|
حمنى حبيبى أغنيه اهداء لسى حمنى :105:حمنى حبيبى أنا أبنى وحته منى لعيونه كل الهنا ويارب أفرح بيه ودا لما يكبر شويه وياماما ينادينى بنسى كل الافيه وبفرح فرحه سنينى ويا اخواتى عليها منو ياما نفسى اسمعها منو حتت بسكوته حاجه صُغنتوته ولاعمرى انا هشبع منو وياطعمته لما يكبر يجرى بالشقه يكسر ويقولى آسف ياماما والله انا كنت بهزر يقعد يسمعلى الكرتون يتنطط زى المجنون يعمل مره سبايدر مان لاء ويطيرلى زيو كمان ولما يسمع جرس الباب وأقولو ياحبيبى بيرن يقولى ما تقومى أنتى مش فاضى أنا بسمع بن تن ويا اخواتى عليها منو ياما نفسى اسمعها منو حتت بسكوته حاجه صُغنتوته ولاعمرى انا هشبع منو دا حبيبى ياناس دا حبيبى فرحة ايامى وسنينى اه صحيح دا مطلع عينى وضحكه منو بتحيينى شربات والله ياناس شربات وعليه ياناس حبه حركات لما بشوفو بيبكى فى مره دمعه عينو دى بتمحينى ويا اخواتى عليها منو ياما نفسى اسمعها منو حتت بسكوته حاجه صُغنتوته ولاعمرى انا هشبع منو وبكره حبيبى دا ها يكبر وهقول ايه الله اكبر وكل ما أشوفه هاكبر وأسمى كمان وادعيلو وال تحب حبيبى اكيد تترجاه وتبوس الايد طبعاً دا أبنى الغالى لازم أشخط وتئمر ياربى أبنى الغالى احميه طولت حياتى لوعايز روحى متلزمنيش دا الغالى يرخص للغالى ويا اخواتى عليها منو ياما نفسى اسمعها منو حتت بسكوته حاجه صُغنتوته ولاعمرى انا هشبع منو أهداء الى الدكتور باش مهندس محمد حمنى :07::07: |
اهداء جميل للجميل حمني ابن سما ربنا يحفظه ويخليه ويكبر كده وتفرحي فيه يا سما اهي عروسة جديدة ل محمد اتضافت ع القايمة كلمات جميلة جدا وإحساس جميل تسلمي أنين على كلامك |
تسلمى انين جميلة اوى الهدية وكلمات روعة مفعمة بحنين الام عقبال عندك ان شاءالله وتسلم الايادى تحياتى وودى |
اقتباس:
ربنا يحميكي يارب ويبارك في عمرك حببتي عقبال ما تعزميني علي فرحك يارب بجد مش عارفه اقولك ايه ميرسي اوي يا انين بس عجبتني دكتور وباشمهندس دي يسمع منك ربنا مع اني حاسه ان اخره بلطجي ههههههههه |
اقتباس:
واخد بالك انت يا خالد الواد مسبش بنت في حالها بس قدامك اهو هو اللي بيتعاكس ههههه ربنا يخليك يارب وعقبال ما تفرح للشباب الصغنون بئه |
يسلام على دلوعه المنتدى ربنا يحميه ونشوفه دكتور قد الدنيا كلمات جميله تسلمى ياقمر |
اقتباس:
هههههههه الواد دا زودها اوي انا برضو بقول كدة باشمهندس لو سمحتي :18: |
اهداء جميل لحمنى تسلمى انين لكلماتك الجميله وخلاص كدة انتى اتضافتى للقائمه تحياتى |
متقطعيش علي الواد يا ام نور دا احنا نسايب ههههههههه |
اقتباس:
مهو عشان نسايب لازم اقطع |
| الساعة الآن 01:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب