|
خلاف بين الزمالك وحفني وجيبور والاهلي يدخل في الصورة دخل نادي الزمالك في خلاف خلال الساعات الماضية مع الثنائي أيمن حفني ووليم جيبور لاعبي طلائع الجيش المعارين لفريق أهلي طرابلس الليبي حتى نهاية الموسم الجاري وذلك بسبب الخلاف على مقدم التعاقد الذي طلبه الثنائي من أجل التوقيع . http://www.el-balad.com/upload/photo...0x232o/710.jpg الثنائي ايمن حفني ووليم جيبور رفضا التوقيع للزمالك بدون الحصول على مقدم تعاقد يصل إلى 500 ألف جنيه لكل لاعب بعد أن وافق الثنائي على تفيض قيمة العقد من أجل التواجد داخل النادي الأبيض ، ورفض عرض الأهلي ومنح الثنائي لإدارة الزمالك مهلة حتى نهاية الأسبوع الجاري من أجل توفير مقدم التعاقد أو التوقيع للنادي الأهلي الذي عرض دفع مقدم التعاقد الذي طلبه كل لاعب من أجل إتمام الصفقة مع زيادة قيمة العقد ليصل إلى مليوني جنيه في الموسم الواحد . وتلقى وكيل أعمال الثنائي إتصالات من جانب علاء عبدالصادق مدير الكرة في النادي اللأهلي الذي وعد بتنفيذ مطالب اللاعبين مقابل التوقيع للقلعة الحمراء ، ولكن طلب الثنائي فرصة إنتظاراً لرد الزمالك الأخير خاصة أن إدارة طلائع الجيش ترحب برحيل الثنائي للفريق الأبيض . |
الاهلى ناوى يتعاقد مع لعيبه كتير وكمان عاوز دول هيبقى عنده كدا كتير للاسف الزمالك دايما عنده ازمه ماليه ربنا ييسر الامور ويعرف يتعاقد معاهم لانهم فعلا مكسب للزمالك شكرا ع الخبر والمتابعه الجيده تحيتى |
الاهلى مش هيسكت هياخد اكيد الاتنين بس ان شاء الله الزمالك هياخد توقيعهم |
من الكلام واضح انهم زملكاويه والاهلى لم يعد جاذب للاعبين زى الاول وكمان الزمالك مشارك فى دورى ابطال افريقيا ف الاحسن لهم الزمالك طبعا , خاصا حفنى لانه لاعب مهارى وهيفيد الزمالك جدا خبر جميل يا حوده تسلم ايدك يا صاحبى :) |
وربنايوفق الزمالك والاهلى والكورة المصرية شكرا لنقل الخبر تحياتى |
اقتباس:
اممم الاهلي عنده فائض لاعيبه فعلا وفي كل مركز في عدد كبير لكن الحقيقة مستوي الموجود بيقول ان الفريق محتاج تدعيم واللاعبين دول مميزين فعلا وطبيعي انه يكون مهتم بيهم :] الزمالك حاله حال الاهلي عنده ازمه مالية موجوده حاليا لكن النادي كان ادي اللاعبين وعد انه مش هيصرف علي صفقات جديدة الا اما يسدد لهم جزء من مستحقاتهم او يكونو لاعبين فري مستغرب من دخول الزمالك في كل الصفقات دي لكن التقارير بتقول الزمالك اقرب من الاهلي ليهم " سمعناها كتير :d " ف انتظار الرسمي تسلم ايديك للمرور والرد الجميل :) |
اقتباس:
اتمني الزمالك يحصل علي وليام جيبور الحقيقة اما عن حفني ورغم تميزه الكبير لكن سنه يخليني محبذش وجوده تسلمي للمرور والرد |
اقتباس:
جاذب لاي لاعب حاليا لكن الحقيقة بتقول انه المادة هيا الاهم في عالم الاحتراف ببساطة اللي قادر انه يقدم اعلي عرض هيحصل علي اللاعب اكيد والانتمائات مبقتش ليها قيمة حاليا ( علشان كده بفضل ابناء النادي ) بالنسبة لحفني لاعب مميز جدا ولا خلاف عليه لكن في نظري انا مش حابب انه يكون موجود في الزمالك اولا سنه 29 سنه حاليا ومستواه دلوقت مش زي بداياته وقبل التوقف الافضل انه الزمالك يتعاقد مع لاعب زي احمد صبري حرس الحدود مع وجود محمد ابراهيم وعمر جابر ومؤمن زكريا و اوباما هيكون الفريق ممتاز اجمل ما في الزمالك انه عنصر المهارة موجود :] اما عن جيبور فهو صفقه سوبر لاي نادي منهم مهاجم افريقي رائع جدا وكمان سنه صغير وهيفيد كتير بعد سنه او اتنين هيتباع لاوروبا باسعار جامده تسلم للمرور والرد يا ياسر منور القسم بوجودك :] خليك منورنا دايما بقي :105: |
اقتباس:
العفو وتسلم للمرور والرد :] |
جيبور بعيد تماما عن الاهلى والزمالك ايمن حفني عمل كشف طبى فى الاهلى من حوالى 3 اسابيع واتضح ان اللاعب عنده اصابة مزمنة فى الحوض وميقدرش يلعب ماتش كامل والادارة كلمت مدربين دربوا اللاعب يسألوهم وكل المدربين أكدوا صحة الكشف الطبي وان الاعب عنده اصابة مزمنة فعلا تمنعه من اللعب بشكل طويل وبسبب كدة الاهلى صرف النظر عن التعاقد مع اللاعب واخفى المعلومة احترامًا ليه وعشان مستقبله ولكن في اكتر من واحد موثوق فيهم أكدوا المعلومة والخبر هاينتشر الايام الجاية فى المواقع بعد تسريب السبب ،، بعدها حفنى مضي مع الزمالك من يومين وخد مقدم عقد والزمالك مستني يخلص مع ادارة الجيش ملحوظة * الزمالك معملش كشف طبي للاعب ، مرتضي بيتريق وشايف ان الكشف مبيتعملش غير للي داخل كلية حربية ودة عيب كبير جداً لان الكشف الطبى من اهم العوامل اللى تخليك تتعاقد مع اللاعبين او العكس وملحوظة تاني بردوا بما ان الموضوع عن الصفقات ، الاهلى كل تركيزه فى تجديد فتحى وشراء محمود عزت او اسلام جمال ، وحمودى او احمد رفعت وبيخلص مع عبدالله سيسيه مش جيبور فيه اختلافات ع المرتب لو اتحلت يبقى معانا ولو متفقناش اللاعب هيتفق مع الزمالك بس بشرط ياخد مستحقاتـه وفي مفاوضات مع لعيبة تانية كويسين بس الاولوية للى ذكرت اسمهم دلوقت ،، والزمالك مركز مع احمد صبرى وبنسبة كبيرة ممكن يخلص معاه لو تم الاتفاق مع ادارة الحدود |
| الساعة الآن 01:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب