الأهلى يشكو الشرطة لوزير الداخلية بسبب صفقات "قمر ومعروف ودويدار"
 

http://forums.banatmisr.com/imgcache...008alsh3er.jpg


قرر مجلس إدارة النادى الأهلى برئاسة المهندس محمود طاهر، تقديم شكوى رسمية للواء محمد إبراهيم وزير الداخلية، ضد إدارة نادى اتحاد الشرطة، بعد رفضه عرض الأهلى لشراء ثلاثى الفريق خالد قمر ومعروف يوسف وأحمد دويدار، على الرغم من تقديم الإدارة الحمراء عرضا رسميا لشرائهم مقابل 6 ملايين جنيه، وحولت الصفقة إلى نادى الزمالك مقابل 4 ملايين جنيه فقط.

كان مسئولو الأهلى قد اتفقوا مع إدارة الشرطة على ضم الثلاثى مقابل 6 ملايين جنيه فى وقت سابق، وبناء عليه قام علاء عبد الصادق المشرف على الكرة بالأهلى بالتفاوض مع اللاعبين وتوقيعهم على عقود انتقال لقلعة الجزيرة، وتوقيعهم على رغبات مكتوبة باللعب للأحمر، على أن تتم الصفقة بعد الانتهاء من مباراة الفريق بالأمس أمام الزمالك فى ختام الدورى.

وفوجئ الأهلى اليوم، بعدما طلب تنفيذ الاتفاق المبرم مع إدارة الشرطة بأن مجلس إدارة النادى حول الصفقة إلى الزمالك، رغم أن عرضه ينقص مليونى جنيه عن عرض الأهلى.

قال مصدر بالأهلى، إن هناك حالة استياء كبيرة داخل القلعة الحمراء من إدارة مؤسسة بحجم الشرطة تسبب فى حالة احتقان بين جماهير الأهلى والزمالك، وهو ما يؤكد دعمها الكامل للزمالك ورفض بيع اللاعبين للأهلى رغم أنه عرض الأكبر.

تابع المصدر أن الأهلى لجأ إلى تقديم شكوى لوزير الداخلية بعدما فوجئوا بتحويل الصفقة للفريق الأبيض،
كون إدارة الشرطة مؤسسة حكومية، ويعد هذا إهدارا للمال العام بسبب بيع اللاعبين للزمالك مقابل 4 ملايين جنيه فقط، رغم أن عرض الأهلى 6 ملايين جنيه.

محمد ابراهيم اساسا من ضمن الاسباب ان لعيبة الشرطة تروح للزمالك رغم ان عرض الاهلى اكبر من عرض الزمالك بفرق شاسع !

زى مانا كتبت هنا قبل كدة من حوالى شهر تقريباً ، قلت ان اندية الجيش والشرطة مش هاتبيع للاهلى وفيه تعنت ضد الاهلى بسبب عدم تعاون الاهلى معاهم فى الموافقة على الغاء الهبوط ، وبنفس الوقت كان فيه ضغوط على محمود طاهر رئيس الاهلى انه يطلع يهاجم التراس اهلاوى ويقول انا ضد الالتراس زى مامرتضي منصور عمل ولكن محمود طاهر رفض وساند الالتراس وقلت بسبب الموقف دة لعيبة الشرطة اولوليتها للزمالك ومحمود المشرف مكنش مصدق كلامي ، بس اظن بعد فرق السعر الواضح ان عرض الاهلى 6 مليون والزمالك 4 مليون دة ورفض عرض الشرطة للاهلى بيوضح قد اية ان كلامى كان صح لما قلت هنا من شهر مفيش تعاون مع الاهلى واولويتهم للزمالك بسبب رفض طاهر الهجوم على الالتراس عكس مرتضي منصور .. وعلى فكرة دى معلومات كنت واثق ومتأكد منها والا مكنتش كتبتها اساسا

اما فنياً فانا متضايق من ادارة الاهلى ، رايحين للعيبة اللى كانت هاتيجى لدعم الدكة فقط لإن عندنا الافضل منهم فى اماكنهم ، وسايبين لعيبة تانية احنا هانحتاجهم بشكل اساسى بالفريق زى باسم على لإن مفيش باك يمين مع محمد فاروق او محمد رزق لإن مفيش اجنحة وصناع لعب بعد غياب عبدالله الا لو المدرب اعتمد على رمضان صبحي ووردة ودة صعب تقريبا ، دول اهم مركزين محتاجينهم باك يمين وجناح او صانع لعب ، ومن بعدهم مدافع ( مدافع تقيل زى محمود عزت ) مش دويدار اللى مبقاش نافع من ساعت مابطل يلعب ليبرو وبقى مساك ، مع وسط ملعب افريقي مميز واتمني يكون واحد زى يحي محمد بس للاسف الادارات فى مصر بتمشي ورا الافارقة اللى لعبوا هنا ومفيش حد عاوز يتعب ويدور فى باقى بلاد افريقيا اللى فيها كنوز وبارخص الاسعار ... والأهم من كل دة المدرب لازم اجنبى ومميز مش نكمل بفتحى مبروك

تسلم على نقل الخبر والمتابعة