منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   أستاهـــــــل إنـــــــــك تجرحينـــــــــــــي (https://forums.banatmasr.net/msryat466200/)

شاعر الحب الحزين 04-19-2014 01:41 PM

أستاهـــــــل إنـــــــــك تجرحينـــــــــــــي
 

أيــــوة بستاهـــــــل إنـــــك تجرحينـــــــــــي

وإنــك تمشـــي بعيـــد عنـــي وتسيبينـــــي

عشــان كنـــت قاســــي وأنــــاني

واستخسـرت فيكي حبي وحناني

وياما هددتك أعيش في حب تانـي

كنت غرقان في وهم غروري وكان لازم تفوقينـــي

كنــت عايــش معاكــي مــن غيـر قلبــي

كنـت بجـرح مشاعـرك وتكتمي وتخبــــي

مكنتيــش طالبــة غيـــر عطفي وحبـــــي

حرمتـك منهـم وبادلـت غيـرك ودي وحبي وحنينـــــي

قـــــدام صاحباتــــك كنـــت بعاملــك بغــــرور

تيجـي تعاتبينـي أعمـل نفسي حزين مقهـور

أبقـى أنـا اللـي مزعلـك وابعـد واغيـب بالشهور

يامـا احتجتينـي وغبت ووقت احتياجي ليكي بكل حنان بتحتويني

أيــوة خســـارة فيـــا حبــــك وطيبتــــك

ده أنا عمري ما بكلمة حلوة عاتبتـــــــك

كان لازم بجد تغيبي وتطول عني غيبتك

عشان أراجع اخطائي واصلحهـا لمـا الحـب التانـــي ينادينــــــــــي

الحــب اللــي عشــت فيـــه مـــن بعــــدك

خلانــــي ارجـــع تانــــــي لحــــد عنــــــدك

بجــد وحشنـــي حنانــــك وعطفــــك وودك

اللي حبيتها من بعدك قسيت عليا رفضت حبي وشوقـــي وحنينــــــي

عرفـــت ساعتهــا قــــد إيــــه ظلمتــــك معايـــــا

وإنـك صبرتــي على جرحـي ولا مرة قلتي كفايـة

رجعتلـك شايـل فـي قلبـي كــل الحـــــب جوايـا

خــدي قلبـي وعطفـي وحبـي واقبلـــــي اعتــــــذاري وسامحينـــــــي

مــن النهـــارده مفيـش قسـوة مفيـش جـــراح

والسنيـن اللــي جايـة هنملاهــا حـب وأفـــراح

ننسـى الماضـي وقسوتـه وكـل اللـي عدى وراح

بغيابـك عنـي رجعتينــي وعــرفت بجــد قـد إيـه كنتـــــي بتحبينــــــــــي



شـــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ــ

العاشق الذى لم يتب 04-19-2014 02:53 PM

انت تستاهل كل الخير
ولاعمره من احب مخلصا
يكون جاهلا او مغفلا
او انه ضل الطريق
فقط هى الحياة تعاليم وتجارب
ثم نصيب وقسمة
ثم يخلف ربك عما كان
سلمت شاعرنا
تحياتى وودى

توحد ارواح 04-19-2014 05:02 PM

احيانا تبقى الحاجه بين ايدينا
مش بنحس بيها غيرأما نفقدها
ساعتها بنحس بالندم والعذاب
ونتمنى ترجع تانى
رائع ما كتبت
تحيتى

همس الحنين 04-19-2014 06:01 PM

تستحق كل خير

لانك ببساطه حبيت باخلاص
ولما الانسان يحب بإخلاص بينسى ويسامح
ويمنح فرص ثانيه لتجديد العهد
وده دليل لقيمة الحب فى قلبك

ابدعت بكلماتك

Lamees 04-19-2014 09:16 PM

طلبت منك كتير تقرب مني
وكل مرة اقولك فيها تزيد عنادك
وتبعد عني
مش فاهمة هو حب
او جرح قلب
استحملت كتير منك
ولا مرة زعلى في يوم كان يهمك
طب قولي ازاي اغير منك
وازي تحس اني مش سبب همك
وبعد كل ده جاي تقولي
انا مقدرش ابعد عنكِ

طرحك جميل خالد
جميل اننا نحس بغلطنا ونحاول نصلحه
قبل فوات الآوان
أسعد الله قلبك

دمعه حائره 04-19-2014 09:24 PM

كلمات جميله ومشاعر كلها حب وصدق
تستاهل كل خير عليها
تسلم ياخالد ويدوم الابداع

شاعر الحب الحزين 04-19-2014 09:43 PM

اقتباس:

المشاركة الأصلية كتبت بواسطة العاشق الذى لم يتب (Post 4432260)
انت تستاهل كل الخير
ولاعمره من احب مخلصا
يكون جاهلا او مغفلا
او انه ضل الطريق
فقط هى الحياة تعاليم وتجارب
ثم نصيب وقسمة
ثم يخلف ربك عما كان
سلمت شاعرنا
تحياتى وودى


فعلا معاك حق بس احيانا طيبة غيرنا

بتبقى عامل سلبي عليهم بنستغلها ونقسى عليهم

تسلم بجد يا رفعت على كلامك الجميل

وطلتك اللي ما استغناش عنها ابدا

نورتني يا غالي احترامي ليك

شاعر الحب الحزين 04-19-2014 09:52 PM

اقتباس:

المشاركة الأصلية كتبت بواسطة توحد ارواح (Post 4432515)
احيانا تبقى الحاجه بين ايدينا
مش بنحس بيها غيرأما نفقدها
ساعتها بنحس بالندم والعذاب
ونتمنى ترجع تانى
رائع ما كتبت
تحيتى


عندك حق احنا بطبعنا كده اللي بيتعلق فينا

بننساه ومنقدروش ونتعلق باللي ناسينا

الأروع مرورك العطر المليء بأخلاقك العالية

يشرفني ويسعدني تواجدك الكريم توحد أرواح

احترامي لكي

شاعر الحب الحزين 04-19-2014 09:56 PM

اقتباس:

المشاركة الأصلية كتبت بواسطة همسات فوق القمر (Post 4432608)
تستحق كل خير

لانك ببساطه حبيت باخلاص
ولما الانسان يحب بإخلاص بينسى ويسامح
ويمنح فرص ثانيه لتجديد العهد
وده دليل لقيمة الحب فى قلبك

ابدعت بكلماتك


الله الله

وجودك جميل همسات بيهمس الصدق

دايما والحق وإحساسك بالكلمات جميل ومعبر

اشكرك جدا لتعطيرك متصفحي البسيط

بتواجدك الرائع وكلماتك الرقيقة

احترامي لكي

شاعر الحب الحزين 04-19-2014 10:01 PM

اقتباس:

المشاركة الأصلية كتبت بواسطة ro♥ony (Post 4432929)
طلبت منك كتير تقرب مني
وكل مرة اقولك فيها تزيد عنادك
وتبعد عني
مش فاهمة هو حب
او جرح قلب
استحملت كتير منك
ولا مرة زعلى في يوم كان يهمك
طب قولي ازاي اغير منك
وازي تحس اني مش سبب همك
وبعد كل ده جاي تقولي
انا مقدرش ابعد عنكِ

طرحك جميل خالد
جميل اننا نحس بغلطنا ونحاول نصلحه
قبل فوات الآوان
أسعد الله قلبك


اكيد المشكلة دي والحالة دي معظم اللي بيحبوا

بيبقوا عايشين فيها وحاولت اعبر عنها بقلمي الصغير

سعيد جدا بوجودك الجميل روني وكلامك الجميل

دايما منوراني بعطر وجودك الرقيق

احترامي لكي


الساعة الآن 09:03 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w