منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   مجرد فضفضه ... ! (https://forums.banatmasr.net/msryat477883/)

رآقيہ بأخلاقـى 07-13-2014 05:11 PM

مجرد فضفضه ... !
 
http://banatmisr.com/up3/uploads/1405262538561.gif

السلام عليكم ورحمة الله وبركاته

انا اول مرة اشارك بموضوع فى القسم هنا

لان انا بصراحة كتومة حابتين

مش بالساهل انى اعرف افضفض او اقول على حاجة مزعلانى

بس اللى خلانى اجى النهاردة هنا

واقرر انى افضفض او اقول على حاجة جوايا

هى ان فى اتنين من اصدقائى اللى هنا ويعتبر ان هما اقرب اتنين ليا

زعلانين منى او بلاش زعلانين لانى بجد مش فاكرة انى عملت
حاجة زعلتهم

بس هما متغيرين معايا بشكل كبير وواضح

وسالتهم عن سبب تغيرهم ولا بلاقى اى رد

مش عارفه انا ممكن اكون عملت حاجة من غير ما اقصد زعلتهم

ولا هما اتغيروا معايا فجأة ليه انا مش عارفة

انا مش هذكر اساميهم بس اكيد لو دخلوا التوبيك هيعرفوا نفسهم

جايز يكون هما اتغيروا لاسباب تانى جواهم مش منى

يعنى كل واحد بيجى عليه فترة لو فشل فى حب او عندة مشاكل فى
حياته بيتغير

نوعاً ما بس لو الموضوع كدة بقولهم ان اصحابكم مالهمش ذنب

فى اى مشاكل او خلافات بينكم وبين حد تانى بالعكس

بيقولوا الصديق بيظهر وقت الضيق لو كان عندهم مشاكل

انا كان ممكن اسمع لهم واحاول اهون عليهم

لو مش هقدر اساعدهم فيها

انما يتغيروا 180 درجة من غير سبب


اعتقد دى حاجة مش حلوة بين الاصدقاء

انا دلوقتى عايزة اقولهم لو فى حاجة انا عملتها من غير قصد زعلتكم

قولولى عليها علشان اقدر ادافع عن نفسى لو مش غلطانه

او اعتذر لو كنت غلطانه وياريت تفكروا كويس

لو انتوا مكنتوش تهمونى مكنتش هزعل على التغير اللى حصل منكم

لكن علشان انا بعزكم وبحترمكم قولت لازم اسأل واعرف السبب

اللى ورا التغير ده ايه !!

مش بالساهل اننا نلاقى اصدقاء نحبهم ويحبونا بدون اى مقابل :)

احنا اصبحنا فى زمن المصالح

وانا مش بحب اصاحب حد علشان مصلحة متعودتش على كدة

طول عمرى بدور على الصداقة الحميمه

ولا كنت بلاقيها :)









phalsteen 07-13-2014 05:41 PM

تغيير صحابك مش معناه انك انتي اللي غلط يا نور
ما ممكن ظروفهم مش مساعده للسؤال
او مستنيين منك انتي تسألي
وبعدين تمسكك بيهم حاجة جميله اوي
بتبين طيبه قلبك
ليه مش روحتي عتابتيهم مثلا
وعرفتي الاسباب وعالجتيها
لان محدش بيتغير من نفسه كده

وبعدين غلطان اوي اللي يلاقي حد متمسك بيه كدة
ويفضل زعلان منه حتي مهما كان

اديهم فرصه كمان حببتي
ولو ملاقتيش رد لسؤالك في اول مرة هتلاقيه بعد كدة

وقربي انتي منهم

ويارب لو كانوا شايفين رسالتك دي
يدخلوا يقولولك انك بس فاهمه غلط
وان مكانتك عندهم زي مكانتهم عندك كدة

كلماتك راقيه
وفضفضتك جميله ومعبرة حببتي
اتمني دايما وجوك هنا
بس من غير زعل
وتكوني مع اصحابك ع طول

كل سنه وانتي طيبة نور

همس الحنين 07-13-2014 06:18 PM

واضح انك حزينه أوى

يمكن التغير مش منك

جائز فى مشكله معينه بيمروا بيها

مش شرط تكونى غلطتى فى شئ

واضح انك بتحبيهم اوى

وصعب نلاق صديق يحبنا كده ونزعل منه

ولو حصل زعل سهل نصفى الامور طالما متمسكين ببعض

اصبرى بس خليكى واثقه من نفسك واكيد بعد موضوعك

هتلاقيهم ردوا عليكِ

جميله الفضفضه منك

محمود الصاروخ 07-13-2014 07:33 PM


نفس المشكله اللى عندى على فكره
بس التغيير من كل الناس مش من ناس معينه
وكل ما اسأل مش بلاقى رد

وبما ان معملتش حاجه زعلتهم منى
فـ بنفض و اللى عاوزنى هيكلمنى

ربنا يوفقك يانور
يارب

™Amiliya 07-13-2014 10:50 PM

مدام سالتيهم ومفيش رد يبقى عملتي الي عليكي والي باقي عليكي هيقولك ع اي خطا صدر منك ليه مش هيستنى حتى انتي تسالي
نصيحة لوجه الله متديش الامور اكبر من حجمها وطالما بادرتي بالخير يبقى الباقي عليهم ولو محصلش واتكلمو يبقى ميستهلوش صداقتك ولا حتى حزنك عليهم

العاشق الذى لم يتب 07-13-2014 11:53 PM

شوفى يابنت الناس
وبعد ماتوحدى ربك وتصلى على النبى
الموضوع ده
صراحة يقهرويغيظ
وكتيرحصل معايا وكنت هتجنن
ومش عارف ليه وايه اللى حصل
طبعا يعز على الواحد
لمايلاقى صاحبه وحبيبه يتغيرمن ناحيته
المطلوب
اعمل اللى عليا والباقى على الله
سألت زيك كده
وألحيت
ومافيش فايدة
فأناارى مافيش حل
غير
أنهم يخبطواراسهم فى اقرب حيطة تعجبهم
وهم حرين
وربنايعوض علينا
ويبعت لنا اللى احسن منهم
مدام هموا طلعو ولابلاش
الطيب احسن
ماتاخديش بالك
وتعالى أرمى همك على همى
وبعدكده انا وانتى نرمى روحنا فى البحر
ونستريح من اولاد الذين دول
تحياتى

جبل عالي 07-14-2014 12:18 AM

بصراحة واضح انها عادة في الناس يابنتي

وكل اللي رد عليكي صح في رده


تعاملي بطبيعتك انتي وصدقيني

اللي باقي عليكي هيدور عليكي



ربي يسعد قلبك دايما ياطيبة

رآقيہ بأخلاقـى 07-14-2014 10:02 AM

اقتباس:

المشاركة الأصلية كتبت بواسطة nefertiti (Post 4539118)
تغيير صحابك مش معناه انك انتي اللي غلط يا نور
ما ممكن ظروفهم مش مساعده للسؤال
او مستنيين منك انتي تسألي
وبعدين تمسكك بيهم حاجة جميله اوي
بتبين طيبه قلبك
ليه مش روحتي عتابتيهم مثلا
وعرفتي الاسباب وعالجتيها
لان محدش بيتغير من نفسه كده

وبعدين غلطان اوي اللي يلاقي حد متمسك بيه كدة
ويفضل زعلان منه حتي مهما كان

اديهم فرصه كمان حببتي
ولو ملاقتيش رد لسؤالك في اول مرة هتلاقيه بعد كدة

وقربي انتي منهم

ويارب لو كانوا شايفين رسالتك دي
يدخلوا يقولولك انك بس فاهمه غلط
وان مكانتك عندهم زي مكانتهم عندك كدة

كلماتك راقيه
وفضفضتك جميله ومعبرة حببتي
اتمني دايما وجوك هنا
بس من غير زعل
وتكوني مع اصحابك ع طول

كل سنه وانتي طيبة نور

والله يا سمسمه انا سألت واكتر من مرة كمان
وانا فعلا اديتهم عذر ان ممكن التغير يكون بسبب تانى
بعيد عنى .. بس لو كان فعلا بعيد عنى كانوا قالوا فى مرة
من المرات اللى سألت فيها وقالوا مش انتى السبب
انا بس مضايقة من حاجة تانى وانا مضايق من حاجة تانى
انا مدياهم كل الفرص اهو ولا هقطع لو هما قطعوا بقى براحتهم
ان شاء الله هتلاقينى هنا تانى
وانتى طيبة يا سمسم نورتينى :40:

رآقيہ بأخلاقـى 07-14-2014 10:10 AM

اقتباس:

المشاركة الأصلية كتبت بواسطة همسات فوق القمر (Post 4539181)
واضح انك حزينه أوى

يمكن التغير مش منك

جائز فى مشكله معينه بيمروا بيها

مش شرط تكونى غلطتى فى شئ

واضح انك بتحبيهم اوى

وصعب نلاق صديق يحبنا كده ونزعل منه

ولو حصل زعل سهل نصفى الامور طالما متمسكين ببعض

اصبرى بس خليكى واثقه من نفسك واكيد بعد موضوعك

هتلاقيهم ردوا عليكِ

جميله الفضفضه منك

حزينه اووى اووى يا بسنت والله
اصلها بتكون حاجة تحير وتتعب
لو انا عملت حاجة مش هحزن كدة
وهقول عادى اللى يتغير براحته
انما اللى هيجننى انى معملتش حاجة
هو واضح انهم بيمروا بمشكلة عاطفيه
بس ده مش يديهم الحق انهم يتغيروا على اصحابهم
وحتى لو كدة كنت اعرف وانا كنت هصبر على تغيرهم
لان انا مرت بحالة زى دى وعارفه انها حاجة توجع
اكيد بحبهم وعلشان بحبهم مش عايزة اقطع معاهم
ادينى صابره ومستنيه .. ربنا يروق بالهم ويصلح حالهم
تسلميلى يا قمرى على مرورك الجميل
نورتينى كتير .~ :40:

رآقيہ بأخلاقـى 07-14-2014 10:15 AM

اقتباس:

المشاركة الأصلية كتبت بواسطة مـح ـ الصاروخ ـمود (Post 4539242)

نفس المشكله اللى عندى على فكره
بس التغيير من كل الناس مش من ناس معينه
وكل ما اسأل مش بلاقى رد

وبما ان معملتش حاجه زعلتهم منى
فـ بنفض و اللى عاوزنى هيكلمنى

ربنا يوفقك يانور
يارب

مينفعش تنفض يا محمود اصل الصداقة دى اجمل حاجة
والله انا كدة دايماً ماليش بخت فى اصدقائى
وبالخصوص اصدقاء الانترنت
اللى تخونى واللى تبعنى واللى تطنشنى
واللى تطلع متستاهلش صداقتى .. الخ
ودايماً بقول مفيش صداقة على النت
كله كلام فاضى .. ربنا يهديهم ويصلح حالهم
نورتنى يا محمود :40:


الساعة الآن 12:26 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w