منتديات بنات مصر

منتديات بنات مصر (https://forums.banatmasr.net/)
-   كوره القدم المحلـيه والـعربـبيه (https://forums.banatmasr.net/f10/)
-   -   الجهات الأمنية تضع شرطاً وحيداً لحضور الجماهير الدورة الرباعية (https://forums.banatmasr.net/msryat472691/)

M@HMOUD 06-05-2014 08:27 PM

الجهات الأمنية تضع شرطاً وحيداً لحضور الجماهير الدورة الرباعية
 
وضعت الجهات الامنية شرطاً وحيداً على حضور الجماهير الدورة الرباعية التي تحدد بطل الدوري العام للموسم الجاري .

و نقلت الجهات الامنية شرطها للمستشار مرتضى منصور رئيس لجنة الاندية و هو بمثابة توقيع الجماهير على إستمارات أمنية ببياناتها قبل دخول المدرج لتشجيع فرقها .

و أشار مرتضى إلى أن الجماهير التي ستقوم بأى أعمال شغب سيتم معاقبة فريقها .


აα∂ Ԑγεა 06-06-2014 01:24 PM

بالظبط ,,
بلاش مبدأ السيئة تعم !
كل مرة نتعاقب ونلعب في مدرجات فاضية ومش بسبب جمهورنا ,,
اخطاء الاخرين بنتحملها وفي اوقات صعبه ومهمه جدا !
ان شاء الله ترجع الجماهير للملاعب لاننا في اشد الحاجة ليها ,,
بالاخص في مباريات افريقيا القادمة

تسلم ايديك للطرح والمجهود ومنور القسم يا محمود :]


DESERT 06-07-2014 01:05 PM

ايوة اللى هو ازاى ؟؟ الجمهور كلة هيوقع توقيع واحد
ولا كل واحد لوحدة .
الموضوع مش محتاج ورق هما يعنى لو وقعوا كدة دليل اتهام !!
ولا لة لزمة الكلام الفاضى دة توقيع او مش توقيع مش يعمل حاجة
المفروض يتحط ضوابط الجمهور يدخل طبعا فى الاول مش اعداد كبيرة
عقبال ما الدنيا تتظبط واللى جمهورة هيشاغب حرمان من الحضور
مع خصم نقاط ولو اتكرر اللعب خارج الارض الموسم القادم
لكن طول ما الدنيا عك ومافيش اساسا قانون يبقى لا توقيع ولا اى حاجة غير العقوبات القاسية

აα∂ Ԑγεა 06-07-2014 01:47 PM

القصد اكيد يا احمد قيادات الالتراس نفسها هيا اللي تتعهد
بحيث في حال وقع اي مشكلة يتحملوا المسئولية ,
مش معقول 40 الف واحد داخلين يشجعوا كل واحد هيمضي استمارة !
لالا مستحيلة دي اصلا

وبعدين احنا مش زي كل العالم ولا كنا في يوم زيه
مش عندنا لا التقدم ولا التكنولوجيا ولا نوعيه الجماهير اللي برا
فصعب اننا نتعامل بالطريقة دي ؟!

برا هتلاقي الكرسي جمب الملعب ومحدش بيدخل الملعب
عندنا هتلاقي 100 سور وبرضوة عايزين ينطوهم ويدخلوا جوا :]


عاشق متيم 06-07-2014 01:57 PM

لازم يكون عندنا قانون شغب الملاعب
بره كل مشجع بيبقى عارف العقوبه قبل ما يدخل الملعب
وبيبقى فيه تفتيش حتى غطيان زجاجات الماء بيتم اخذها
لان الزجاجه فاضيه لو اترمت مش هتبقى مثل الزجاجه المليانه
فى المسافه ؛ والعامرى فاروق سافر انجلترا علشان يشوف التجربه
وبرضه معملش حاجة وقعد فى الوزاره 11 شهر وبعده طاهر ابوزيد
وايضا خالد عبدالعزيز ...
المشكله اننا عمالين نأجل قضيه الهوليجنز ولا نضع حلول
وستستمر المعاناه ان لم يكن هناك اجراءات صارمه
====================
بخصوص الاستمارات
وانت رايح تشترى تذكره المباراه
هتكتب بياناتك فى استماره كأسمك ورقم بطاقتك وعنوانك ومهنتك
وغيرها بحيث ان لو حدث شغب النيابه تستدعى جمهور الدرجه الثالثه
او الثانيه او ما يترآى لها بس انا شايف ان ده مش حل
لازم يكون فى اشهار لروابط الانديه لكى يتم محاسبتهم
لكن رؤساء الانديه بيخافوا منهم للاسف وبيستخدموهم فى بعض الاوقات
لمهاجمه الخصوم

العاشق الذى لم يتب 06-15-2014 06:28 PM

يدوم النشاط والتميز
وشكرا
للمعلومات ونقل المفيد
تحياتى وودى


الساعة الآن 02:01 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w