|
بقيتوا ثورجيه .. و إحنا بقينا بلطجيه .. ! فين الشعب اللى كان بيرضى بالقليل ليه محدش عاجبه حاجه ؟؟ دى الدنيااا مش محتاجه .. ! فين الطيبه و المحبه ليه إتقلبت لـ السذاجه البقـاء لـ الأقوى و التجاره بـ الأوضااع وكل واحد عاوز حاجه يقوم ياخدها بالدراع تجار دين هدوها عليها واطيها خلوها جابت وره إوعى فـ يوم تفكر تخلط الدين بـ السياسه معروف الدين عفه و طهاره .. و السياسه نجاسه عشان الكرسى كل شويه تكبير تهليل كأن الإسلام لسه داخل مصر امبارح بلليل بقيتوا ثورجيه و إحنا بقينا بلطجيه إنتوا بس مسلمين و إحنا عايشين من غير هويه مشيتوا عكس .. قلبتوا الأيـه مين عليا .. مين معايا ضحك ع الدقوون كفايه حطونا فـ البرايه فين الديين إللى يخليك تكفر مسلم زيه زيك ؟؟ إختلفنا بس إختلافنا كان سياسى الإخوان وصلوها حرب دموى ع الكراسى بقينا فـ زمن الدم فيه مباح و عادى ناس بتموت منهم و ناس مننا وده برده عادى هما مين و إحنا مين ؟؟ حتى السؤال ده يبقى عادى إحنا توهنا ف الطريق و الحب مات مابينا عادى عيشنا ياما خرس دلوقتى كله إتكلم شعب زى الطفل ع الكلام لسه بيتعلم ياترى ماشيين ع الخـط الصـح ولا الثوره موضه ؟؟ ياترى كل اللى بيحصل صح ولا قلبت هوجه ؟؟ الثوره مستمره إلبس ماسكات الثورجيه ثوار إخوان جبهة إنقاذ و الجيش و بلطجيه هتاف من كل لون لحد ما نسينا القضيه كله قال عاوزين نغيـر بس محدش عنده نيه تمن الحريه غالى و اللى راح مش راجع تانى و اللى شايف بكره أحلى يبقى عايش ف الأغانى عمرها ما تروق و تحلى غير لما إحنا نرجع تانى زى العمله وش مسلم و المسيحى الوش التانى ليه إتقسمنا و إتفرقنا توهنا كلنا فـ سراب راكبين كلنا المركب بس عايمه فـ التراب محدش فينا عنده مبدأ .. مين بـ نفسه يبدأ كله ينزل ع الميدان ولما الكرسى يفضى يسبق ! s2 قال رسول الله (( صلى الله عليه وسلم )) -( كل المسلم على المسلم حرام . دمه و ماله و عرضه )- |
ليه إتقسمنا و إتفرقنا توهنا كلنا فـ سراب راكبين كلنا المركب بس عايمه فـ التراب محدش فينا عنده مبدأ .. مين بـ نفسه يبدأ كله ينزل ع الميدان ولما الكرسى يفضى يسبق ! جميله يامحمود وفعـلا بتعبر عن حالنــا بقينا تايهين والمستقبل مش باين له معالم تسلم ايدك أبدعت ف وصف واقع أليم |
ان شاء الله ربنا يصلح حال مصر الحبيبة كلمات جميلة يا محمود قلمك جميل وبتعرف تعبر عن اللي جواك احترامي يا حودة |
معهلش احنا دلوقتى فى توها بس اصبر شوية كل ده هيروح لحاله ويبان الحق من الباطل ومين المتحول ومين لابس قناع كل ده ه ينتهى وتعود مصر احسن من ماكان كلمات جميلة عبرت بيها عما بداخلك بأسلوب بسيط وسهل تقديرى لك |
ربنا يحفظ مصر من شر الفتن ما ظهر منها وما بطن ونسأل الله أن يولي أمورنا من يصلح سلمتـ يدآكـ |
ومن غير ماتتهم حد من غير دليل الحكاية فيها مغالطات كتيرة ياعم محمود ربنايصلح حالنا وحال مصر وخليك انت اليومين دول مع العروسة وابعد عن جو العكننة تحياتى |
من بعد ثوره جبنا رئيس لسه بنقول يا فتاح يا عليم جه بعدها علشان ياخدها وعلشان الكرسى قتل شعبه اللئيم حفلة إعدامات وعايزين منا نقول امين قضاء نزيه حافظ عليه عشان بلدك تبقى فى الصميم مش مهم دول شوية حشرات إرهابيين هات مبيد ورش هتكون وطنى وواد عظيم خليك بلطجى هتكون فى نظرنا من اهالينا المحترمين مش مهم يكون لك قضيه المهم يكون عندك لسان طويل تشتم تخون ولاد بلدك وتقول عليهم تجار دين تحترم إللى شايل سنجه وتتعدى على شيخ امين خليك كده بغبغبان يردد هيقولوا عليك ماشى فى السليم ... شكرا محمود تحياتى |
اقتباس:
حسبى الله و نعم الوكيل ف كل واحد كان السبب إن بلدى تقع . إن شاب يتقتل وكله بسبب تجار الدين كلاب السلطه |
اقتباس:
وده اللى عاوزينه ياصحبى ربنا يصلح حال بلدنا ويولى من يصلح |
اقتباس:
ربنا يستر ع بلدنا و يهدى الأحوال يارب تسلمى لمرورك |
| الساعة الآن 12:27 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب