منتديات بنات مصر - يا قلبي وده

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - يا قلبي وده (https://forums.banatmasr.net/msryat470005/)

يا قلبي وده

http://forums.banatmisr.com/imgcache...815alsh3er.jpg

مش عارفه ماله
وايه جراله
وخاصمني ليه
تملي خايف
سرحان دا ليه
اكمني يعني
تقلان عليه
يوجعلي قلبي
يشغلني ليه
وحياته لابعد
وهسيب عنيه
والحق عنده
والعيب عليه
دا الحب دنيا
والعشق غنوه
والعند يقتل
ونهون عليه
اقوله مالك
يقولي هانت
وافهمها ايه
يا قلبي روحله
اشرحله قوله
يجرحنا ليه
لو حبه فاتنا
وقلبه باعنا
طب ما احنا برضو
غاليين عليه
جوانا عايش
وروحنا فيه
وان مرة هونا
او صدفه روحنا
منين هتيجي الفرحه
الا بيه
ويا قلبي وه
اوام وروحله
متفوتش حضنه
وتعيب عليه

ويا قلبي وده
وفي عيني حطه
احميه وزفه
واوعنا دايما
خايف عليه :116:

بقلمي / سيدة مصر الاولي

الله عليكى وعلى احساسك كلمات فى منتهى الجمال
تسلمى سما

اقتباس:

المشاركة الأصلية كتبت بواسطة دمعه حائره (Post 4460035)

الله عليكى وعلى احساسك كلمات فى منتهى الجمال
تسلمى سما

متحرمش من مرورك الرائع غاليتي
احترامي

جميلة جدا الكلمات يا سما

والاحساس اجمل

وربنا ما يجيب زعل بينك وبين أي حد

بتمنالك السعادة دايما يا سما

احترامي وتقديري