منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   يامصر قومى تابع لمسابقه شاعر المنتدى (https://forums.banatmasr.net/msryat459785/)

أمواج الرحيل 03-06-2014 11:39 AM

يامصر قومى تابع لمسابقه شاعر المنتدى
 


مدمعيش يامصر عشانى ومتقوليش

راح أبنى بسببى وأشوفو تانى فين

ابنى الاكانت فرحتى بيه متسعنيش

راح و زاد الويل والنار فى قلبى نارين

يامصر اصلا مين أنا فيكى متعرفينى

مكسور ضعيف وحقى مداس عليه

صعبان عليه انى اشوف دمعه عينيكى

محتاره تبكى يامصر على مين ولا مين

لازم نضحى يابلدى عشان تسلمى وتعيشى

فى حب وأمان ويعم تانى الخير

يامصر قومى بقى كفايكى حزن وويل

بُكاكى مش هيرجع غير ألم وحنين

لازم نموت ... لازم نموت يابلدى من غير ليه

لازم نموت علشان الحق تانى يعيش

يامصر بيكى الخير والعين مش سيباكى

حسدين كتير حاقدين بره ومن جواكى

قتلو فيكى الجمال وقتلونى وياكى

لما يدمرو حلمى واقول ياكرامه ! مفيش

لما اصبح الصبح القى الغُرب وخدين مكانى

وحكومه فاسده ونضارب عشان العيش

هو دا ايه النور بيقطع ولا أنا اتعميت

عطشان يبلدى ونيلك راح على يد غفير

عيونى بتبكى فا الثنيه ثوانى .... واقول يامين

ياخدنى لمصر الا كانت فى كتابى الكريم

الا ربى كرمها وذكر اسمها دون الباقين

دلوقتى لاعرفه أعمل حاجه ولا اقضى مصلحه

ولافى بيتى تلاجه ولا حتى مروحه

يرضيكى يابلدى اتذل واقول هات هات

بعد ماسرقو الافيكى ونهبو منا المعاشات

قالو الانابيب بالكرته سعر رخيص وهادى

خلاص يامصر بقينا بنتسكت بمعلقه زبادى

ضحكو علينا بالسمنه وبالسكر وباسم الدين

فكرنا هبل ال يعنى ومش عرفين

بقينا مشين فى سكه يابلدى وتايهين

ونقول ايه بس غير حسبي الله ونعم الوكيل

شويه نمل صرخو بأسم الاخوان ومره العسكر

والوحده مابينا بقت شئ صعب ومستحيل

كلهم حراميه بينبهو فينا ومش حسين

يامصر تعرفى مهما يكون الذل فيكى

أنا ابنك ومنك وهموت برضو فيكى

هشرب الذل ولا تشربيه يابلدى

انجلد واتسحل واتهان ولا تتهانى انتى يابلدى

اصلك متعرفيش انتى ايه يا اغلى بلد فى الدنيا

فمدمعيش يامصر عشانى ومتقوليش

راح أبنى بسببى وأشوفو تانى فين

ابنى الاكانت فرحتى بيه متسعنيش

راح و زاد الويل والنار فى قلبى نارين

أمواج الرحيل

اميره الشعر الشجين 03-06-2014 02:18 PM

عادى يا أمواج كلو عادى دلوقت مصر بتضيع اكتر من الاول وكل حاجه دلوقت بايظه كلمات جميله منك ياقمر با التوفيق

ana aboodya 03-06-2014 05:38 PM

حلوه اوي يا امواج البحر

شاعر الحب الحزين 03-06-2014 07:46 PM

فعلا هي لازم تقوم من تاني

إحساس مليان بالروح الوطنية وصرختك

وصلت يا أمواج الكلام ده الكل نفسه يبقى واقع جميل

بس إيمتا بقى وأزاي هيحصل والكل ساكت وراضي بكده

ربنا يصلح الحال ان شاء الله وترجع بلدنا بخير وأمان

شدتني الحروف والكلمات جدا ولقيتني بتعايش مع كل سطر فيها

عشانها واقعية جدا للأسف الحاجات السلبية واقعية والحاجات الحلوة خيال

إن شاء الله ربنا يصلح الحال ويجمع القلوب كلها على كل ود ومحبة

احترامي وتقديري لكي وكل الشكر والتحية

توحد ارواح 03-06-2014 08:54 PM

باذن الله القادم افضل
دمتِ ودام نزف قلمكِ
كل الود

big bốss 03-08-2014 11:10 AM

لازم نموت ... لازم نموت يابلدى من غير ليه

عايزه تموتينا يا امواج الرحيل :(

مصر بكره هتبقى افضل بكتير

بالتوفيق فى المسابقه

جبل عالي 03-09-2014 09:36 AM


كلمات تصرخ الم ووجع ويأس أيضا

لا أخفيكِ سرا ان الوضع أصبح قاتم اللون

ولا يبشر بالخير .... ولكن

لعل الله يجعل لنا مخرجاً فقط إذا أخلصنا النية

وبدأنا نتغير من الداخل .... نبدأ بقلوبنا ونفوسنا

(ان الله لايغير مابقوم حتى يغيروا ما بأنفسهم)

أحييكِ واتمنى لك كل التوفيق ان شاء الله



Stop Ana Eltop 03-09-2014 10:38 AM

يا مصر قومى بقن

كلمات جميله جداا

تسلمى يا امواج

حَرفُُ هجآءّ 03-09-2014 10:12 PM

كلمات معبرة عن داخلك
بالتوفيق


الساعة الآن 11:47 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w