منتديات بنات مصر - يمكن خير ( باقلبى )

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - يمكن خير ( باقلبى ) (https://forums.banatmasr.net/msryat467354/)

يمكن خير ( باقلبى )

ياقلبى
على قد ماتقدر اتحمل
قادر تنساها وتكمل
العمر لسه منتهاش
مش هتبقى نهاية الكون
عشان واحدة ياقلبى تخون
اوحتى محبتناش

بالعقل والحسابات
اهى باينة لينا حاجات
وجايز يكون
الجاى اجمل من كده
فى ناس فى الوهم
عايشة سنين
واحنا ياقلبى بقالنا يومين
احمد ربنا
على كل الوقت ده

مايمكن خير
ربك ده رب قلوب
وياعالم ايه مكتوب
ولا بكرة جاى بايه

ويبان لنا .. البعد جرح
ويمكن يكون .. من بعده فرح
وزى ماعيشنا الجرح لازم
اللى جرحنا يحس بيه

وحق ناس .. بتجيبه ناس
واحنا خلاص .. هيفيدنا ايه
كان اللى كان .. وخلاص زمان
بقى ماضى ليه نندم عليه

لا هافكر .. ولا هاحتار
ولا هاقبل اعيش فى نار
مر جراحى علمنى
حلاوة الانتصار

لما افوق من وهمى
واغلب فيا يأسى
وابتسم علشان اعيش
واهدم جراح وهموم
وزكريات يجى الف يوم
واضحك اوى مبكيش

واعيش
a7med adel
26\4\2014

جميل جدا إنك تخاطب قلبك بالأسلوب ده

وكلمة يمكن دلالة على إنك فاهم الحب واللي بعد الفراق بيحصل

فعلا يمكن تقدر تنسى ويمكن برده تنسى نفسك ومتقدرش تنسى اللي حبيته

أيا كان سبب الفراق اللي بيدخل قلوبنا صعب يخرج منها عشان فراق

بس بجد ماشاء الله دايما كلامك جميل ومحط اعجاب كل اللي بيقرأه

ابدعت جدا يا احمد ودي واحدة من اجمل كتاباتك اللي قرأتها ليك

احترامي وتقديري

خطاب للقلب ومواساه في جرحه
ليهون الجرح وبعده هيكون في فرح
كلماتك راقتني أستاذ احمد
دمت بود

كلمات رائعه منك أخى فى انتظار جديدك

عندك حق مفيش حد يستاهل وال يخون اقفل وراه الباب
اسلوب رائع ي احمد
يدووم تميزك

نورتو كلكو

ويارب اشوفكم دايما هنا