|
يارب خدنى يارب خدنى مبتمناش أكتر من كدا سايبنى ليه دا جرح كبير بقلبى أنا ليه السواد مالى حياتى كدا واغلى حبايبى بيسبونى بيبعدو عنى طب ليه كدا ... ليه أعيش ومفيش حاجه ليها أعيش من بعد أغلى حبيبى ياربى مفيش ياربى دا قدرى والقدر مكتوب والحظ الاسود ملازمنى مهو مكتوب أنا مش عايزه غير يارب أنك تاخدنى كان عندى احلام كتير ودلوقت حلمى هو أى أموت وأروح لكل حبيبى يارب ليه الظلم دا فى حقى ليه النحس والاحزان ترافقنى لا شوفت ابويا ولا شاف حتى ملامحى وقدام عيونى تموت فى لحظه كدا امى طب ليه سايبنى عيزه اعرف ليه سايبنى مأخدنيش معاهم دا الفراق معذبنى صعبان عليا اوى نفسى الاضاعت احلامى ألابنتها وجروح بتهدمنى يارب عشان ماليش غيرك دلوقتى ما الكل راح يارب واشكى لمين همى لولا خوفى الكبير كنت نهيت نفسى لا عرفه حتى اموت ولا عرفه امته موتى وعشان كدا ..... يارب خدنى مبتمناش أكتر من كدا أنا مش قويه استحمل عذاب كل دا ماراحت حياتى الا كانت بتصبرنى زادت أهاتى وغلول جراحى من بعد امى وأنا ليه مين من بعدها وأيه فضلى يارب لو لسه باقى ايام فى عمرى انا خلاص اعلنت حداد على نفسى لحد ما يجي وقتى واستنى موتى رغم انى أنا من أول يوم فى عمرى ميته منى |
نو كومنت واسم موضوعك اصلا كارثة ويارب متاخدهاش بكرة تعقل وتعرف ان الحياة ابسط من كده تحياتى |
قال رسول الله صل الله عليه وسلم / ( لا يتمنين أحدكم الموت لضر نزل به في الدنيا ولكن ليقل اللهم أحينى ما كانت الحياة خيرا لى وتوفنى إذا كانت الوفاة خيرا لى ) لاشك أن الدنيا دار بلاء واختبار، وأن الله سبحانه وتعالى خلق الموت والحياة ليبلونا أينا أحسن عملاً الله يبتلي عباده الصالحين والطالحين، الصالحين ليرفع درجتهم ويعلي منزلتهم، والطالحين ليطهرهم ويكفر سيئاتهم ولا يجوز تمني الموت الا في حالتين ــ ان خفتي علي فتنه ف دينك ـــ او عند حضور اسباب الشهاده وغير ذلك من امور الدنيا لايجوز فيها تمني الموت واسال الله ان يلهمك الصواب و يهبك الخير ف حياتك |
كلمات منكسره حزينه تبوح بمكنون حزنك سيدتى و لكن هكذا هى الحياه فراق استجمعى قوتك و تأكدى ان الله لا يترك احد لك الله سيدتى |
تفائلى أختى بالخيرتجديه كونى قوية الارادة والعزيمة لاتيأسى ولاتقنطى من رحمة الله فكل شيئ بمقدار وأجل أجله الله سبحانه ولتعلمى بأن الذى أخذه الله منك ماكان إلا أن يعوضك خيرا منه وتذكرى قول ربك عسى أن تكرهوا شيئا وهو خيرلكم وعسى أن تحبون شيئا وهو شرلكم ولايتمنى أحدكم الموت وإن لابد فاعلا فلقل اللهم إن كان الاحياة خيرالى فأحينى وإن كان الموت خيرا لى فأمتنى هونى عليك اختى أكثرى من الإستغفار وورددى لاحول ولاقوة إلا بالله العلى العظيم رائعة تلك الخاطرة والمعانى كثيرة الاحزان والمواجع أسعدك الله وأفرحك تقبلى تحياتى وودى |
أنا مدرك تماما حجم الصدمة اللي بتمري بيها دلوقتي وهي مش سهلة إنك تفارقي إنسانة كانت هي أقرب الناس ليكي ربتك علمتك كبرتك فهمتك الدنيا إزاي تعيشيها ابكي عليها وابكي وابكي عشان يرتاح قلبك بس ما تتمنيش الموت اكيد بنبكي عشان لينا ذكريات جميلة مع اللي بنحبهم ورحلوا عنا بس منقدرش نعمل حاجة قدام النصيب وده مكتوب ومقدر ولازم نرضى بيه أتمنالك السعادة واصبري وان شاء الله ربنا حيعوض صبرك خير وفرح احترامي لكي وشديد عزائي وأسفي |
لاحول ولاقوة الا بالله انا عارفه مدى الازمه اللى انتى بتمرى بيها وقد ايه ممكن تكونى وصلتى لليأس لكن ده امر ربنا وقضاءه ولازم نرضي ونصبر ونحتسب ومش تقولى الكلمه دى تانى ربنا معاكى ويصلح حالك |
هى دار فناء ولنا مع الله لقاء ليس لنا فى الدنيا سوى الدعاء ولو كل انسان تمنى الموت من كثرة العناء ما كان يوجد بشرا واحدا يوحد من لا ينام وأختم كلامى لعله يزيح عنكِ همك قال رسول الله صلى عليه الاول عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيراً له وإن أصابته ضراء صبر فكان خيراً له |
هونى عن نفسك أختاه لقد مرت عليه نفس ظروفك ولذلك اشعر بمدى احساسك وحزنك لكن الدنيا لا تقف حقيقى لا يمكن النسيان لكن لابد ان نؤمن بقضاء الله وقدره ندعو لهم بالرحمة والمغفرة وحرام هذا ما كتبتيه فى العنوان فاصبرى وتغلبى على أزمتك |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
| الساعة الآن 06:47 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب