منتديات بنات مصر

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - إرسميني (https://forums.banatmasr.net/msryat466127/)

ارسميني جوه روحك
ضحكه يمكن اتسعد
ارسميلي من طموحك
يمكن فرحتي تتولد
ارسميلي ضحكه صافره
اقوي بيها ع الظروف
كل حاجه بيا كافره
وعيني مش قادره تشوف
ضهري انحني من المعافره
وبيكي يمكن يتفرد
اسنديني بكلمه حلوه
طمنيني ف عز خوف
غني ليا اي غنوه
من غير وجع
من غير كسوف
هونيلي حاجه صعبه
جايز وجعي يتهمد
ايوه اقفي جمب مني
شيلي من الهم اللي عني
انا فعلا محتاجلك لاني
محتاج ااني اتسند

حلو الاحساس ده

فى مفردات جديدة

تحياتى

كلماتك جميلة يا سعد

دي تنفع تتغنى بصوت منير وهي ملحنة لوحدها

وفيها نغم موسيقي واضح

جميلة كلماتك وإحساسك يا سعد تحفة بجد

احترامي وتقديري