|
الاهلي والزمالك يفاوضان البوركيني محمد كوفي دخل محمد كوفي لاعب نادي بتروجت السابق دائرة حسابات ناديي الأهلي والزمالك مرة أخرى من أجل التعاقد معه دعما لخط وسط القطبين الذي يحتاج إلى دماء جديدة. وكان كوفي قد رحل عن بتروجيت وانتقل إلى نادي داهوك العراقي وقدم مستويات طيبة للغاية هناك ، واقترب عقده من النهاية وسيكون بلا ناد نهاية الموسم الجاري. http://forums.banatmisr.com/imgcache...276alsh3er.jpg وفتح مسؤولو الأهلي والزمالك خطوط اتصال واسعة مع وكيله مرة أخرى على أمل إقناع اللاعب بالعودة إلى مصر واللعب لأحد القطبين خاصة أن الصفقة لن تتكلف سوى راتب الدولي البوركيني. وستشهد الأيام القليلة المقبلة تطورات في الصفقة حيث من المنتظر أن يكثف مسؤولي القطبين مفاوضاتهم على أمل خطف اللاعب المميز. |
فعلا اللاعب ده مميز ولكن متهيألى كدا لو فيه تفاوض بين الناديين كالعاده هيكون من نصيب الاهلى لانه غالبا بيفوز بالصفقات دى لان الخطيب ماشاء الله بيكون له دور كبير فيها من زمان شكرا ع الخبر والمتابعه بالتوفيق |
مشكوووووور والله يعطيك الف عافيه ان شاء الله الزمالك يخده ونكسب الدورى |
اقتباس:
ودا اللي كان بيحسم كل الصفقات للاهلي ورئيسه " الحرامي " :d كرئيس لوكاله الاهرام للاعلان وللنادي الاهلي ف نفس الوقت كان قادر انه يغري اللاعيبه بفلوس برا العقد عقود لدعايه واعلانات للاعيبه تخليهم يختارو الاهلي مستريح ! ويكفي اننا بنشوف لاعيبه لا شكل ولا منظر ولا اداء بتعمل اعلانات لمجرد انها في النادي الاهلي بينما لاعب مثلا زي محمود فتح الله بعنيه الزرقاء ميعملش ! مع انه بيكون دولي منتخب مصر , اظن الفتره دي ولت وانتي عصرها برحيل الحرامي من علي عرش الاهلي , اظن الكفه متساوية حاليا واللي يقدر يلتزم بعقوده يكسب اي لاعب , تسلمي للمرور والرد ويدوم النشاط :) |
اقتباس:
ان شاء الله لاعب مميز وفي ظل المشاركة الافريقية وخط الوسط السيئ ف الزمالك احنا ف اشد الحاجة له تسلمي للمرور والرد :) |
يتفاوضوا وكل واحد يبالغ عن التانى فى العرض والرغبة الملحة للحصول عليه وبعد مايحضر نشوف خزلان من اللاعب وده حصل فى اكترمن لاعب افريقى ربنايوفقهم شكرا لنقل الخبر تحياتى وودى |
اقتباس:
|
اقتباس:
ولا اعامل ردك زي تحليلك لردي بانه وهم وخيال !! ردك من اوله لاخره ابعد ما يكون عن لا الموضوعيه ولا النقاش من الاساس ! كلوا انتو انتو انتو انتو واخره انت وبتتهمني اني مستفز في ردي واني ازاي مشرف مع اني موجهتش كلام لحد ! لعلمك في قسم اسمه شكاوي و طلبات و حلول المشاكل لو انت شايف اني مستفز او بتعامل بطريقة مش كويسة في ردودي مع الاعضاء او انا لقدر الله اكون وجهت كلام لاي حد بطريقة مش كويسة واني بستفز وبنقض قوانين القسم اللي انا وضعتها وجددتها من فتره قريبة جدا :11: ياريت تنصرني بانك تقدملهم علشان يمنعوني من اني اكمل بالطريقة دي :] لردك بقي واللي من قله موضوعيته كان صعب يترد عليه لانه الكتاب بيبان من عنوانه :] اقتباس:
قولي انت ايه المنطقية في انه الكلام يكون عن فلوس بتتحط من تحط التربيزة ويطلع واحد يقول ماكنا دفعناها علني في مرتب اللاعب ؟ هو ايه معني تحت التربيزة اصلا ؟! اظن انها فلوس مينفعش تتدفع بالطرق الشرعيه وبتتدفع من تحت لتحت لتسيير الامور فلوس " متنفعش " " متنفعش " " متنفعش " تبقي رسمية ! ادخل تفاصيل واشرح ؟ ولا اكتفي بانه اصلا انت مش عارف المنطق اللي بتتهمني اني مكنتش منطقي في طرحي فيه ؟ اقولك نكمل شرح عادي , اللاعب X هو لاعب يريد النادي A والنادي زد Z التعاقد معه النادي Z يقدم للاعب X مبلغ 3 مليون جنيه مقابل الحصول علي خدماته والنادي A لا يستطيع انه يقدم ال3 مليون نفسها للاعب بسبب المشاكل اللي ممكن تنتج من المبلغ دا سواء المشاكل الورقية والمعاملات والضرائب او المشاكل الخاصة اللي هتحصل من اللاعبين التانين في الفريق واللي مش هيرضو بانه X ياخد فلوس اعلي منهم رغم انهم خدمو النادي سنين ونجوم الفريق ! يقوم A يعمل ايه ؟ بما انه رئيسه هو رئيس المؤسسه H واللي هيا اكبر معلن في البلد كله يكلم X ويتفق معاه انه يمضي علي 2 بس ! مقابل انه يظهر في اعلانات ويعوضله المبلغ اللي كان هياخده لو راح ل Z ! X مضي ليه بقي ؟ علشان الاستقرار و روح الفانلة A و عشقة الكبير وحبه الكبير لها :04: رغم من انه ممكن يكون مضي في z الاول ! بس لالالا التربيزة دي لو موجوده كانو هيكتبوها في العقد الرسمي !! صحيح اكيد انت عارف مين Z و A و H اما عن X القيمة المتحركة فالامثلة عليها كتير اقتباس:
ولا انا ولا انت محتاجين نتكلم علي الجزئية دي كتير الحقيقة ! انت لو كتبت كلمة " حسن حمدي " في غوغل هتظهر جمبها قضية جديده ! واحد مرفوع عليه اكثر من 270 بلاغ ! و متهم بسرقة واهدار مليارات الجنيهات علي الدولة ! واحد مرتبه 2 مليون جنيه شهريا في مؤسسه رافعه رايه التقشف مع موظفيها ! وثروته من العمل الحكومي اقتربت من حاجز ال3 مليارت ! واحد دفع كفالة 2 مليون جنيه للافراج عنه من هيئه الكسب غير المشروع ! هتتكلم تقول ايه ؟ اني مستفز في ردي ولما جاي اتهم مش عارف اتهم بمنطقية ؟ اقتباس:
لو هتكلم " بالموضوعيه " اللي انا فاقد الاهليه للكلام بيها , هلاقي نفسي طول عمري من اكتر المعارضين لادارات النادي وتصرفاتها :33: وانه اما مسئول في ناديا بيغلط بكون اول واحد بيهاجمه مش بعيش في دور المثالية حتي لو رئيسي عليه كل الشبهات دي :] عالعموم المثالية طبع كذلك بيتطبع بيه الناس ولو هتكلم بنفس ذات الموضوعيه وانظر نظرة للظروف الاقتصادية هلاقي نفسي بدأت اتكلم عن انه كل النوادي فيها ازمه مالية وانه كل الانديه بتعاني من الامر دا حتي الاهلي نفسه في فلوس متاخرة كتيره عليه واللاعيبه ليها فلوس يمكن الفرق يكمن في حاجة زي عقود الرعايه دي والمبلغ اللي بيحصل عليه الاهلي بينما الزمالك بيحصل علي مبلغ اقل بكتير وبتعجيز وتعنت وتاخر كبير ف الصرف ! يمكن مفيش مرة التزمت الوكالة بالعقد , او دفعت الفلوس من غير جدوله ! دايما بيتحط النادي في مواقف من قبل الراعي ومن قبل التلفزيون في تاخر الدفع بيجبره انه ميقدرش يلتزم مع العقود اللي عنده ! اكيد انا مش مع النقطة دي وشايف انه في موارد في النادي يقدر يستخدمها وانه لو تم التخطيط كويس هيكون الامر مختلف وانه النادي قادر انه يسوق نفسه بنفسه ويبتكر امور تسد عجزه من غير الاعتماد علي وكالة تتحكم فيه وهكذا واكيد كلامك كله هيكون عن نظرية المؤامرة في موضوع الوكالة والدفع لانك شايفها وكالة شريفة برئيس شريف فيما يبدو :] اقتباس:
جاب للوكالة ايه غير اهدار للمال العام ونهب وسرقة و عمولات وصفقات بتتم بالامر المباشر لشركة ابنه ؟! ناجح ازاي والوكالة بتحقق خسائر ؟؟ ورافعه رايه التقشف مع الموظفين ؟؟ وتعرف الغريبه ياخي انه المضللين اللي زيي كده لما ييجو يلاقو انه مثلا في 2010 الوكالة تشتري حقوق رعايه قناه النادي الاهلي ب20 مليون في وقت القناه كانت بتخسر فيه ومش بتجيب ارباح !! يظهرو ويقولو انه حسن حمدي بتاع الوكالة بيصرف علي حسن حمدي الاهلي وبيحاول انه يحد من خسائر الاهلي من الوكالة بتاعت الدولة اللي سابهاله ابوه !! ناس مضللة صحيح وقال ايه القناه لسه لحد اللحظه فاشلة وبتخسر ! اقتباس:
ف البداية خليها الوكالة ولما اشتغلت وقعدت ومش لاقية , مش لما اشتغل و قعد و مش لاقي ( اصلها وكالة الاهرام مش وكالة حسن حمدي :D ) لعلمك الوكالة دايما ماسكة حقوق اغلب الانديه في مصر بما فيهم الزمالك فمش ( لما اشتغل ) لانه الوكالة طول عمرها ماسكة الاندية بعدين انت عايز تفهمني نادي بحجم نادي الزمالك وتاريخه 100 سنه واكثر مييجيش عرض لرعايته ؟؟ وهيكون مش مربح للمعلن ؟ انت نفسك مصدق الكلام دا ؟؟ دا فرق الشركات اللي ملهاش جماهير من الاساس عندها معلنين ! لعلمك علي السنه اللي انت بتتكلم عليها لو كان تم اتفاق الوكالة مع اي شركة لرعايه النادي وقتها كان الزمالك هيحصل علي 50% من قيمة الاتفاق دا :] ودي المشكلة كلها انه عقد الزمالك مع الوكالة بينص علي كده ! الزمالك وقتها وفي ظل العقد الكبير اللي مضته الوكالة مع الاهلي رفض شروطها المخزية اللي قدموها للزمالك واجبر الوكالة علي شروطه الخاصه ( طبعا لو كانت الوكالة شايفه انه مش نادي مربح , مكانتش وافقت علي شروطه ! ) واللي بتتكلم عليه في موضوع انه مفيش معلن علي الفانلة ولو فاكر انت ظهرت شركات كتيرة وقتها وقالت انها طلبت التعاقد مع الزمالك ؟ لكن الوكالة اللي كانت عايزه تلوي دراع الزمالك مش اكتر ! علشان ييجي السنه اللي بعدها ويقولك دا النادي الزمالك لا يسوق ولا يربح شيئ ومينفعش ندفعلك المبلغ اللي انت عاوزه دا علشان انت مش بتجيب ارباح ! واحنا مبنقدرش نجيب من وراك المكسب ! ( وينفذ شروطه اللي هو عايزها ! ) اوعي تقولي مينفعش يحصل دا و انه مينفعش لانه هيبقي اهدار مال عام ! والوكالة هدفها الربح ولو شايفه ربح عمرها ما تهدر الفرصه لانه ردي بكل بساطة هيكون شوف ملفات قضايا حسن حمدي نوعها ايه !! :] اقتباس:
وفي ظل انه وكالة الاهرام للاعلان اكبر وكالة واهم وكالة في البلد ( وكالة دوله ) المصالح تحكم واللي عايزه اللي معاه المصلحة هيكون ويتنفذ علي الكل وكل الشركات مصلحتها في ايد اكبر وكالة في البلد , ولازم تعمل صفقات ومفيش حاجة اسمها اي لاعب يعمل اعلانات والكلام دا ! الشعبيه مهمه اكيد , والكاريزما مهما كذلك , مش اي لاعب والسلام ! ولو كلامك علي الشعبيه ؟ ايه شعبيه لاعيبه زي شريف اكرامي ولا عبدالفضيل ولا فضل ؟ علشان يظهروا في الاعلانات ؟ وفين كاريزما عماد النحاس ولا شادي محمد !! وهنا مش هتكلم علي اي لاعب من الزمالك هل لاعب زي حسني عبدربه اللي هو احد نجوم منتخب مصر واحسن لاعب في كأس الامم 2008 معندهوش شعبيه ؟! وليه ميظهرش في اعلانات ؟! اصل فانلته صفرا :] ( حسني مظهرش غير ف اعلان تبرعي منه لمستشفي سرطان الاطفال ) اقتباس:
اقتباس:
انتو انتو عمركو و عندكم و تدارو بيها فشلكم و علشان كده فاشلين ببساطة كلامات لاتستحق التعليق مني :] هنتقل للي بعده :] هقولك قصتين طريفتين كده حصلوا في يوم من الايام :33: في وقت من الاوقات في بداية الألفية سقط النادي الشهير الاهلي وقعد 4 سنين علي التوالي من غير ما يكسب الدوري :] 4 سنين المنافس الاخر الشهير اللي هو الزمالك حقق فيهم 12 بطولة مختلفه ! مابين دوري وكأس وسوبر وافريقيا و سوبر افريقي وبطولة عربية منهم 3 بطولات دوري متهزمش فيهم غير مباراتين فقط لا غير !! واتصنف كافضل نادي في العالم في شهر من الشهور :] وكان في قمة عطائه ومجده وشعبيته وشهرته وبطولاته ومع ذلك النادي الشهير المتعثر وقتها اللي هو الاهلي اخد عقد رعايه اكبر بكتير من عقد رعايه النادي الشهير البطل وقتها من الشركة اللي بيديرها الراجل الشهير رئيس النادي الاشهر :33: الراجل الشهير دا بقي متهم بقضايا فساد كتير من سنين وسنين وسنين وجات الثورة وشالت ناس كتير فاسدة وكشفت فسادهم واترمو ف السجن لكن الراجل دا ورغم ما يقرب من 270 قضيه فساد اللي مرفوعين ضده ورغم ضخامة الاموال اللي متهم بسرقتها او تبديدها واهدارها الا انه محدش كلمه واستمر زي ماهو بالظبط :] لحد ما سبحان الله بعد ما انتهت فتره رئاسته في النادي الاشهر وقبل رحيله بايام قليله جدا قبضو عليه وحطوه في السجن ! ايده غريبة صح ؟؟ لالا اوعي تقول كده علشان متبقاش عايش في نظرية المؤامرة والاوهام وعلشان متبقاش مستفز ولا بتداري فشلك ولا مش موضوعي :] _____ بكررها لو حضرتك شايف في استفزاز مني في ردودي واني لا اصلح مشرف للقسم :] في قسم مختص بالنوعيه دي من الامور و هكون سعيد انك تتفقده اما عن طريقة الردود دي والكلام دا فمش هيتكرر اكيد , وانا مش علي استعداد اني ادخل بعدم موضوعيتي الشهير بيها في نقاش موضوعي بالطريقة الفذه دي ! ومش بطلب ولا مطلبتش من حد انه يقتنع باي حاجة هو مش عايز يتقنع بيها اكيد تحيتي ,, |
أ/ღ Gի๐sτ ღ لا الموضوع مش كدا خالص بالمحتصر المفيد ومن دخولى باستمرار القسم اقدر احكم على نقطه معينه انا مش هاتكلم فى النقاط الخاصة بالردود والاقتباس ولكن حبيت اتكلم فى نقطه محدده ان أ/ محمود عادة ما يحكم فى منتهى الموضوعيه والله مش علشان هو زملكاوى ابدا دايما تحليله للمباريات ف منتهى الحياديه وممكن تشوف تحليله لماتش الزمالك مع المنيا اما فاز الزمالك 4 / 0 هتلاقيه ف كل التحليلات بينظر بموضوعيه جداااا وحياديه جامده وميوله مش بتطغى عليه ف اى موضوع ابدا بل بالعكس دائما ما يكون عادلا ف حكمه وتحليله ودائما ما ينتقد الزمالك ولو كان ما ذكر اعلاه على رئيس الزمالك كان هيقول كدا برده عليه عاوزاك تكون متأكد من كدا جداااا وف الاخر الاهلى والزمالك كلهم مصريين |
| الساعة الآن 03:51 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب