|
شايـــــــــل همـــــــــك يـــــــا بلـــــــــــد أنــــــا الولــــــد اللــــي اتولـــــــد شايــــلاه كفـــوف الأحبـــــة وهــو شــايل همــك يــا بلــــــــد قبـل مـا يحـس منـك بالمحبـة عانى كتير وعاش فيكي بألف ولد كان سهل عليكي تخلي حياته صعبة وآهو لمـا كبر بقى بس زيادة عــــدد عايش جواكي وحاسس بالغربـــــة حبيتــــك وأنــــا لســه طفــل في اللفــــة وعشقتــك زي عروســــة فــــي زفــــــــة بـس إنتـي ظلمـك ليــــا كفــــى ووفـــــى على حساب سعادتي تفرحيهــــم اللـي عمرهـم مــا كــان عندهـــم استعــداد إنهــم يحبوكي أو يعمــروا فيكـي يا بـــــــــلاد اللي بيظلموا الخلق وبيقتلوا في العبــــــــاد عاجبينك يا بلدي وكمان بتشكريهـم للأسف بقينــا نبـــص للحضــــارة وبقى همنا نبني كــــام عمـــارة ونسينا ندور فـــــي كــل حـــارة على ناس فقعت عندها المرارة المساجد نقفلها ومبسوطين ونفتح بيــوت للفحـــش والدعــــارة العلمانية بقت فوق الإسلامية وده ف نظرهم مفهـــوم الحضـــارة المحاضرات والآيات القرآنيــــة بدلناها بأغاني هابطة وافلام إثارة وكتير مننا موافقين وماشيين ومبسوطين وفاكرينهــا شطـــارة بإيديهم عن الحق غموا عنيهم والله يـا بلدي خسارة وألف خسـارة جهلهم علم ظلمهم بقى عدل لا وكمان بقى عادي عندهم القتل واللي يعارضهم إرهابي قليل أصل واللي مأيدهم لو غير رأيه وعارضهم ملوش دية رصاصة غدر تقتله بكل قذارة همـا دول يا بلد اللي حكمتيهم فينا عالم بتقتلنا بـدل مـا تــروح تحمينـــا من زمان إنتي وهمــا جايين علينـــا ما نموت أهم حاجة تفضل الحضــــــارة بــس لسـه فـي ناس عندهـا ضمير وهمـا دول أملنــــا فــــي التغييــــر بعـد أملنـا فـــي ربنـــــا الكبيــــــــر وبرغــم إن المفسديــن كتيـــــــــــر اللي حرقوا البلد من غير تفكيـــــــر ونسيـوا إن مفيش نـار مـن غيـر شـــرارة أنــــا الولـــــد يـــــــا بلـــــــــــد اللي مات فيكي أول ما اتولـــد شــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ــــــ |
انا الولد اللى مات فيكى اول ماتولد جامدة اوى الجملة دى وتقريبا كده انا فتحت نفسك تكتب كده انا فرحان بيك جدا وحاسس انى اثرت فيك عشان تكتب جميل كده |
كلمات قوية جدا تلامس القلب والوجدان لانها تعبر عن احساس صادق صابر صامد تعبر عن عزيمة وارادة والم ووطن عاش فينا ما حيينا كلمات قوية ومعبرة من قلم ثائر خالص تقديري وحبي لك اخي الغالي تقبل مروري |
لاء مش قوي كده بلدنا طول عمرها ماشية بشرع ربنا لا فتحنا خمارات ولا زودنا رخصة ولا بقينا كلنا علمانيين أو حتي نكره لاء كلامك مش في الصميم مع إن حرفك حلو ولغتة جميلة بس تمللي واخد خطه هو بس أحييك ونصك الرائع سلمت والنبض مودتي وإحترامي |
وبنحب ترابك يا بلد وتحت سماكى بنتولد وعشان ترابك بنضحى بالعمر والولد ومش كتير عليكى نضحى بروحنا ومن غير تمن ابدعت واكثر احترامى لك ولقلمك |
اقتباس:
مين قاللك ؟ اكيد احساسك الجميل هو اللي قاللك فعلا كلماتك اثرت فيا يا احمد والواقع اثر فيا اكتر كنت هكتبها كلها في ردي على موضوعك بس قلت اكتبها ف موضوع لوحدها عشان طويلة شوية تسلم على هبتي هذا الإحساس بعد الخالق سبحانه وتعالى احترامي وتقديري لك |
اقتباس:
أحكام الإعدام بحق اخوتي التي صدرت اليوم هي التي استفزتني وأثارت غضبي جدا تواجدك أخي يهدئ الروع ويسر الخاطر أنت رمز الوطنية والإنتماء يا أستاذ خالد ومنك نتعلم أخي الغالي خالد كيف نكتب الحق سعيد جدا بتواجدك الكبير أخي الغالي خالد مسك المرور ومسك التواجد ومسك الشهادة منك احترامي وتقديري لك أخي الغالي |
اقتباس:
أخي العزيز فتحي عيسى لك وجهة نظر احترمها واقدرها جدا وأحترم رأيك الكبير ولكن للواقع وجهة نظر أخرى تحتم علي أن أصدقها ولا احترمها ولا اقدرها لأنها مؤلمة تلك الواقعية سعدت جدا بمداخلتك الجميلة أخي الغالي فتحي عيسى احترامي وتقديري لك وكل المودة |
اقتباس:
أهلا بمدينة الأخلاق السامية همسات فوق القمر تواجدك ملأ متصفحي بعطر أخلاقك النبيلة وتفاعلك الراقي ك رقي شخصك الكريم احترامي وتقديري لكي همسات |
صح لسانك و ما اجمل كلماتك اسلوبك رائع و شعرك خرافى تسلم ايديك و اتقبل مرورى .. |
| الساعة الآن 11:21 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب