وشــــوش النــــآس دور ف وشوش الناس عن حكايات ممكن نحكيها عيش بينهم خليك وناس حب الدنيا واضحك ليها عايش ليه جوا الخوف والضحكه ديما مداريها الناس كلها حكماها ظروف بس الفرحه بتنسيها اطلع بره لف وشوف دور ف كل المألوف هتلاقي من الفرحه صفوف وبتستناك تيجي عليها احكي واشكي وفضفض سيبك مـ اللي نفض قوم مـ العفره اتنفض من كل الاوهام افرح واجري واتقل واوعاك تاني تزعل كل الجاي هيرحل من الدنيا و الايام ليه علي طول بتفكر ديما في اللي يعكر يومك كبر كبر واهرب من الاحزان و خليها علي المولي وصلي لنفسك اولي ده لا قوه ولا حول إلا بالرحمن بفكر اعملها اغنيه |
جميله جدا ي محمد يبقى طورها بقى ونزلها ف الهوايات يدوم التميز ي معلم ,, |
تستحق فعلا لانها جميلة ومعانيها راقية هي دعوة حلوة واللي يطبقها يبقى مرتاح البال دايما تحيتي لجمال تلك المقطوعة المنغمة |
عارف يعنى ايه الغش لما تلاقى الناس قدامك بـ وش ومن وراك بـ وش وأما تلاقيهم فرحانين قدام عنيييك لا تبقى عارف فرحانين لك ولا فيك والى انت فاكر انهم خايفين عليك خاف انت منهم عشان دى ناس متتأمنش أأأه م الناااس .. بجد تسلم إيدك ع كلماتك الجميله دايما مبدع بجد .. |
احكي واشكي وفضفض سيبك مـ اللي نفض قوم مـ العفره اتنفض من كل الاوهام افرح واجري واتقل واوعاك تاني تزعل كل الجاي هيرحل من الدنيا و الايام جممميله اووووؤى تقيمممى ^^ |
بتشكى هموم وخصال كترت اوى كلمات جميلة محمد تسلم الايادى تحياتى وودى |
انا موافقة انك تعملها اغنية :) وان شاء الله نسمعها منك ^^ |
حكم جميلة ف كلماتك وهي متلحنة لوحدها فاضل بس نسمعها بصوتك كلمات لحنها سهل والأجمل إنها موزونة وفيها بسمات الأمل والتفاؤل بحييك على كلماتك الجميلة احترامي وتقديري لك وكل الشكر والتحية |
دور ف وشوش الناس عن حكايات ممكن نحكيها عيش بينهم خليك وناس حب الدنيا واضحك ليها طيب فى الضحك او الحلو الى فى الدنيا سامحنى على تعليقى بس كلماتك جميلة اوى ولو غنيتها فعلا هتبقا احلى فى انتظارك |
اقتباس:
دوري علي الناس الغلابه اقعدي جمب بياعه الخضار او حودي علي موقع بيتبنب وشوفي العمال مش هتلاقيهم بيعملوا حاجه غير انهم بيضحكوا هما دوا السعداء بجد نورتي |
الساعة الآن 05:38 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب