|
حست انى مخنوق قولت أدورعلى حد السلام عليكم كل سنة وأنتم طيبين وعيدكم مبارك سعيد جميل باهى ولذيذ خلص الشهرالكريم ربنايتقبل منّا ومنكم وبعودة الأيام ويلتقينا رمضان ونحن بصحة وعافية وكذا تمر المناسبات السعيدة بسرعة ومعاها بيمرالعمربسرعة ولابد من نهية المشوار اليوم أنت فى شبابك وصحتك واليوم أنت مع صحبة ولمّة جميلة وبكرة ياأما انت تفارقهم وتموت ياأما همّ يفارقوا ويموتوا سبحان الدايم الأحد لقيت روحى محتاج أحكى مع حد محتاج أدورعلى حبيب أو صديق أو معرفة يمكن أتونس بصحبته أو أسلم علي وأقوله كل سنة وأنت طيب احساس غريب جانى فجأة وحسيت إنى عاوز أبحث عن أصحابى وأصدقائى مسكت الوبايل وبحثت فى الأسماء وبعدين فتحت المنتدى ولقيتنى رايح على قائمة الأعضاء أشوف كان لى هنا صحبة وناس أعرفهم على مدى عمرى والذى قضيته هنا تقريب 3 سنوات فتحت قائمة الأعضاء وأخذت أبحث فى الصفحات وأسماء الأعضاء منهم من تشرفت بمعرفته ومنهم من لم أعرفه ومنهم ن سجل قبلى وذهب أيضا قبل تسجيلى وأنابشوف الأسماء لقيت أعضاء اللى كان نهم مشرف واللى كان إدارى واللى عضو عادى كتيركتير ذهبوا ولم يعودوا الله أعلم من مات منهم ومن باقى على قيد الحياة ومن كان هنا ذات يوم يجول ويجول بين ربوع المنتدى ومابين كتاباته النثرية والشعرية والواضيع النقاشية ومابين الردود والتفاعل والنشاطات والمشاركات فى المسابقات ولقيت كتيرمن كان منهم تربطنى به علاقة قوية وتبادل الرسائل الزواروالخاص والسلامات والتحيات وأنا أنظرلأسمائعهم وجدتنى ذاهب مع الذكريات ذكريات سابقة وذكريات قادمة نعم قادمة تخيلت غدا سيأتى ميعاد رحيلى وغدا فى تعداد الموتى سيكون رقمى وغدا ستطوى صفحتى وينسانى من كنت يوما بين يديه ألتقيه واسلم عليه واشاركه مواضيعه وردوده وهكذا هى سنة الحياة اليوم أنت تعيش الدنيا وغدا ستعيشك الآخرة لابقاء ولادوام إلا لله وحده سبحانه وتعالى وخطرببالى سؤال .. مدام الدنيا فانيةوكل من عليها فان يبقى ليه إحنا نتخاااااااااااااااااااااصم ونتشاتم ونسب ونلعن بعض ليه نكره بعض ونعادى بعض ليه أشوفك أتمنى موتك وليه أنت شوفنى ومش عاوز عنيك تشوفنى ليه كل ده ليه مانكونش متسامحين ومتصافحين ليه ليه الغيرة والبغض والكراهية والحسد والحقد ليه ليه مانتذكرش لحظة نكون فيها فى القبرلوحدينا والكل تاركنا وناسينا ليه ساعتها مش هيكون مأنس لينا غيركلمة حلوة قلتها لصحبة أو عفوعفيت بيه عن من أساء لى مش هينفعنى ساعتها غيردعوة واحد محب يقول الله يرحمك كنت معاى كويس وسمحتنى لما أسات ليه صدقونى ياأحبابى الدنيا فانية ولاتساوى عند الله جناح بعوضة تعالوا وإحنا لسة خارجين من شهركريم نملأ قلوبنا بالمودة والمحبة والتسامح تعالوا نبطل نكره بعض تعالوا نبطل نشتم بعض تعالوا نبطل نتهم بعض تعالوا نلتمس لبعضينا الأعذار ونقول يمكن ماكنش يقصد ساعتها بس ربناهيسامحنا ويعفو عننا ويغفرلنا حبيت أفضفض معاكم علشان أنتوا عندى والله غاليين أوى وبحبكم أوى بحزن وأزعل لماأكون شوفت حد هنا وكان بينا معرفة ومعاملة ومودة وفجأة ألاقيه مشى وراح أكيد اللى كان تعامله كويس وصاحب عفو أكيد هيكون له فى القلب مكانة وذكرى جميلة ياليت كلنا نبقى مع بعض بروح جميلة ولوتركنا بعض نترك ذكرى حلوة وجميلة كل سنة وأنتم بألف خير وعيدكم مبارك سعيد أخوكم رفعت |
محدش واخد منها حاجة يا رفعت عين العقل كلامك وفضفضتك الجميلة دي بتحكي فيها عن حياة تانية ف انتظار كل واحد مننا يارب يارب كلنا نفضل في حب الله متجمعين اكيد بنشتاق لناس كانوا معانا وفجأة اختفوا من حياتنا من غير ما نعرف عنهم حاجة ودي نقطة ضعف كل منتدى إنك بتتعلق بالأعضاء والناس اللي فيه لأبعد حدود ولما يغيبوا لا تعرف فينهم ولا تقدر ترجعهم ان شاء الله كل الغايبين يرجعوا وكل الموجودين يفضلوا عشان نفضل مكملين بعض دايما ومكملين مع بعض هنا ولما ييجي الكاس اللي بيلف على كل الناس ف دي هي حكمة ربنا ولا اعتراض على حكم الله سبحانه وتعالى جميلة الفضفضة يا رفعت والأجمل سردك ليها بطريقة ترهيب وترغيب رائعة احترامي وتقديري |
هكذا هى سنة الحياة اليوم أنت تعيش الدنيا وغدا ستعيشك الآخرة لابقاء ولادوام إلا لله وحده سبحانه وتعالى معاك حق بجد في كل كلمه مفيش حاجه في الدنيا تستاهل اننا نكره بعض ونعادي بعض هي ايام وسنين معدوده ومحدش باقي غير الله ووجودنا في الحياة مش عشان نخرب فيها لكن عشان نصلح فيها ونكون اخوة وبينا موده ومحبه وعشان الـ يمشي منا يسيب ذكريات جميله غيره يفتكرها ويرويها المعامله الحلوة والكلمه الكويسه هي الـ بتخلد ذكرى اي انسان وكويس انك فضفضت وما احلاها فضفضه s1 كل عام وانت بخير |
اقتباس:
ماأدرش أوقول حاجة عنه كل سنة وانت طيب ربنايجمعنا على المودة والحبة دوما شاكرلك ياغالى على المرورالراقى وردك الجميل تقبل تحياتى |
اقتباس:
سفيرة ربناينيرقلبك برضاه شرفنى مرورك الراقى تقبلى تحياتى وودى |
فضفضة جميلة يا رفعت و ان شاء الله لو حد زعلان من حد او في بينهم مشكلة كل حاجة تتحل و تسلم ايدك ع الموضوع :113: |
فضفضه جميله قوي استاذ رفعت وكلامك رائع انو لازم فعلا نبطل نكره بعض ونتهم بعض خلينا نعيش على الحب والمحبه بينا وبين الناس وكل سنه وانت طيب تقبل مروري |
فضفضه جميله يا صاحبى عندك حق فى كل كلمه اكيد كلنا بيجلنا ساعة بغضب فيها بس اكيد مع الوقت كله بيتنسى ومفيش حد واخد منها حاجه تسلم يا كبيرنا على كلامك الجميل ربنا يجعله بميزان حسناتك وعيدك سعيد |
صح وﻻزم نخلى بالنا من بعض ونحافظ على مشاعر غيرنا همسه حلوةة ثانكس |
اقتباس:
شكرا لمرورالراقى تحياتى وودى |
| الساعة الآن 12:06 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب