|
ماهوش فارق ماهوش فارق أدور بين وشوش الناس على حاجات كانت حلوة على بسمة على ضحكة على غنوة ماألاقى غير أوجاع وشكوى من اللى خان وباع بخوف كبير مالوش آخـر وأمل تايـه وشوق سافـر وتنهيدة بـآهـ مكتومة ونفوس مليانه ألم وضياع وأيادى كتير بتتخانق لعقول مش فاهمة بتعاند وتسألهم عن الفرحة وعن بكرة تلاقيه ماهوش فارق وهم الكل فيه غارق أحبس نفسي فى أمنية وحلم حلمته وماكان ليا وأعيش فى الدنيا بتسابق مع فرحة ودمعتى الحايره أبص للسما فوق وأسلم أمرى للخالق وأستنى يوم طلوع الشمس وأحقق حلمى بإيديا صحيح دلوقت ماهوش فارق لكن بكرة هاتتغير الدنيا دمعه حائره |
والله معاك حق يامنة الاوجاع كتيرة اوى والوشوش كساها الحزن والهم والبكا والحزن بقى فى كل شارع وحارة والضروالالم هو عنوان الكثير ايه جرلنا وايه غيرحالنا ربنايحوش تسلمى وابعدالله عنك الاحزان مودتى |
اقتباس:
شويه مع فرح وشويه اكتر مع حزن وان شاء الله يكون اللى جاى كله فرح وهتطلع الشمس من تانى جميله دمعة |
حلوة اوي يا منة حقا يا رب الاحوال تتغير بسرعة بقي و كل صاحب هم يرتاح تسلم ايديكي يا رب :07: |
حلو التمسك بالأمل في وجه الله تسلمي للتواجد الجميل |
كلمات جميلة اوووي وبتوصف حالنا فعلا ربنا يصلح الحال يااارب تسلمي منة علي المجهود |
رغم الوجع وهم البت والجدع وشحططة الحال ووشوش الناس الغرقانة في توهان الجوع والناس التانية الدفيانة بتخمة وشبع يبقي الأمل نور ياخوفي بكرة يشتروا الأمل بالمال حقا رائعة وجدا فيها شغل وفكر وتصوير مدهش لواقع مرار رائعة بل أكثر سلمتِ والنبض مودتي وإحترامي |
عندك شخصية فى الكتابة انا شخصيا بحبها جدا كلامك مش روتينى وده الجميل فى الموضوع انتى شاطرة تحياتى |
في يوم من الايام هيفرق ودا الاهم / يسلم نبضك ياكاملة النبض |
النص رائع لا يتقصة شئ متماسك في فكرته ومضمونه روعه منه سلمتي والنبض خالص تحياتي القيصـر |
| الساعة الآن 01:29 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب