أنا والكهرباء ... بقلمى / حسين حمدى أنا كلى متكهرب واللمبة مطفية ياريتها تتكهرب وأشوف حواليا والمروحة الكدابة عمالة تتمايل تلعب بأعصابى أفرح وأقول هايل الغالية زارتنى! عدت وجابتلى شحنات بتتمايل؟! وأتارينى بتوهم سارح على مسهم ف إلكترون سايل آه بس لو أطولك كنت أخبطك سخان أو حبتين تكييف قوة تلاتة حصان لحد ماتفرفر تركع وتستغفر لسه الجراب مليان فواتيرى مدفوعة والخدمة مقطوعة لو ليكى شوق للتقل خليكى مبلوعة ياكهربا جاحدة هوه أحنا ظالمينك؟! سايبانا للوحدة يحرق سكاكينك |
ههههههههههههه روووعه بجد ما شاء الله عليك عبرت عن مشكله بيعانى منها الشعب كله بطريقه ادبيه حلمنتيشى رائعه تسلم والله تقيمى |
هههههههههههههه حلوة اوى أصلا الحمدلله انك لاقيتكهربا عشان تكتب الكلمتين دول هيقطعوها عليك دلوقت :) :) قصيدة هزلية مميزة بجد أحييك .. |
جميلة والله عجبتني الحق اكتب رد قبل ما الكهربا تعملها فيا ^ـــــــــــــ^ |
ههههه لاهو تقل الكهربا شايفه نفسها علينا كلمات جميله وعودة مميزة تسلم استاذ حمدى |
لازم نتفاعل بمايدور حولنا وخاصة لماتكون مشكلة يعانى منها المجتمع شكرا لك اخى حمدى خاطرة ومضمون قيم تحياتى |
ههههههههههه جميلة اوووي عبرت عن الواقع اللي بنعيشه بطريقة فكاهية وربنا يستر بقا ومش تقطع علينا حالا ^_^ تسلم ايدك دام قلمك الراقي |
بسم الله الرحمن الرحيم دى كهربا عَميه وعيونها مش شيفه فى وزاره متزوره على شان كده طافيه فواتير ضغطها عالى وسننها بتلالى هتعض ال متأخر أوتشِ ده ولا وتبالى فين بتاع الكفته يديهم صابعين يمكن يحنوا علينا ويرفعوا السكاكين شفنا مصر معاهم الناس المتأسلمين تجار الدين قطيعه ال كانوا طفيين طيب قولولى إنتوا يا ناس إنقلابيين لما الكهربا تقطع وإخوتى سهرانين على الكتب لِيلاتى أصل اللجان شَدين بس إكتموا هس.شفنا مصر خلاص تفوضكم جبنا لِورا وأصبها بالإفلاس ربنا يحميها من عبث العابثين ويحقن دمها من القتلة الخائنين وصلت الفكره بطريقه خفيفه وجميله دمت بخير السفيره |
اقتباس:
تحياتى على المجاملة الرائعة |
اقتباس:
تمت الكتابة والنشر بالموبايل وكذلك الرد الآن سلمت وسلم مرورك العطر |
الساعة الآن 10:41 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب