منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   سيب الميدان ! (https://forums.banatmasr.net/msryat460549/)

Mahmoud Mohie 03-10-2014 03:04 PM

سيب الميدان !
 
عارف امتى الثورة تنجح

والعساكر لبيوتها ترجع

لما ننهى ع الفصام


والمبادئ تبقى واحدة

وال قال الثورة كخة

والنهاردة واخدها سترة

يبعد ويسيب الميدان

بس يبعد من غير رجعة

يبعد من غير إستئذان

مش يلاقى الثورة ناجحة

يجى عايز م التورتة حتة

مانت خت التورتة ليك

قلت عسكر يحمى البلاد

فاتسرقت قدام عنيك

والعساكر قتلوا الولاد

هس خالص مسمعش صوت

راح نعيش زى العبيد

هس خالص عايز سكوت

سيبنى اجيب حق الشهيد


وليدة اللحظة
10/3/2014

دمعه حائره 03-10-2014 03:11 PM

صدقت يامحمود فعلا لازم المبادىء ترجع
وكل واحد يعرف مكانه فين
وايه هدفه من الثوره ونقضى على كل خاين طماع
مش خايف على مصلحة بلدة
عودة جميله تسلم ويدوم تواجدك

phalsteen 03-10-2014 03:16 PM


هس خالص مسمعش صوت

راح نعيش زى العبيد

للأسف لو التمثلية دي استمرت
فعلا هنعيش زي العبيد
وهبقي ضاع الحلم
وحق كل شهيد من ايام 25 يناير لحد النهاردة


راق الي كثيرا ما كتبتك


booody99 03-10-2014 03:29 PM

رجع الباشا بنفس الوش...
والي اتغير بس الصورة...
الله يرحم في التحرير...
كان بيبص بعين مكسورة...

عرفنا الطماع وكشفنا الجبان
كرهنا المنافق والي خان..
هنغير بكره بتاعنا احنا
والثورة للجدعان..

منور يا محمود
وكلمات رائعة تسلم يارب
تحياتي وتقديري

Šeŋdeřellą 03-10-2014 03:53 PM

جميلة جدا كلماتك
بس للأسف حاليا حتى حق الشهيد مبقاش مسموح رجوعه
الرجوع حاليًا فقط للي غدر وخان
للي اغتصب حق الوطن في حريته
واللي نهب حق الشهيد يوم فرحته



رائعة كلماتكـ
يدومـ الإبدآع


رنيم. 03-10-2014 09:09 PM

دائماً لأطروحاتك فلك خاص
يضم المبدعين بين جنباته
ويضم السحر بين اكفه
فهنا اجتمع فن الانتقاء وفن روعة العقليه
سلمت يمينك
ولك احترامي وتقديري


شموع الروح 03-10-2014 09:36 PM

ربنا ينصر مصر
ويرجع حق كل شهيد ومظلوم
رائع قلمك
تحياتى لك

الآمير العآشق 03-10-2014 09:36 PM

كلاآم كتير صادق وله معني لمن يفهم ويعي
وللاسف صرنا في زمن اعلام الكدب والنفاق واصحابة المغيبين
وصار خاين المصري الي مثلهـ بكل بجاحهـ
يتهم الشرفاء بالخيانه لتبرير دماءهم
وصارت 25 يناير في نظرهم كدبه
و30 يونية بطبلها ومزاميرها هي الثوره ههههههه

دمت متالق

a7med -3del 03-11-2014 12:43 PM

الثورة رابعة عسكر شرطة

سيسى

بس خلاص
تحياتى

جبل عالي 03-15-2014 06:30 PM


ومين يقرا ومين يسمع

ومين يفهم معنى الكلام

لما كل واحد عايز يبقا هو البطل الهمام

ميهمهوش دم اخوه وبيفرح اوي بالخصام

عايزين نفوق ونبطل بقا جري ورا الأوهام

---------

الكلام كتير والألم كبير والمطلوب

رحمة من ربنا ومعاهم صحوة ضمير



تسلم لهذه الصرخة المدوية

تحيتي لقلمك الراقي هنا




الساعة الآن 07:24 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w