منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   انا نفسى افوق (https://forums.banatmasr.net/msryat468893/)

a7med -3del 05-08-2014 09:19 PM

انا نفسى افوق
 



ساكت نبض جوايا
ضعيف اوى ومخنوق
حايلت كتير فى ايامى
وبرضه مش عايزة تروق

لا حلمت اعيش فى قصور
ولا عديت فى الحلم سور
انا كل اللى بتمناه
اعيشها حياه
عافية بقى او زوق

وتيجى الدنيا على هوايا
واحس انها معايا
تدينى الامل لو مرة
تلحقنى جايز افوق

عايش حياتى بالزق
غلطان وانا على حق
تعبت لما قولت حاضر
وتعبت اكتر
لما قولت ياقلبى لاء

بداية وشكلها نهاية
اصوات بتنادى جوايا
وبسمعها لكن خايف
فى عز الضهر مش شايف
ولا ليا فيها حقوق

واهو حتى العمر بيعدى
لا بييسال ولا يهدى
وقفت حياتى على غلطة
وكانى مش مخلوق

انا نفسى افوق

a7med adel
8\5\2014
ممكن تكون بتعرف تكتب اوى بس الحاجة اللى حاسسها اوى
مبتعرفش توصفها زى مانت عايز فبتطلع اقل حاجة ممكن تكتبها
لان حالتك لما بتكون اقوى كلامك بيضعف قصاد همومك
واللى بينجح هو بس احساسك بالحالة نفسها
تحياتى


Lamees 05-08-2014 11:07 PM

وكلنا احمد نفسنا نفوق
نقدر نعيش حياتنا
نقدر نساير همومنا
ونتعايش معاها
شكراً للطرح الراقي
اراح الله بالك
ودي
روني ..~

الأميرة رودي 05-09-2014 02:08 PM

احساسك نطق قبل الحـروف
عبـرت بروعه حرفك ونقاؤه عن شئ ما يرهق قلبك
رائـعه معزوفتك .. لمست قلوبنا بشـده
صِــدقاً أبدعت
سلمت يميناك

شاعر الحب الحزين 05-09-2014 03:29 PM

وكإنك بكتاباتك كل موضوع بيكمل التاني

بعد انا اللي مفهمتش هواكي كتبت فهمت متأخر ودلوقتي

نفسي افوق كلها مكملة لبعض رغم إن الكلمات دي مغايرة

لكن اكيد هي حالة الشخص بعد ما يفقد اللي بيحبه

في كل الحالات انتا إحساسك جميل يا احمد

احترامي وتقديري

جبل عالي 05-13-2014 08:02 PM

مقطوعة في قمة الجمال فعلا فعلا

عبرت بقدرة كبيرة رغم كلمتك الأخيرة

الا ان احساسها نطق بكل صدق

سلمت يمينك لتلك الكلمات

وننتظر جديدك اكيد


تحيتي وكل التقدير

بقــايا أنثى 05-17-2014 04:53 AM

اقتباس:

المشاركة الأصلية كتبت بواسطة شاعر الحب الحزين (Post 4451634)
وكإنك بكتاباتك كل موضوع بيكمل التاني

بعد انا اللي مفهمتش هواكي كتبت فهمت متأخر ودلوقتي

نفسي افوق كلها مكملة لبعض رغم إن الكلمات دي مغايرة

لكن اكيد هي حالة الشخص بعد ما يفقد اللي بيحبه

في كل الحالات انتا إحساسك جميل يا احمد

احترامي وتقديري

[center]
اسمحلى ارد بالنيابه عن احمد فى دى
كلامك مش صح نهائى شاعر
مافيش كلام ولا موضوع معين بيقول او بيوصف حاله لاحمد
كل الحكايه انه بيعبر عن فكره ممكن تكون حد قريب منه مر بيها او مرت فى باله
بس مواضيع بتكمل بعضها وفكره واحساس الفراق فدا ابعد ما يكون عنه
تحياتى ومودتى

[/center]


الساعة الآن 04:42 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w