منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   ياخلق (https://forums.banatmasr.net/msryat469035/)

a7med -3del 05-09-2014 09:21 PM

ياخلق
 





عملتو خلاص تفويض
يعنى حسيتو بامان
ولا ده شكل جديد
للذل وللهوان
تعبت من التفكير
ياخلق .....
هو التفويض ده سنة
ولا ضميرنا اللى هان

مشهد قديم
من الماضى وعمال يتكرر
والفرق دلوقت
ان احنا اللى بنبرر
ومفيش مجال لحد يخدعنا
احنا اللى علينا بنغنى ونحور

يبقى ظالم وابن ...
ونقول ظروف
واللى يتالم ويتكلم
يصبح ...
و سمحنا للى دبحنا
يختار مصيرنا
هو الضرير ازاى يشوف

وازاى تقول
احكم ياسيدى عليا
ازاى وبانى عقل
يبقى رئيس ليا
مبناكلش من الكلام ده
السهوكة والحنية
وعارف لو قولت راى
اكيد هلبس قضية
وابقى الجانى والسجان
وانا فى الاصل ضحية
ياعالم مالهاش فى النظام
ناس اصلا عيشتها حرام
بيقولو اى كلام
وسلمونا تسليم اهالى
ياعالم مالهاش فى الامان
ولا عايزين غير اللى خان
بضمير جبان
طفيتو نور الليالى

حتى الامل مات واتدفن
والحق ماشى لابس كفن
واللى اتسجن
كل عزيز وغالى
a7med adel
9\5\2014


العاشق الذى لم يتب 05-09-2014 10:52 PM

والله يااحمد
مش مالكين غيرنقول
عليه العوض ومنه العوض
وربك ينتقم من الجبار
ويرزقنا بمن يتولى أمرنا بالحسنى
شكرا لك
ياغالى
لعظيم الرثاء للمنافقين
تحياتى وودى

Lamees 05-09-2014 11:28 PM

وصفت حال صعب احمد
للأسف اصبح واقع
ومؤلم جداً
ربنا عنده العفو
قادر يعوضنا خير
بس لو احنا نستاهل
شكراً للطرح

شاعر الحب الحزين 05-10-2014 01:23 AM

الضرب في الميت حرام يا احمد

دي ناس توفى ضميرها الله يرحمه بقى

مين بس يفهم ان دي كلها لعبة وهتنتهي قريب بإذن الله

تسلم إيديك يا احمد فنان في التعبير

رغم ان الواقع صعب جدا بس كلامك جميل

احترامي وتقديري

الصقر المكسور 05-10-2014 09:53 AM

هونها تهون (( ولله في خلقه شؤن )) كلام جميل يابو حميد لكن نقول الله المستعان


الساعة الآن 09:07 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w