بسم الله الرحمن الرحيم

السلام عليكم ورحمة الله وبركاته

طبعا بعد عدم نجاح موضوعى

http://forums.banatmisr.com/msryat470197/

ده وشوقا لعدم ظهور اسمى فى المنتدى من فوق

قلت انزل موضوع كمان يمكن يظهر تانى

اصل اا بفرح بوجود اسمى فوق فى المنتدى

ملحوظه :

مش بعرف اكتب وبلخبط بالصدفه وعن طريق الخطأ


يلا نتوكل على الله ونبدأ

عايش حياتى زى أى مواطن فى العالم ،

كبرت وقلت الواحد يشوف شريكة حياته زى أى حد فى العالم ،

دورت كتير ويوقع نظرى على بنات كتير ونكلم عليها ويكون الرد كالاتى ،

الحلوة فى رابعه ولسه هتكمل تعليمها ،

تعليم ايه ياعم الحاج يرد ويقول الحلوه نفسها تحضر دكتوراه ،

اترشح ليه كتير ودخلت بيوت كتير ،

ومع واحدة أعجبت بيها اتفتح ليه محضر والى كان كان ،

أبوها ساعة ونصف يسأل وانا المطلوب منى أجاوب وهو ده كان الحال ،

سأل بتشتغل وعندك عربية ولا جاى تتقدم وخلاص ،

قلت له فاتح محل وده طبعا حال أغلب الشباب ،

قال وانا اجوزك بنتى وانا أطمن منين تكون مرتاحه معاك ،

سأل وقال بيتكم عرضه كام ومساحة أرضكم كمان ،

قلت أنا جاى اتجوز ولا أعيش معاها فى حرام ،

قال مش أطمن على بنتى وده الكلام فى أغلب الاحيان ،

عرفت أن أغلب الناس بيدوروا على الأموال ،

ونسوا كلام رسولهم الى قال ( إذا جاءكم من ترضون دينه فزوجه ) ،


ليه واحد صاحبى كان بيحب وده أغلب الأوضاع ،

قرر يخطبها وهنا ظهر أفظع الأشياء ،

قالوا له عاوزين بنتنا تعيش فى المدينه وده ابسط الطلبات ،

بعد ماعمل العريس شقته فى الريف وخلاص مش فاضل غير العروسه ،

صاحبنا قال وماله ما ده حال الزواج ،

وافق على طول وقال هى دى بنت الحلال ،

هتسعدنى وتنور بيتى بالاولاد ،

هنا اشترطوا عليه ان عفش البيت لازم يتغير كمان ،

يا دى المصيبة الى ما كانت فى الحسبان ،

صاحبنا وافق لأنه شارى العروسه وده كان الحال ،

يالى بتسألنى ليه مش ناوى تتجوز ،

بقول ملعون أم الزواج فى زمن الكل فيه بيدور على الأموال ،

قلت أكون نفسى وأعيش مرتاح زى أغلب الشباب ،

الكل بيجرى ورايا ويقول لازم تتجوز قبل ماتكبر ويسلام ،

عرفتوا ليه لغيت فكرة الجواز ،

وده طبعا حكايتى وحكاية أغلب الشباب


يارب تعجبكم