منتديات بنات مصر - ارتحت لما عرفت انك بخير

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - ارتحت لما عرفت انك بخير (https://forums.banatmasr.net/msryat454974/)

ارتحت لما عرفت انك بخير

فى عيونها بس
عرفت احس واعزف نغم
.
ماعرفش ليه حبيتها ليه
ماعرفش كان احساسها ايه
سابت فى قلبى كل الالم
.
غابت كتير يارب خير
بسأل عليها كل طير
ولما رجعت قالت نعم
.
بس كده
هو ده احساسك بيا
هو ده معنى الحنيه
صعبان عليا دمعة عنيا
وقبلى الحنين اللى اتظلم
.
يشهد على كل الكلام
اللى قولته فى غيابك
تشهد على الشوارع
يشهد عليا صحابك
.
كان نفسى اعرف روحتى فين
لجل ترتاح العنين
الدموع كانت صحابى والانين
انتى مين
اللى حبتها اكيد حد غيرك
كان يموت لما يشوف
عيون حبيبه مدمعين
.
انتى مين
لسه مش لاقى اجابه على السوال
مش مصدق ان قلبى يبقى لعبة
وانك تنسى حبى ليكى شئ محال
.
لا كتير
يعنى احساسى كان خادعنى
اللى واجعنى كان غيابك
وارتحت لما عرفت انك بخير
..

حب لا وجود لما يسمى الحب الحب وهم وسراب وان توهم نفسك به فقد قضيت على نفسك

جميله حروفك اخى ادامك الله

وقبل أن تغرق فى بحورحبها
كان واجبا أن تسأل وتستأذن
فلربما لغيرك قلبهايسكن
كلمات جميلة
سلم الايادى
عادل
تحياتى

حالة حبيتها جدا

تناولتها بشكل جديد وغريب

جميل طبعا

اللى بيحب دايما كده بيتمنى الخير ولو على حساب نفسه

ولو فكر يكره ميقدرش

ومهما حاول

يمكن يقولو ويعيد وكرهت

والعكس جواه

تحياتى

صعب أوي الواحد يحب حد ويكون الحد

دا اصلن مش حاسس بيه ، شعور موجع

ومر .. أخي الراقي عبرت بكل احساس

تحياتي وتقديري لك

القيصر

احسنت كلمات جميله ولكنها كلمات فقط
ليس للحب وجود الحب وهم وخيال ممكن تنخدع بيه
ولما تحب اوى تكون فى الاخر مجرد متطفل وبتشرط وكمان رميه بمعنى اصح
سهل انك تكتب مليون قصيده عن الحب والهجر
صعب اوى تقول الصدق
ونصيحه كون صادق مع نفسك الاول عن غيرك يقدر يصدقك اكيد
سلمت يداك استاذ عادل
او صمتى كلام وفعلا اسمك معنه حلو بس لليفهمه
لان سعات السكات بيكون احسن مليون مره من الكلام

عبرت عن حالة فعلا غير متوازنة وصعبة

ربما احيانا يكون القلم أقدر من الإنسان

على وصف حالته وحالة من يراه

تحيتي لك ولروعة قلمك فى كل الحالات