|
صــــــــورة وكـــــتابة إحنا فيـــــن يــــا بشــــــر إحنا في دنيا ولا في غابة قتل وظلم وحـــزن وخطر والناس يا قلبي بقوا ديابة الخيانة يا عيني زي المطر والصدق مات في قلوب كدابة ليالينا مش بيطلع فيها القمر هي هي الحياة ونفس الصورة والكتابة ناس قلوبها اقسى من الحجر وضحية قسوتهم الناس الغلابــــــة احنا فين ردوا عليــــا وجاوبونــــي من زمان وانا غرقان بدموع عيوني يا قلبي هي دي الحقيقة انا مش بكدب احساسي وظنوني وياريت لو كان مجرد ظن لا انا والله شايف كل حاجة بعيوني احنا اتغيرنا يا قلبي ما بقيناش زي زمان نندم على الماضي ونقول يرحم زمن الحنان بنقسى على بعض ونظلم حياتنا بقت غابة مليانة خطر مفهاش امان احنا فين يا بشر وليه اتغيرنـــا ليه رضينا بالظلم وكان من اختيارنا حاولنا نبقى طيبيــــن لـــــــكن والله مـــــــا قدرنـــــــا احنا فين يا بشر حـــــد يــــــرد احنا فين وفين الحـــــــب والود كله راح كـــله مـــــــات بقى بس في كتاب الذكريات وقت السعادة يا قلبي فات ده الفرح بييجي علينا صــد رد احنا فين يا بشر في دنيا ولا غابة حياتنا مليانة خطر نفس الصورة والكتابة شــــــــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ــ |
الله يكون فى عونك وعونى وعون كل من على شاكلتنا تعبنا من التزييف والكذب والنفاق ياخسارة كتاراوى هؤلاء القوم نجانا الله منهم شكرا خالد لعظيم عزف موجوع تحياتى |
دنيا مليها الشر وعايشين فيها بوجع القلب تسلم اخى علي ابداعك تحياتى لك |
فعلا احنا اللى اتغيرنا والزمن هو هو كل حاجه حتى نفوس البشر والطباع اتغيرت جدا جميل ما خطه قلمك بانتظار جديدك المميز تحيتى |
احنا اتغيرنا يا قلبي ما بقيناش زي زمان نندم على الماضي ونقول يرحم زمن الحنان بنقسى على بعض ونظلم احنا الى اتغيرنا العيب فينا مش الزمن ربنا يرحمنا ويهدينا |
احنا عاوزين إعادة تأهيل من الأول وجديد حقيقي بقينا وحشين أوي ربنا يهدينا ونرجع تاني لبعضينا بجد مش أو نطة ولا تمشية حال تمللي كلامك ماشي مع الساير وده رائع بيجدد نشاط الدماغ والقلم يبدع ويقول أحييك وروعة ما تقدم مودتي وإحترامي |
الزمان عمره مايتغير .. احنا بس اللى اتغيرنا بندوس على كل فرحة .. ونجرى ورا اللى كسرنا ونريح قلوب تتعبنا سنين ونتعب دايما اللى يقدرنا نرفض واقع فيه عايشين و نعيش اوهام ساكنة خيالنا حتى كلامنا عن الاخلاص كلمة اتقالت يوم وخلاص حتى الحب اللى بيجمعنا بقى سهل جدا يتداس نستنى الخير من كل الدنيا يجلنا الجرح من اقرب ناس |
" إن الله لا يغير ما بقوم حتى يغيروا ما بأنفسهم " إحنا اللى وصلنا نفسنا للدرجه دي ابدعت فيما سردته لنا دام نبضكـ ,, |
صحيح احنا الى جبناه لنفسنا ربنا يصلح الحال وتبقى احسن واحسن تسلم اخى عَ طرحك الرائع ودى |
عندك حق فى كل كلمه الدنيا واحنا بقينا فى صراع حولها لغابه والكل بياكل فى بعضه ربنا يهدينا ويلهمنا الصواب تسلم كلمات رائعه |
| الساعة الآن 10:34 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب