعها

وناس بتبكى لما تسمعها وناس عملت على اروحها حدود

لحد يشوفها ولا يكلمها واعلنت رغم الحياه لروحها الموت

طب عارف يعنى ايه قلب انكسر طب عارف يعنى ايه عمر اتهدر

يعنى خلاص انتهت بيك الحياه وخلاص هتموت

عارف يعنى ايه قطر الحياه عليك بيعدى ويفوت

وتمر ايامك واحلامك وكانو ماكان ليها اى وجود

وتعدى ايامك كدا وتشوف فى وسط زحمتها نبضه قلب مجروح

وتشوف شريط حياتك حلو ومر ذكرياتك وتجلب الدنيا ليك

من الماضى ومن الذكرى كتاب للعمر مفتوح

تيجى تحسب ايام الفرح منها يدوبك يوم ولا يومين

دا قطر النعيم بيفوت وقلوب كتير بتموت

واحلامنا قدام عنينا نقتلها احنا بايدينا وتلاقى منا الجحود

يعنى خلاص انتهت بيك الحياه يعنى خلاص هتموت

هذيان قلم باكى

:(

ربنا يعيننا ع الأيام اللي بنعيشها دلوقتي دي

كلمات جميلة اوى و بتوجع حقا

تسلمي يا جميلة و ف انتظار جديدك ،،

ايه الكلام الجامد ده
حلو اوي الكلام ده

اقتباس:

المشاركة الأصلية كتبت بواسطة lost pearl (Post 4332845)

:(

ربنا يعيننا ع الأيام اللي بنعيشها دلوقتي دي

كلمات جميلة اوى و بتوجع حقا

تسلمي يا جميلة و ف انتظار جديدك ،،

اشكر مروركم الراقى ادامكم الله لتنيرونى

اكيد احساس صعب جدا

وهذه الكلمات خرجت من قلب يشعر بالوحدة

كلمات تبكي القلب قبل العين

اسأل الله لك السعادة والفرح اختي الفاضلة

كل الشكر والتحية لك ولقلمك الراقي الحزين

ابداع يا غالية
من بعدك انت بعيش منو= مين تاني بتمنى العمر

الاحلام تولد من رحم العدم لذلك هي متواصلة الحدوث

راقتني كلماتك جدا دمتي متميزة

اقتباس:

المشاركة الأصلية كتبت بواسطة nutella (Post 4332913)

ايه الكلام الجامد ده
حلو اوي الكلام ده

شكرا ليكى بجد على المرور

اقتباس:

المشاركة الأصلية كتبت بواسطة شاعر الحب الحزين (Post 4333032)

لا قلب يشعر بالوحده بل قلب لا يوجد له اساس من الوجود انرتنى

اقتباس:

المشاركة الأصلية كتبت بواسطة يحيى الفضلي السودان (Post 4333081)

ابداع يا غالية
من بعدك انت بعيش منو= مين تاني بتمنى العمر

منور اخى

هاقولك إيه ولا أعيد .... وصفتي جوانا بقوة

ورسمتي الليل الحزين ... مهما هربنا منه ليه بنعود

وتبقا النهاية هي المراد في آخر الحدود

غاليتي رغم قتامة الليل ورغم إدراكنا

ان الفجر سيأتي يوما ما ....

إلا أن الأمل أصبح مخنوق ... مغمض العين

يرتجف رعباً من تلك الظلمة الحالكة بالنفوس

سلمت يمينك الراقي لروعة ما خطته هنا

كوني بخير ولك كل التحية والتقدير