منتديات بنات مصر - مليش حظ في الصحوبيه..بقلمي ^

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - مليش حظ في الصحوبيه..بقلمي ^_^ (https://forums.banatmasr.net/msryat463063/)

مليش حظ في الصحوبيه..بقلمي ^_^

مليش حظ في الصحوبيه;)

http://banatmisr.com/up3/uploads/1395937852171.jpg

مليش حظ في الصحوبيه

مش عرفه ليه مليش حظ في الصحوبيه ......

عرفت وشوفت كتير ملقتش واحده فهماني.....
ترشدي للصح والغلطه ما تعدهالي
اقرا في عيونها الكلمه قبل ما تقولهالي

تحفظ معايا اسرارها وهي كمان تشلهالي
اقولها مشاكلي ومن غير تفكير تحلهالي:eek:

تعرف اسامي عيلتنا ,, تيته وجدو وحتي خالتي وخالي
اظبتلها طرحتها ودبابيسي تسرقهالي :60:

ادخل مطبخ بيتها واكل من أكل مامتها وكل وصفتها تكتبهالي
تحبني علشان جوهري مش بشكلي وفستاني :rolleyes:

تبقي دايما في صفي ونصفاني حتي لو مش موافقاني
تخدني علي قد عقلي وجناني تصورني ميت صوره والاخر تغلط وتمسحهالي

صاحبه حقيقيه بجد ,, مش مصلحجيه واللي بالي بالي

يعني من الاخر عايزه واحده ^_^ حياتي تشقلبهالي
.
.
.
.
.
moory cool :57:
25_3_2014

مين قال ماكيش حظ
اناشايف صحباتك كتاراوى
بس يمكن انت مش فهماهم
خاطرة جميلة يامورى
الله ينورعليك
وتسلم الايادى
تحياتى

امال انا بعمل ايه بقن :p
حلوه اوي يا موري والله استمري

حتى الصحاب بتصاحبك يووم .. مفيش صاحب أكيد بيدوم
وكله ماشى شمـال .. و الصحاب من حال صبحت لـ حال

كلمات جميله جدا
تسلم إيدك مورى
دوام النشاااط

متستنيش يا مورى الحظ الى يجيلك
انتى اكيد مريتى بتجارب كتييير اختارى بس صح
وفعلا ممكن يكون فى ناس بالصفات دى بس ممكن مش
تعرفى تتعملى معاهم
ربنا يوفقك فى ايجاد صحبتك الى بجد

كلمات جميلة اووي
يمكن الاصحاب عملة نادرة اليومين دول
وخصوصا اللي مش بتوع المصلحة
ولكن موجودين اكيد
تسلم ايدك يا قمر
دوام الابداع ياارب

كلمات ساخرة بس حلوة اوى وليها معنى
اختارى صح
وان شاء الله تلاقيها
تحياتى مورى

اقتباس:

المشاركة الأصلية كتبت بواسطة العاشق الذى لم يتب (Post 4407008)

بس الاصحاب اللي علي النت دول عمرك ما هتشوفهم في الحقيقه
وصداقتهم مش مضمونه ومحدش عارف هتستمر لامتي
شكرا استاذ رفعت علي مرورك الجميل نورت والله

اقتباس:

المشاركة الأصلية كتبت بواسطة براءة طفلة (Post 4407010)

امال انا بعمل ايه بقن :p
حلوه اوي يا موري والله استمري

دا انتي الخير والبركه يا روني هو انا اقدر اقول حاجه

اقتباس:

المشاركة الأصلية كتبت بواسطة مـح ـ الصاروخ ـمود (Post 4407014)

تسلم انت علي الجمله الجميله دي وعندك حق والله مفيش صداقه بتدوم
تسلم لمرورك

اقتباس:

المشاركة الأصلية كتبت بواسطة ana lola (Post 4407020)

اكيد والله عندك حق امين يارب
تسلمي لمرورك

اقتباس:

المشاركة الأصلية كتبت بواسطة حلم عمري (Post 4407125)

فعلا والله بقو عمله نادرة
وكلهم بتوع مصلحه
تسلم لمرورك الجميل

اقتباس:

المشاركة الأصلية كتبت بواسطة ايمان طلعت (Post 4407256)

كلمات ساخرة بس حلوة اوى وليها معنى
اختارى صح
وان شاء الله تلاقيها
تحياتى مورى

ههههههههه والله انا مش كتبتها علشان اسخر من حد
بس شكرا لرأيك يا موني
نورتي

مش هتكلم علي المضمون كفاية اللي اتكلموا
هتكلم علي طريقة عرضه ولغته الرائعة
وايقاعه الجميل والعامية الحلوة
سلمتِ والنبض
مودتي وإحترامي

اقتباس:

المشاركة الأصلية كتبت بواسطة فتحى عيسى (Post 4407534)

شكرا استاذ فتحي علي رأيك الجميل
نورت التوبيك