دعواتكم.....! ×_× السلام عليكم ورحمه الله و بركاته انا فتاة في التاسعة من عمري و وحصلت ظروف قاسية جدا في عائلتي منذ ولدت و حتى هذه اللحظة لتي اكتب فيها الان وكانت هذه المشكلات سببها ابي وهي انه عصبي جدا جدا وبيمد يده على امي ويشتم شتائم قذرة صراحة اما امي كانت تردله واخذتني عند جدتي مرات كثيرة و كان هذا سبباً في تأخير بدء دراستي لمدة 3 اسابيع كل سنة دراسية! لدرجة انه من مدة شهرين 2 ! بابا تعدى حدوده و عدى حدود حدود حدوده لدرجة ان ماما سافرت بيا لمرسى مطروح بدون علم ابي وذهبنا لى فندقين و بعدين سافرنا بالسوبر جيت مرة اخرى الى الاسكندرية بلد امي اجرنا شقة لمدة 11 يوم زائد شهر رمضان الاسعار غليت جدا اجرنا شقة ثانية ب6 آلاف جنيه في الشهر وتسألون منن جابت امي كل هذه الاموال لقد مات جدي قبل زواج امي ب10 سنوات و هو ميت الى الان هكذا لمدة 22 سنة وقد ورثه اخوالي و امي و جدتي وقد ورثه عنه اموالا كثيرة نرجع الى القصة........ امي قد خافت على النقود لأنه قد بق في البنك 20 الفاً قد تكفيني انا و امي لمدة 5 اشهر او اقل او اكثر و منذ يومين كلم ابي خالي و قال له انه سيرفع قضية لأخذي خالي اخبر امي بهذا اليوم قبل الافطار بدقائق معدودة بكيت امي و هي تحضر الافطار لم ترد ان تخبرني الا بعد الافطار بالطبع بكيت عندما اخبرتني اريد اخباركم لماذا كتبت هذا الموضوع قبل هذا...! الجميع يسأل هل وافقت امي ان اضع هذا الموضوع؟؟؟ اجل , بالطبع! حسناً لنعد كتبت هذا الموضوع لانيي ارريدكم ان تدععولي اللهم اجعلني نصيب امي اللهم اجعلني نصيب امي اللهم اجعلني نصيب امي اللهم اجعلني نصيب امي اللهم اني اسألك بعدد الناس و ذرات الرمال بعدد الحركات و السكون بعدد الحيوانات الحيون منها و الميتون ان تجعلني نصيب امي لا تنسوني ليلة القدر لا تنسوني في الصلاة لا تنسوني من دعواتكم-_- |
لا حول ولا قوة الا بالله بصى حبيبتى البلد فيها قانون , ومينفعش ياخدك منها الا فى حالة انها لو اتجوزت دى فيها كلام تانى , وبعدين انتى بنت يا قمرتى ومامتك تعتبر حاضنة دا غير انك لو تميتى ال 18 المحكمة هتسألك عاوزة تعيشى مع مين وانتى طبعا هتقولى ماما ♥ ربنا يفك كربك يارب ويهدى الامور عندك وتفضلى جنبها ومتبعديش عنها ابدا ♥ |
بصي يا قلبي ان شاء الله الامور متوصلش لكدة وربنا يهدي ويصلح الحال وبابا وماما يرجعوا لبعض تاني وتفضلي معاهم الاتنين وبعدين دا مهما كان باباكي ربنا يخليه ليكي حتي لو حصل وماما فضلت بعيد روحيله واتكلمي معاه وهو عمره ما هيعمل اللي يأذيكي ربنا يصلحلك الحال |
ي حبيبتى انتى دلوقتى بالقانون هتبقى مع والدتك وربنا يعينك ويهون عليكى |
لا اله ال االله بصى ياقر فعلا البلد فيها قانون زى ما قالت دودز ومش هيقدر يخدك طول ما انتى فى السن دا ويوم ما تمى 18 انتى الا هيبقى من حقك تختارى ربنا معاكى يارب ويفرح قلبك |
والله يا حبيبتى موضوعك خلانى كنت هبكى بصى ربنا يصلح الحال بين والدك ووالدتك ويرجعوا لبعض ويهدى باباكى لان مينفعش انك تعيشى بعيد عن حد فيهم لازم تتربى بين الاتنين ربنا يهديه ويصلح ما بنكم ومايكون فى فراق لا بينك وبين والدتك او بينك وبينك والدك |
برغم عمرك الصغير الا أنك عندك عقل كبير وبيستوعب المواقف دى طيب والدتك أيه ألى سكتها على الأسائة دى وفين أهل ماما ولا أهل ماما يحطو حد للخلاف دة ؟ ووالدك يعرف حدودة ومسئولياتة أتجاة أسرتة ؛ وأن دى زوجة أمانة أئتمنة عليها أهلها يوم ما راحت بيتة وأنتم أبنائة والدتك فى ظل المصاريف الكبيرة دى كدة الوضع حيكون أصعب وهروبها معاكى مش حيحل المشكلة لا حيزودها أكتر على والدتك اللجوء لاخوتها ووضع حل مع والدك أم العيش بالمعروف أو التفارق بالمعروف على شانك وعلى شانها ومستقبلك ربنا يهدى ويوفقك ويوفق والدتك |
ان شاء الله تعيشي مع ابوك وامك ويا رب يهدي ابوك للخير اقرائي سورة البقرة كل يوم مره ثم ادعي الله ان يصلح الحال بين ابوك وامك وباذن الله ورحمته خلال اسبوع او شهر يعود ابوكي لامك سورة البقرة هي اعظم سورة في القراءن وقراءتها بركه وخير |
لا حول ولا قوة الا بالله طيب انت ايه ذمبك في الا بيحصل وانت لسا عندك 9 سنين الا كاتبوا ربنا هيحصل ويارب خير |
ربنا يهديه ويصلح أموركم ولو الأمور مش اتصلحت فبكل الأحوال لازم أهل والدتك يتدخلوا على الأقل يضمنوا حقك وحق والدتك .. ربنا يصلح أحوالكم .. |
الساعة الآن 09:30 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب