|
ليه التخان دايما مظلوميـــــن !!!!!!!!!! ليه دايما التخان مظلومين http://banatmisr.com/up3/uploads/139611386221.jpg تنبيه: ليس كل مآ آكتبه هنا يمثلني آو واقع آعيشه ...! بل وآقع حقيقي يعيشه ويتآلمه غيري ليه دايما التخان مظلومين ليه جرحهم سهل بالنسبه للبني ادمين ليه بيفضلو مجروحين طول العمر والسنين ليه ليه !!! هما مش بشر وبني ادمين وليه الناس مفكره ان عندهم قوة المصارعين ليه الناس مفكره انهم ممكن يكلو الحديد والميلامين ليه الشعب فاكر انهم لو جاعو ممكن يكلو العيال الصغيرين اصلهم ممكن يكونو مرضي وفـ قلبهم ياما معبيـــن ليه يبقو طول الوقت في موقف احراج ونكت بتتقال عليهم في وسط اصحابهم و المدرسين ليه همومهم ودموعهم سهله بالنسبه لملايين ليه بينضحك عليهم في الحب والصداقه والعيشه وحتي من جرانهم المقربين  اصل مش هما اللي خلقين نفسهم يا متدينين يا بتوع الدين ...... اصل التخين مخترش انه يبقي في يوم تخين وانت برضو دور جو نفسك هتلاقي اخطاء وعيوب مش معدودين !!!! فا ليه بئا مخوفنهم ومن ثقتهم مقللين حطو نفسكو في موقفهم الحزين واتقو ((ربكم)) القوي المتين moory cool 29_3_2014 |
مع العلم بإن الستات المصريات بيبدأو عصافير صغننة وبعدين مش هقول ههههههه قولي أنتِ لاء مش الكل فيه ناس بتختار ومتحبش المسلوعة ولا المعضمه اللي هاريه نفسها رجيم لحد متخلص هو صحيح التريئة كتير بس مش في التخان بس ده احنا بنتريئ ونتمسخر بطوب الارض ولو ملقيناش نتريئ علي نفسنا طرح جميل أحييكِ عليه ويارب محد يزعل من مداخلتي هههههههههه سلمتِ والنبض مودتي وإحترامي |
لما يبقى شعب بتاع مظاهريبقى سهل عليه يستهزأ بأي حد دون مراعاهه لمشاعره ممكون يكون الانسان ده سمين سمنه مرضيه أو بياخد علآج معين عامل فيه كده زي نوعيه الكورتيزون بتخلي شكل المريض مليان بس الناس بيحكمو من برا بـس ومش بيهمهم اى حاجه تانيه وأكيد بتكون حاجه محرجه ومخجله ليهم تسلم ايدك ياقمـر ناقشتي مشكله حقيقه بأسلوب عاميه |
كل من يستهزأ بهم فهو معتوه ومنهم من يتمتع بخفة الدم والرشاقة ومش كل الناس بتظلمهم وشكلك كده تخينة والله نفسى اتخن مش عارف كلمات جميلة الله ينورعليك تحياتى وودى |
فكرة الموضوع حلوه الاصل فى الانسان طبعه واخلاقه مش رسم وجسم وتفاصيل حلوه والا مكنش فى واحده دميمه اتجوزت الناس بتحب تتدور فى عيوب غيرها مع ان فى الاصل كلنا من ام واحده |
عجبنى الفكره وبساطة السرد وعندك حق اكيد تسلمى مورى |
فكرة حلوة و جديدة فى الكتابه وقبل ما حد يبص ويترق على الناس يشوف نفسه الاول لان مفيش حد كامل ودى خلقه ربنا فمن يعترض عليها مع العلم ان التخين يتصف بخفه الدم و الاحساس تحياتى لك |
اقتباس:
ولرأيك ده نورت التوبيك والله اقتباس:
تسلميلي يا قمر ردك شرف علي راسي :08: اقتباس:
تسلم لمرورك وتحياتي ليك اقتباس:
بشكرك لمرورك الجميــــــــــــل اقتباس:
اقتباس:
تسلميلي يا حبيبتي نورتي الموضوع |
العبرة مش في التخن والوزن الزايد العبرة في القلب وفي الأخلاق دايما ومن خلال دول الحاجتين بس بنقدر نحكم ع الناس موضوع مميز جدا ونقطة مهمة اتكلمتي عنها اتمنى ناخد بيها ونبطل استهزاء بالخلق احترامي وتقديري لكي وكل الشكر والتحية |
اولا فهمنا انك مش تخينة وده اللى انتى حبيتى توصليها مالوش لزمة التنبيه ثانيا وده الاهم انتى نفسك خايفة يقولو عليكى تخينة وهنا بقى التنافض تنبيه وانا بوصف ومش تخينة خالص ده بقى الملخص الاهم من ده كله من كان بكم من خير فمن الله ومابكم من شر فمن انفسكم ومن الشيطان ليه انتى كاتبه واتقو شر ربكم هو ربنا ليه شر هل يليق اعتقد لاء تحياتى |
| الساعة الآن 02:23 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب