منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   انا اللى مفهمتش هواكى (https://forums.banatmasr.net/msryat468270/)

a7med -3del 05-02-2014 11:25 PM

انا اللى مفهمتش هواكى
 





ليه اقول عليكى خاينة
مانا اللى خانى ذكائى
الحقيقة قصادى باينة
وصدقت كدبك من غبائى

ليه الومك .. ليه اعاتبك
والغدر عادى
شىء فى طبعك
وانا لو هالوم
هالوم نصيبى
اللى جابنى لحد عندك

انتى مغلطتيش فى حقى
انا اللى بيكى ظلمت نفسى
دلوقتى مش عارف انساكى
انتى واحدة ودى حياتها
وانا يدوب من زكرياتها
انا اللى مفهمتش هواكى

وعشان مبعدش عنك
ومحسش اى جرح
اخترت عذابى جمبك
واختيارى مكنش صح

وعشان الحب عديت فى حاجات
انا وقلبى عملنا مش شايفين
عيشنا الجرح وخدتنا حكايات
ورجعنا بعد فراقنا نبكى سنين

ahmed adel
2\5\2014



شاعر الحب الحزين 05-02-2014 11:40 PM

انتا كنت فاهم بس عامل مش فاهم

سبت قلبك ياخدك ويروح لحب واهم

من البداية وقبل ما تنجرح

كان لازم تبعد مش تخلي حبك اكتر من اللازم

انتا اخترت تجرح قلبك بإيديك

اللوم مش عليها اللوم عليك

هي طبعها كده وانتا عرفت وعملت مش فاهم


جميل احساسك هنا وبيحكي حاجات واقعية

دايما في هدف من كلامك وبتعرف تخرج اللي جواك

احترامي وتقديري لك

العاشق الذى لم يتب 05-03-2014 12:10 AM

معلش ياعم احمد
مش انت لوحدك طلعت غبى
كتير والله زيك
صدقو كدبها
هقول ايه بس
الله يسامحها
كلمات جميلة
تسلم الايادى
تحياتى

Lamees 05-03-2014 02:54 AM

اوقات كتير بنكون فاهمين
وبنكون بالغدر والخيانة حاسين
بس بنعدي ونعمل نفسنا مش شايفين

راقتني كلماتك اخي
دمت متميز
روني ..~


الساعة الآن 07:35 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w