منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   المنتدى ...! (https://forums.banatmasr.net/msryat479602/)

احساسى صحيح 07-28-2014 01:12 AM

المنتدى ...!
 

حسيت فى موضوع اليوم انه مهم خاصاََ فى الفتره الحاليه
ألا وهو المنتدى

المنتدى بيمثل إيه للاغلبيه مننا ؟
سؤال ناس كتير إختلفت عليه
ولكن واقعياََ وحسب رؤيتى الشخصيه
وكمان تعاملى مع أغلب الاعضاء هنا
حسيت إنه شىء مهم جداََ فى حياتهم
هركز على نقطه واحده بس وهى الاهميه النفسيه لاغلبنا ..

فى بعض الاعضاء خاصاََ المغتربين منهم سواء بنات او شباب
بيكون المنتدى متنفس كبير لهم خاصاََ البنات
لأنهم بيكون صعب عليهم الخروج
وهما فى الغربه غير فترات بسيطه بسبب عدم وجود اصدقاء لهم
وفى اعضاء اخرين بيكونوا منطويين وصعب انهم يكتسبوا اصدقاء
وهما فى حياتهم العاديه بسبب تركيبتهم النفسيه
وصعوبة تأقلمهم مع الناس العاديين بالواقع
فالمنتدى كحياة من خلف شاشه سهل عليهم كتير جدا
التخلص من الانطوائيه وكسب صداقات وتعويض اشياء
كثير مننا بيحتاجها فى الحياة العاديه ..

المنتدى من وجهة نظرى مجتمع مصغر وحياة كامله
وتقريباََ يعتبر شىء حيوى
ولا غنى عنه من اساسات حياة بعض الناس

فى ناس كتير سمعتها بتقول إنهم مش فى دماغهم المنتدى
ولما بيخرجوا بينسوا كل شىء حدث لهم
انا مختلف مع اى شخص قال كده
خاصاََ لو كان قضى فتره كبيره داخله واصبح شىء مهم فى حياته
احياناََ كثيرين منا بيحدث له اشياء سيئه او جيده
وبتأثر عليه خارجه وبيفضل يفكر فيها حتى وهو خارجه
دى حقيقه وانا جربتها وعندى الشجاعه اعترف بيها
وزى ما بيحصل فى الخارج من صراعات او غيره
اكيد بردوا المنتدى كمجتمع صغير بيحدث
ممكن بلاش كلمة صراعات نقول زعل حزن او فرح
كلها صفات بنشعر بيها وبنواجهها يومياََ
منها لسوء تفاهم ومنها مقصود
كل ده لأننا بشر واى حاجه بتحصل خارجه
عادى لو تحصل داخله لأننا بنى ادمين مش ملايكه
فأى شخص اتعلق اوى بالمنتدى وكان حاجه كبيره جواه
او حياة كان بيحبها وبعدين اتحرم منها
اكيد بيأثر نفسى عليه فى حياته العاديه
خاصاََ لما يرتبط بأناس حبهم واتعلق بيهم
ويمكن كمان مش شاف زيهم فى العالم الواقعى
فأنا حزين جداََ ان يحصل كده لأى حد
ف شىء يتحرم منه وهو متنفس وحياة كامله بالنسباله ..

حتى الخناقات والاختلافات السياسيه بتحدث
وكما فى عالمنا الواقعى وده شىء لازم يؤخذ فى الحسبان
فى الاخر احنا بشر مهما علت مراتبنا فى الحياة
ولازم نشعر ببعضنا ولا نميز انفسنا او غيرنا
ونراعى شعور بعضنا
اكيد مفيش اى حد فينا مثالى
وكمان لا اطلب ان اى شخص يكون مثالى
فقط مراعاة مشاعر بعضنا دى اهم نقطة لازم نحرص عليها
وانا شخصياََ عانيت منها كتير جداََ
فأمنيتى ان مفيش اى حد يتحرم بأذن الله
من هوايه او شىء حيوى ومهم فى حياته ..
احياناََ الانسان مننا بيأخذه العزه والغرور
ويضيع حاجات كتير حلوه وممكن كان ممكن تتحل ببساطه
المهم حبيت تشاركونى تلك الفضفضه ..


كانت فضفضه جوايا حبيت انقلها بكل تجرد ..



الآمير العآشق 07-28-2014 02:58 AM

كلامك جميل ياسر
وكتير مقنع وواضح الرؤيه
المشكلهـ ان فيه كتير بيختلط عليهم الامر
بمعني// ممكن يكون بيعيش خارج المنتدي حياه
ممكن كلها صراعات سواء بالعمل او بالدارسه
وموش بيقدر يفصل بين حياته خارج المنتدي
وحياته هوونا بالمنتدي
وانو هوووناا مجرد مكان بتنتفس فيه عن واقع حيااتنا / او
بنتشارك فيه واقع حياتنا
وبالتالي بيدخل هوونا وهو جواه كل تلك الصراعات
ويبتدي ينشطها بدوره هوونا بالمنتدي
وبالتالي بيكون هدفه للاسف هو صراع المقدمه
وصراع المراكز ناسيا اننا هوونا للترفيه ليس اكتر
وكاذب من يقول انا هونا فقط لاخد معلومه تفيدني
عشان ممكن اخد معلومتي وبشكل افضل من النت
وموش مضطر اعمل عضويه عشان معلومه
لكن العضويه عشان اتعرف علي اصحاب
واشارك بطرح افكاري ونتحاور ف افكارنا

وعلي فوكرره انا لاااقصد ان هذا اسلوب الجميع
لكن للاسف اسلوب البعض
وللاسف هذي النوعيات هي الي بتسئ
لشكل المنتديات في عيون الاخرين و الزوار

طرح راقي وكتير حلوو ياسر
وفضفضتك رساله للجميع
دمت متالقا

Lamees 07-28-2014 03:01 AM

وصل المعني ياسر
وفضفضتك توافق رأيي
ويارب ما في أنسان ينحرم من حاجة بيحبها
كنت هنا

العاشق الذى لم يتب 07-28-2014 04:50 AM

كل سنة وانت طيب
وكلام جميل
واظنها رسالة موجهة لشخص معين
وان كانت عامة
فهى مفيدة للجميع ايضا
رائع الطرح
جميل الموضوع
تقبل تحياتى وودى

Aya 7ekaya 07-28-2014 07:13 AM

كلام جميل المنتدى فعلا بيمثل جزء مهم وكبير ف حياه كل عضو فيه وده مش اى منتدى ده لانه بنات مصر انا دخلت منتديات تانيه كتير وعمرى ماارتبطت بمنتدى زى بنات مصر
لكن الحاجات ال قولتها الخلافات السياسيه والمشاكل للاسف بقت تاثر انا واحده من الناس بقيت بفكر ابعد ساعات ع المنتدى لانك لو حطيت كرامتك ف كفه والمنتدى ف كفه مش هتحتاج تختار

رضا التركى 07-28-2014 03:05 PM

المنتدى تصغير للمجتمع ومش كل الناس واحد أكيد

الأهداف من دخول المنتدى كتيرة يحكمها الضمير وراء الشاشات

فيه اللى طالب استفاده وفيه اللى بيتسلى وفيه وفيه وفيه كتير

بس نقطة مهمة جدا ذكرتها يا ياسر وهى

لازم نشعر ببعضنا ولا نميز انفسنا او غيرنا

ونراعى شعور بعضنا دى اتمناها تكون عند كل الأعضاء

طرح مفيد وراقى منك يا ياسر

تقبل مرورى

تحياتى وكامل احترامى لشخصك الكريم

احساسى صحيح 07-28-2014 05:07 PM

اقتباس:

المشاركة الأصلية كتبت بواسطة الآمير العآشق (Post 4560933)
كلامك جميل ياسر
وكتير مقنع وواضح الرؤيه
المشكلهـ ان فيه كتير بيختلط عليهم الامر
بمعني// ممكن يكون بيعيش خارج المنتدي حياه
ممكن كلها صراعات سواء بالعمل او بالدارسه
وموش بيقدر يفصل بين حياته خارج المنتدي
وحياته هوونا بالمنتدي
وانو هوووناا مجرد مكان بتنتفس فيه عن واقع حيااتنا / او
بنتشارك فيه واقع حياتنا
وبالتالي بيدخل هوونا وهو جواه كل تلك الصراعات
ويبتدي ينشطها بدوره هوونا بالمنتدي
وبالتالي بيكون هدفه للاسف هو صراع المقدمه
وصراع المراكز ناسيا اننا هوونا للترفيه ليس اكتر
وكاذب من يقول انا هونا فقط لاخد معلومه تفيدني
عشان ممكن اخد معلومتي وبشكل افضل من النت
وموش مضطر اعمل عضويه عشان معلومه
لكن العضويه عشان اتعرف علي اصحاب
واشارك بطرح افكاري ونتحاور ف افكارنا

وعلي فوكرره انا لاااقصد ان هذا اسلوب الجميع
لكن للاسف اسلوب البعض
وللاسف هذي النوعيات هي الي بتسئ
لشكل المنتديات في عيون الاخرين و الزوار

طرح راقي وكتير حلوو ياسر
وفضفضتك رساله للجميع
دمت متالقا

انا هاخد من كلامك يا ماجد نقطة
اننا بنتشارك واقع حياتنا ودى نقطه مهمه جدا وصحيحه
يعنى اغلبيتنا بيقابله مواقف فى حياته سواء جيده او سيئه
مش بيلاقى حد يفضفض معاه ويشاركه الحاجات دى
اكتر من اصدقاءه واخواته بالمنتدى
سواء فى الصفحات او الفضفضه او النقاش
لأننا مش منسخلين عن الواقع حتى ولو كنا فى عالم إقتراضى
علشان كده انا بتمنى ما يكون فيه إستهانه بأى شخص او رأى لأى حد
ويوضع كل شىء فى حجمه كما هو بدون تغير او تضخيم او حتى تحليه

شكرا لرأيك يا ماجد وضح حاجات كتير
وعيد سعيد عليك

احساسى صحيح 07-28-2014 05:16 PM

اقتباس:

المشاركة الأصلية كتبت بواسطة اطياف الماضي (Post 4560939)
وصل المعني ياسر
وفضفضتك توافق رأيي
ويارب ما في أنسان ينحرم من حاجة بيحبها
كنت هنا

طيب الحمد لله رونى انك فهمتى ما فى داخل السطور
يا رب اللهم امين مفيش حد ينحرم من حاجه بيحبها
وبالمناسبه دى انا دايما بشوف اى شخص زعلان من اى حاجه
اول حاجه بيعملها انه بيختار يبعد
وكمان ممكن يقول انه مش هيدخل المنتدى تانى
ممكن علشان يشوف معزته عند الاعضاء اد ايه
وممكن علشان يكون زعلان من حدث حصل معاه او مشكله ما
ويعتقد انه ما حصل على حقه فيها
ولكن بالنهايه اى شخصيه من اللى ذكرتها بيرجعه الحنين من تانى
لأنه ارتبط عاطفياََ ووجدانياََ بالمكان
وبيزعل انه يضيع صداقات ومعرفة ناس احبهم وارتبط بهم جدا
لأنى زى ما قولت هو مجتمع مصغر فعلا وليس فقط إفتراضى
علشان كده اتمنى من اى شخص عايز يمشى لا يذكر ذلك
الافضل انه يذهب فى صمت اذا كانت رغبه حقيقيه جواه
وليست لعب على العواطف, لأننا كلنا اكيد مرتبطين بالمكان
انا شخصيا يوم اذهب ولن اعود سأذهب فى صمت
ولن ألعب على عواطف احد او اذكر اى كلمه عن سبب رحيلى ..

شكرا رونى لرايك
وكل سنه وانتى طيبه وبألف خير ..

bobaOo 07-28-2014 07:28 PM

إنت إختصرت اللي بيحصل في المنتدى في سطورك
ويمكن يكون في حاجات انت ماقلتهاش
ربنا وحد عالم بالي في النوايا
المنتححى ده بحسو عالم تاني بجد
مش عشان غربة ولا قلة أصدقاء
عشان الأخوة والحب والتحاور الي فيه
تسسلم إيدك ياسر

احساسى صحيح 07-28-2014 09:31 PM

اقتباس:

المشاركة الأصلية كتبت بواسطة العاشق الذى لم يتب (Post 4561041)
كل سنة وانت طيب
وكلام جميل
واظنها رسالة موجهة لشخص معين
وان كانت عامة
فهى مفيدة للجميع ايضا
رائع الطرح
جميل الموضوع
تقبل تحياتى وودى

لا هى عامه وليست لشخص معين يا رفعت اكيد
بس حسيت انها ممكن تكون مهمه فى المرحله الحاليه
شكرا لك ع المرورك
وكل سنه وانتا طيب


الساعة الآن 03:20 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w