|
رسالة مؤجلة لرجل http://forums.banatmisr.com/imgcache...434alsh3er.jpg الرجل كائن مكرم خلقت من ضلعه المراة واصبحا في الدنيا داخل دائرة يسعيان خلف بعضهما البعض لا يستغنى احدهما عن الاخر ( دا تعريف بسيط من وجهة نظري للرجل وعلاقته الابدية بالمراة ) عادة لما بيوصل الشب لسن الجواز تبدا المزايدات ع العروسة والاختيارات المتعددة دا في حال هو مكنش مختار وحدة عايزها بذات عينها وبيختلف موضوع الجواز من مكان لمكان داخل البلد الوحدة وباختلاف مفاهيم العيلة نفسها عن عيلة تانية وتبدا مرحلة الاختيار وعادة الشب العربي له معايير معينة في المراة مبيستغناش عنها واهمها تكون جميلة ( كلمة جميلة دي تختلف حسب هو شايف الجميلة ازاي ) ونضيف ع الجميلة ان جسمها يكون كويس تاني حاجة والي تعتبر من الضروريات عند البعض ومش الكل متدينة ( ومفهوم متدينة مختلف بردو هو شايف التدين ايه) تالت حاجة لونها ( والبيضا تربح وتليها القمحاوية ) وخلينا نضيف هنا مع اللون العيلة هي من عيلة مين دي المثلث الي بيستند عليه الجواز عند الشب العربي نيجي نكمل باقي الكماليات من شغل او تعليم .... الخ شايفين اول طلب وتالت طلب الجمال واللون ( دي حاجات البنت مالهاش يد فيها اتخلقت كدا ) فازاي اشترط لما اجي اتجوز ان البنت تكون جميلة او بيضا او سمرا؟ ازاي راجل طول بعرض يصنف البنت ع دا الاساس وليه؟ لو جينا لاسباب هتلاقي الفكرة متوارثة ذكوريا جميع الرجال يبحثون عن الجميلة الطويلة الا لو هو قصير مع ان شفت ناس قصيرة ومراته طويلة قناعة الشب العربي بالحاجات دي مختلفة نسبيا من واحد لواحد بس هي في دماغهم ونيجي نشوف لما شب معتدل يقول لاهله انا عايزها اهم حاجة فيها الاخلاق ولما يروح يشوفها يبدا داخليا يفنطها ويشوف هل هي جميلة هل جسمها كويس هل وهل... ( مش انت قلت اخلاق وانها اهم نقطة طيب ليه منكملش الجملة بدل متحرج البنت ونقول قسمة ونصيب ، طبعا هي قسمة ونصيب مختلفناش بس خلينا دقيقين في الاختيار) السؤال الي بيخطر في بالي عادة هو مفكر ان البنت مثلا مش بدور ع شروط فيه وهل هي فيه ولا ؟ والاغرب لما الشب يترفض من بنت او يقوللهم محصلش نصيب ينرفز ويدايق واول جملة تتقال تحمد ربنا اني رحت خطيبتها ... طب معليش ولو وافقت مين يحمد ربنا ع التاني) ليه منخدش الامور في الرفض انها قسمة ونصيب؟ / هتكلم عن نقطة مهمة وهي ان بعض الشباب بيرفض البنت الذكية وبيعتبرها متمردة وبيرفض المثقفة وبيعتبرها متحررة وبيرفض المدلعة وبيعتبرها متطلبة والمتعلمة اعلى شهادة منه متعالية وبعضهم بل الاغلبية بيدور ع بنت معينة وبيمتحنها عشان يفرض سيطرته عليها ويقودها مع ان كل مخاوفو من السابق ذكرهم غير صحيح ان وجد بعض من البنات كدة بس لو خدها بالتفصيل المريح هيلاقي وحدة منهم اقرب للحياة معاه / نقطة هامة اخرى سن البنت وعادة دي بيتدخل فيها الام الي بدور لابنها ع الصغيرة ومع انها فكرة قديمة اوي الا انها موجودة وكتير البنت الصغيرة الي تنفع للجواز والسبب رغم انه قديم الا انه صحيح وهو انه يقدر يقودها ويربيها ويسيطر عليها وهتخلف بدري وهتجيب عيال كتير يعني كانه هياخد مفرخة مش بنت ليها كيانها ومحتاجة تتعامل كانسان بدون متتحط في قالب معين / امور الجواز عند بعض الشباب ليها مقاييس غير صحيحة وعايزة تعديل وخاصة لو في بنت كويسة مثلا بس مش جميلة او مليانة شوية او سمرا او او جميع التصنيفات الغير عادلة الي بيحط الرجل فيها المراة ومش هتكلم عن كلمة مزة الكلمة المشهورة بين العالم العربي في اختيار البنت الي تجمع كل الصفات الكويسة المناسبة لحضرته مع الاسف التفكير السطحي لابد منه لكن خليك عادل ومش هنقول افتكر ان عندك اخت .... الخ لا افتكر انها بني ادمة ودي خلقة ربنا الي كرمها وخلقها من ضلعك العدالة الانسانية في مخلوقات الله لا تخضع لاي تصنيف / تحياتي للجميع مجرد رؤية |
ان بعض الشباب بيرفض البنت الذكية وبيعتبرها متمردة وبيرفض المثقفة وبيعتبرها متحررة وبيرفض المدلعة وبيعتبرها متطلبة والمتعلمة اعلى شهادة منه متعالية وبعضهم بل الاغلبية بيدور ع بنت معينة وبيمتحنها عشان يفرض سيطرته عليها ويقودها مع ان كل مخاوفو من السابق ذكرهم غير صحيح ان وجد بعض من البنات كدة بس لو خدها بالتفصيل المريح هيلاقي وحدة منهم اقرب للحياة معاه دى حقيقه وعشتها شخصياً بس بصراحه موضوع رااااااااائع واكثر :) يدوم التميز ياقمر |
رؤيتك سليمه ايميليا بس بضيف شي بسيط لتوضيح الرؤيه قال رسول الله صل الله عليه وسلم ( تنكح المراه لاربع لمالها ولحسبها ولجمالها ولدينها .فاظفر بذات الدين تربت يداك ) يحني اختيار الرجل ان المراه تكون جميلهـ دا موش عيب بالرجل او انو بيدلل ف الاختيار او تفكيره سطحي وهوونا بردو كما قلتي نظره الجمال بتختلف ورؤية الجمال بتختلف من شخص لاخر / يحني الجمال شي نسبي بردو حتي الشباب نفسو تفكيرهم بيختلف ف اسلوب الاختيار يحني كون الاهل او العيله تختار له / او حتي يكون لها راي بالاختيار دا كان يمكن اسلوب قديم وزمان / وموش اظن ان الحين يوجد شاب بيستني ف اختياره لراي الاهل ف الي عاوز يرتبط بها كووماان معظم الشباب بيختار فعلا المتدينه ممكن صووح يمشي كتير ويعرف بدل البنت الف بنت لكن وقت الزواج بيفكر بردو الف مره ف الي يختارها لانو بيكون وقتها عاوز يكون بيت / موش مجرد نزوه بنت امشي معاها ونقضي وقت حلو مع بعض وخلااص والبت كووماان هي الي بتعطينا نظرتنا لها يمعني هي تقدر تخلي الشاب يحترمها وبردو تقدر تخلي الشاب يشوفها زي بنات الهوي حسب اسلوبها واحترامها لنفسها مع اهلها ومع الجيران وكون وضع البنت كانها سلعه يدخل يعاين وبعدها من حقو يرفض او يقبل دا بيكون عيب اصل من اسلوب الاهل الي بيرخصو بنتهم يحني دايم الام تكون علي ودن البنت الحقي قبل مايفوتك قطر الزواج / ومن غير ماتدري ان الكلام دا ممكن يسبب رعب للبنت ويخليها ممكن توافق علي اول واحد يخبط ع الباب وبالتالي يدخل يعاين وبعدها يقرر هيوافق ولا ! شكلي هنسي نفسي وارغي كتير هههههههههههه طرح راقي ومفيد ايميليا دمتي متالقهـ ونورتي عالم الرجل وتستاهلي الفايف ستاارز |
كلمه جميله .. طبعآ مش لازم لما يجوز واحده يجوز واحده وحشه فدى حاجه متوقعه يعنى متدينه .. الكلمه دى مش ليه لا هو عايز واحده متدينه عشان عياله وكدا ويبقى متأكد انها هتحافظ عليهم لما يقول الاخلاق .. متهيألى دا نقص وبيعوضه فى زوجته الموصفات بقا .. دا تفكيرهم مش الى يتجوزها تكون اى واحده والسلام لا لازم موصفات معينه وبستغرب كتيير لما الاقى بنوته حلوه متجوزه واحد آستغفر الله العظيم يعنى سن البنت .. دى تفريبآ بقت عقده والبنت الى بتزيد عن 30 آكنها مااتت وفى الاول وفى الاخر بقا زى ما قولتى تفكيير سطحى ربنا يهدى تسلم آيدكـ آيميليا ~~ |
عندك حق فى كل ملاحظاتك ايميليا بس فى نقط كتير بتهم الشباب خاصا الواعى منهم واللى داخل على مرحلة تكوين بيت واسره اهمها طبعا بعد القبول الشكلى التفاهم والثقه اللى بيولدوا الحب والتآلف بعد كده طبعا اغلبية الشباب من ضمن امنينه انها تكون جميله وبقية المواصفات اللى ذكرتيها بس صدقينى اهم حاجه يمكن بالنسبالى شخصيا الجمال الداخلى اللى هو روحها لان الروح الحلوه قادره ان ترسم جمال لا يضاهيه اى جمال اخر على فكره مفيش اى بنت كانت حلوه او متوسطه او غير ذلك إلا وتتمتع بقدر من الانوثه والانوثه بتظهر فى عيون الشخص لما يكون بيحب انسانه عجبه فيها روحها واشياء اخرى قدرت توفرها ولم يجدها الشاب عند اخرى تتمتع بقدر خارق من الجمال موضوع جميل شدنى جدا واسلوبك فى الحوار كان راقى جدا تستحقى التقيم وكل النجوم |
كلام كبير محتاج اراجعه مرات ومرات ايه الفلسفة الجميلة دى ياايمى رائع الموضوع احييك وهذا الطرح الجميل تحياتى |
توبيك جميل منك يا قمر تسلمى .. |
احترامي وودي
|
رساله خطا اعتذر لردي غير متفق شكاا وموضوعا |
اقتباس:
|
| الساعة الآن 02:03 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب