منتديات بنات مصر - (قصة مواطن اسمه سياحة )

بسم الله الرحمن الرحيم

السلام عليكم ورحمة الله وبركاته

طبعا الواحد مش عارف يقول ايه

بناءا على طلب الجماهير

وعشان هما رجعوا فزورة فى رباعية

لازم اطلع بمظهر مختلف

وقلت انزل موضوع فى العامية فكرت وقررت

وانا متاكد انى مش بعرف أكتب

فقولت نمسى عليكم بحاجه حلوه

(قصة مواطن اسمه سياحة )

ونبدا يمكن الموضوع طويل بس عذرا انا الى كاتب ولازم ادخل كل حاجه فيه

ونقول

من صغرى الكل بيلعب بيه ويدلع فيه ،

لما كبرت رحت المدرسه والكل كان بيشكر فيه ،

رحت الجامعه وبقه ليا أصحاب زى كل الدنيا ،

خلصت الجامعه ورحت الجيش وشفت ناس من كل الدنيا ،

خلصت الجيش وقلت أسافر زى أى مواطن فى الدنيا ،

أبويا رفض وقال ليه بلدك مسئولة منك ،

استنيت وظيفة لكن الكل كان بيقول حال البلد واقف واستنى شوية ،

قلت استنى لكن من كتر النوم الواحد فكر وقال اعتمد على نفسى شوية ،

فكرت وخلص التفكير وقلت أفتح مشروع زى اى شاب فى العالم كله ،

فتحت مشروع وشفت ناس واتعملت مع ناس ودى حال الدنيا ،

شوفت أشكال وبشوف أشكال من كل الدنيا ،

من الصغير للكبير ومن الكبير للصغير ودى حال الدنيا ،

راضى بمكسب كتبه ليه ربى وبدعى ربى يرزقنى زى كل الدنيا ،

شوفت بنات وحريم والكل نصحنى بسوء معاملتهم والبعد عنهم ،

رديت عليهم وقلت ربنا هيعينى واكون قد المسئولية ،

قالوا معاملة الحريم وحش وأسأل أى حد فى الدنيا ،

قلت نحن لها ونجرب ونشوف أحسن من القاعدة دى ،

شوفت حريم الطيبة من قلبهم تتمنى تشوف العالم زيها ،

وشوفت حريم اعوذ بالله من معاملتها واقول يارب مايورينى تانى شكلها ،

شوفت حريم تقول لازم افاصل ودى طبعى وعمره ما هيتغير فيه ،

حتى لو شفت الحاجه بتتباع بعشرة وعندك بسبعة ،

الفصال من طبعى ودى حاجه زرعها فيه ربى ،

وشوفت حريم بتقول عليه سياحه ورغم ذلك أسعارى مرتاحه ،

علبة الدبابيس بتشتريها من بره بجنية ونصف وعندى بجنية الى ربع وبتقول عليه سياحه ،

شوفت حريم بتشكر فيه ويقولوا على اسعارى مرتاحة ،

وشوفت حريم عاوزه عود كبريت ويتولع فيها ودى حال الدنيا ،

شوفت حريم وقت الحساب تقول سبعين يعطونى ثلاثين وتقول مرضى يابنى ،

هقول لها مرضى ازاى وانتى خصمتى اكتر من حقك ،

تقول لازم أفاصل حتى لو أسعارك مرتاحه ،

ارد عليها وأقول شرفتينا وفلوسك معاكى وبضعتى معايه ،

ليه يادنيا بتلعبى بينا وأقول ده كان حالى ،

ماشى فى حالى وأقول يارب ارزقنى زى كل مواطن ماشى فى حاله