منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   ياخسارة ياليالى (https://forums.banatmasr.net/msryat467032/)

a7med -3del 04-24-2014 10:13 PM

ياخسارة ياليالى
 



ازاى يجيلك قلب يوم
و تنطقيها
كلمة بحبك
لغيرى عادى هاتقوليها
و حاسة ليه نفس المشاعر
اللى معايا حسيتيها
الفكرة دى بتقتلنى موت
لو اتخيلها
او حتى افكر فيها

انا الموهوم وفى كل يوم
بكدب احساسى واصدقك
ضعيف ملهوف بموت من الخوف
مجروح وقلبى بيعشقك
وانتى قلبك مالوش غالى
ياخسارة ياليالى
انا اللى قولت عليكى دنيا
شوفتك قمر عالى
اميرة ساكنة خيالى
واتفأجئت بواحدة تانية

انا اللى واجع قلبى
كل مافكر فى اللى كان
زى المجنون بكلم نفسى
وانتى معاه
فى نفس المكان
ويلمس ايديكى
ويعيشك اجمل غرام
عينه فى عينيكى
وتقولى ليه نفس الكلام
ولويوم يغيب تجرى عليه
وتكونى ليه متشوقة
زى اللى كان بينى وبينك
دايبة فى هواه متعلقة
وازاى بقى ؟
وازاى هتعيشى نفس الاحساس
اللى معايا زمان عيشيتيه
سهل يعنى تحبى تانى
والحب بعدى تحسى بيه
وزى مانسيتى اللى بنا
هيجى يوم وهتنسيه
كلامى مش من صدمتى
ولو لينا عمر هتفتكريه
واللى انتى بتحبيه
هتحبى تانى عليه
وهيجى يوم وهتنسيه

a7med adel
24\4\2014


دمعه حائره 04-24-2014 10:40 PM

حاجات كتير فى حياتنا لما بتنتهى بنقول ياخساره
بس مش عليها على وقتنا ومشاعرنا اللى ضيعناهم عليها
تسلم كلمات رائعه

شاعر الحب الحزين 04-24-2014 11:33 PM

فعلا صح مش بيصعب علينا غير عمرنا ووقتنا

اللي ضيعناه ف حبهم وإحنا موهومين بحبهم

اشهدلك إنك أستاذ في رسم مشاعرك وأحاسيسك

ماشاء الله عليك فكر متجدد دايما ومتنوع بإحساسك وافكارك

جميلة بجد يا احمد وفيها إحساس بالحب والوجع

احترامي وتقديري

ابتسامة الزهر 04-25-2014 12:18 AM

اه من قسوة الغدر صعبة قوى
احساس مؤلم هو احساس الفقد
لمن احببت والألم والأنين
عبرت عن هذا الأحساس بكل أبداع
ورسمت مشاعرك بصدق
ولكن من خان لا يستحق مشاعرك
دام لنا قلمك

همس الحنين 04-25-2014 12:51 AM

كلمات رائعه

وقلمك مبدع

موفق يارب


الساعة الآن 04:36 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w