|
الزمالك ينجو من فخ الهلال السودانى ويفوز 2-1
|
زي ما كنت متوقع تضخيم للهلال من مشجعيه علي غير ارض الواقع فريق عادي جدا واقل من عادي ومهواش خصم صعب ابدا بل انه لعبه عشوائي ومن غير خطه واضحة دفاع الزمالك والاخطاء المستمرة صعب المباراه علي الفريق بهدف غريب ! مكتوب علينا يتحرق دمنا كل ماتش :] اما الهجوم فكذلك حرق الدم بكور غريبة برضوة ضاعت زي كورة حازم ,, فوز مستحق جدا وكان هيكون غير عادل التعادل ولو انه كان في اوقات كان ممكن بسهولة الفوز يتعكس ويكون للهلال برضوة بالاخطاء !! الحمد لله علي الفوز وربنا سترها من عنده ليا رد تاني بقي في الفنيات ومستوي اللاعيبه :] |
علي الجانب الفني بقي ,, ميدو بدأ اللقاء ب4 4 2 بانسايد رايت مؤمن زكريا وانسايت ليفت محمد ابراهيم , تغيير كبير عن المعتاد من الزمالك بثلاثي تحت رأس حربة وحيد في اغلب المباريات بمؤمن في خط النص ومصطفي فتحي او عمر جابر في الملعب ,, ميدو عرف كويس انه لا يمكن التعامل مع الهلال السوداني ودفاعاته بمهاجم صريح وانه الافضل وجود لاعبيه متحركه يقدرو بتحركهم وسراعتهم يربكو الدفاعات ودا كان السبب في الدفع بدومينك دا سيلفا واوباما من الاساس علي غير العادة ,, الكلام دا لحسن الحظ جاب النتيجة المرجوة في بداية المباراه وبالتحديد في الدقيقة 6 , وعلي غير المتوقع نظرا لطول قامة الهلاللين من كورة عرضية ورأسية متقنعه ,, بعد الهدف استمرت سيطرة الزمالك وسنحت قدامه فرص كتيرة وكرات مهمه عاب عليها الفردية احيان والتسرع احيان اخري علي الجانب التاني اسلوب لعب الهلال كان اسلوب تقليدي وعشوائي دفاعي لا اكثر كان الاعتماد هو علي انه الفريق يقف ورا في الدفاع ويلعب علي الكور الطويلة والمساحات اللي هتكون في دفاع الزمالك واستغلال بطئ لاعبي الدفاع ياسر ابراهيم ومحمود فتح الله ,, بلوم علي ميدو اعتماده علي الدفاع المتقدم في ظل انعدام السرعه في المدافعين بتوعنا , دفاع متقدم محتاج مدافع يمتاز بالسرعه واحنا معندناش ومحتاج حارس مرمي يقوم بدور الليبرو ويتقدم وانا مش قادر اديك ! كان المفروض يتراجع خط الدفاع شوية والتزام اكثر من نور السيد في الدفاع , نفس النقطة دي تقريبا لعب عليها كل الفرق اللي لاعبت الزمالك في الفتره الاخيره وتم استغلالها في هجمة ولا اثنين خطيرتين بعد تقدم الزمالك ,, في ظل ما الزمالك افضل واخطر وكان في طريقة لانه يجيب الهدف وعلي عكس سير المباراه وكالمعتاد اللي اتعودنا عليه في اللي فات كله ! خطأ غريب وعجيب من ياسر اللي اتوسمنا فيه نجم دفاع كبير :( بيدي الهلال جون مهواش مستحق ابدا ومعتاد كذلك ! بعد الجون الزمالك حاول برضوة لكن مكنش في الخطورة الكاملة لحد اما انتهي الشوط الاول ,, بعد دقائق من الشوط الثاني ميدو عمل تغيير لاعب بخطة كاملة طلع اوباما ونزل حازم امام وورجع للخطة المعتادة 4 2 3 1 باللعب علي الاجنحة بمحمد ابراهيم علي الشمال و حازم امام علي الليمين ولاعب في مركز 10 مؤمن زكريا كان في نظري الاولي انه يعمل نفس التغييره اللي في الملعب دي بفرق واحد بس وهو انه اللاعب اللي يخرج هو دومنيك دا سيلفا مش يوسف اوباما دومنيك قدم شوط اول مميز لكن دا اللي عنده الحقيقة مش هنتوقع منه حاجة تانية بعد التغيير دا وفي ظل عدم تغيير حاجة في الاداء عمل تغيير تاني وخرج دومنيك دا سيلفا ونزل احمد جعفر ودا كان متوقع ومظبوط من ميدو بحيث جعفر يكون محطه يستلم ويسلم لزملائه في المنطقة الامامية من الملعب بعدها كذلك ميدو قام بتغيير ثالث واخير وخرج نور السيد ودفع باحمد جعفر مهاجم بدال لاعب وسط مدافع وبتتحول الخطة ل 4 4 2 فلات باثنين رؤوس حربة صرحاء ومؤمن نزل نص الملعب بجوار احمد توفيق الفريق اخد افضلية هجومية وكان اخطر علي المرمي فعلا وضاع منه كورة غريبة بتصرف غريب من حازم امام قصاد جون شبه فاضي ! انا فكرت في اللحظه دي انه ممكن الفريق يندم علي اللحظه السيئة دي ! وكان هيندم فعلا لما مدينه خرج بانفراد صريح مع عبدالواحد السيد لكنها ضاعت والحمد لله الانفراد دا غلط من البداية بنور السيد اللي مش عارف يطلع ياخد الكورة وبيجلي ! نور دا الحقيقة انا بعتبره النكبه العظمي في الفريق اكثر من نكبه اخطاء الدفاع الفردية او اخطاء عبدالواحد في المباريات اللي فاتت !! لانه نور لا بيقطع الكورة ولا بيضغط ويضيق المساحات علي حاملها ,, مجرد متفرج زيه زينا لا اكثر سوي انه بيتفرج من الملعب -_- فبيدي اللاعب المنافس القدرة علي النظر والتفكير واللعب بكل اريحية :102: لكن الحمد لله وفي كورة رادة من كورنر زي كور كتير وبمهاره فردية وقدرة تهديفية المفروض مش موجوده في عبدالشافي ! قدام فاصل جميل من الاستلام والسند والتسديد باليمين الي هيا مش رجله اصلا علشان يريح قلوبنا احنا ويرفع عننا الضغط اللي كان طول المباراه ! بعد الهدف مفيش امور كتيرة تذكر من رد فعل الفريق السوداني العشوائي لانه مكنش قادر انه يحقق خطورة علي مرمي الزمالك في المقابل الزمالك قدم كذا هجمة خطرة وكان قريب من انه يجيب الزمالك لو تبأطا احيانا ورعونه احيان اخري كذلك زي كورة محمد ابراهيم اللي تهيأت قدامه علي نقطة ال18 لكنه سددها ساهله وفي ايد الجون بدال ما يركن بسهولة في زاويا من الزوايا ! كانت هتكون نكبة بكل المقاييس لو الزمالك خسر المباراه دي علي ارضة لكن الحمد لله حقق الفوز المنافس فريق عادي جدا ولا يستحق اي شيئ من المباراه اتنفخ من جمهورة وظن انه فريق عملاق لكنه ف الحقيقة فريق عادي جدا وغير منظم وغير جيد من الاساس ! الزمالك لم يقدم ماتش جيد والمستوي يخوف الحقيقة علي الجانب الهجومي الفريق كويس وبيعرف يقدم هجمات خطيرة لكن الدفاع هو عباره عن كارثة اكبر من تسونامي ! لو استمر الفريق علي نفس النهج دا لا يمكن يقدر يحقق بطولة ,, الدفاع الدفاع الدفاع ارجوك يا ميدو الدفاع ,, انا مقتنع تمام الاقتناع انه ميدو هبكون مدرب خرافي وانه البطولات هتتحق علي ايديه باذن الله وتعاملاته مع اغلب المباريات ممتازه بالاخص التعامل في التغييرات داخل المباراه , لكن نظره في الدفاع من جديد وايه الافشخنات الجديدة اللي بيخترعوها دي ! انا مشوفتش طرق الدفاع بتاعتنا عند حد تاني ابدا ! بكرر من جديد في نظري نور السيد هو كل الازمه في الزمالك لانه لا يقوم باي شيئ ,, في خطة الزمالك دي دور الوسط المدافع مهم جدا جدا , بينما نور السيد بيلعب مع الخصم حلق حوش مش كورة قدم !! انا عارف اننا معندناش غيره حاليا يلعب في المكان دا بس اقرصوه قرصة ودن ولا اضربوه بالنار :d اوعي يا ميدو المباراه اللي جايا نشوف حاجة غريبة منك احنا مش مستحملين والله ,, احترم الخصم واحترم فريقك والعب لعبك الهجومي هو هو كمرتده مع تحفظ دفاعي اكثر من خلال التزام من نص الملعب علي الشغل الدفاعي ,, يبدأ محمد ابراهيم اساسي اكيد ومفيش اي لاعب في الزمالك عنده اي حل غيره مع وجود مؤمن متاخر بجوار نور السيد و احمد توفيق اللي مش عايزهم يعدو نص الملعب ! اوباما وسرعاته هيفيد كتير اما نلعب اما فريق بيهاجمك بشراسه وبيدور علي مكسب جعفر وعلي نو دومنيك مايبي يس مايبي نو :d باذن الله هنحقق حاجة مازمبي مهواش مازمبي بتاع زمان :] |
شكرا للمعلومات والاخبارالرياضية يدوم التميز مودتى |
مـعلومات رائعة منك توحد وتسلمي عـ الخبر ومبروك لفوز الزمالك |
| الساعة الآن 11:18 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب