منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   المهرجانات / أمر واقع و فن واتحسب على الناس .. :) (https://forums.banatmasr.net/msryat480266/)

محمود الصاروخ 08-04-2014 03:57 AM

المهرجانات / أمر واقع و فن واتحسب على الناس .. :)
 


السلام عليكم ورحمة الله وبركاته
==

هتكلم عن / المهرجانات الشعبية عشان فى أخر موضوع عملته عن الاغانى وكده
شوفت ردود ان المهرجانات لـ البلطجيه و الكلام ده

أكيد كلنا عارفين ان لما نيجي نحكم على حاجه مانجمعش
لأن كل مكان وكل حاجه فيها الحلو و فيها الوحش
ومش كل واحد فى مجال المهرجانات يبقى بلطجى أو سرسجى

تعالى وانا اثبتلك

لو جيت تبص أو تبصى معايا هتلاقى مين شغال ف مجال المهرجانات
واحد فى جامعه يعنى متعلم أهو مش جاى م الشارع حب يشتغل فى هوايه بيحبها
وربنا كرمه فـ مش نيجى ونقول عليه بلطجى صح ولا ايه ؟؟

انا معاكو ان فى مهرجانات متنفعش تتسمع وفيها قلة أدب زى ما ناس بتقول
اللى انا حابب أوصله انها مزيكا زى أى مزيكا بس مختلفه شويه
بنحط عليها الكلام اللى احنا شايفينه من وجهة نظرنا و كلامنا بيكون من أرض الواقع

الدليل ان المهرجانات مش لـ البلطجيه وانها حققت نجاح كبير

ان نجوم مهرجانات كتير عملو حفلات بره مصـر و وحققو نجاح كبير
المفرود مانقولش عليهم بلطجيه .. انت سمعت مهرجان مش عاجبك .. يبقى ماتقولش
على كله وحش وشغل بلطجيه و كلام من ده

منا ممكن أسمع البوم لـ عمرو دياب واحترامى طبعا لكل محبى عمرو
أبص الاقى اغنيه فيه مش ظابطه وقتها أقول الالبوم زفت ؟؟

المهرجانات فن أخترعوه الشباب المصرى والحمدلله حقق نجاح كبير وبقى هو
الأساس فى الشارع المصرى و جميع الأفراح المصريه

المهرجانات فن و اتحسب ع الناس ويعتبر دلوقتى جميع الاغانى الشعبى اتركنت
والمهرجانات سادت فى جميع الشوارع وأكيد الكل عارف الكلام ده

ماهو انت مش هتجيب واحد م الشارع و تقعده على برامج هندسه و تسجيل
وتقوله اشتغل يامعلم أكيد هيعك و يبوظ الدنياا ولا ايه ؟؟

المهرجانات اتعملت و طالما فى ناس بتحب يبقى الناس اللى مش بتحب غصب عنها
لازم هتسمع لأن المهرجانات بقت امر واقع و فن و اتحسب على الناس

نيجى بقى لـ كلمات المهرجانات

" دنيا بتمشى بكيفها وشوقها واحنا مراكب عايمين فوقها هي بتجرى و كله بيجرى مين هيحصل و هيلحقها "

" نقى الصاحب اللى يحبك ويبيع نفسه علشان يرضيك . لو مجروح يحزن على همك لو فرحان يجي يفرح ليك . يدعيلك لما يشوف رزقك مش يحسد وينق عليك "

" مش بالفلوس ولا بالأشكال ولا بالكلام اللى بيتقال .. الرجوله يجمعها كتاب أول درس فيه الأفعـال "

طب أنا راضى الحكم .. ده كلام سرسجيه ولا كلام من أرض الواقع ؟؟
ليه لما نشوف حاجه مش عجبانا نقول عليها كلام مش تمام ؟؟؟

انا حبيت اتكلم عن المهرجانات لأن انا واحد م الناس دى أشتغلت ف المجال
و عارف كويس مين اللى شغال ف المجال وشغال ايه و تمامه ايه

و إنتظرونى قريبا مع تقرير شامل عن
" المهرجانات الشعبيه "

محمود الصـاروخ

احساسى صحيح 08-04-2014 05:06 AM


انا متفهم يا محمود دفاعك عن النوعيه دى من المهرجانات

بس انا الحقيقه اول مره اسمع بيها منك
لانى تقريبا مش بحضر اى مهرجانات ومش متابع اوى
ولكن بالعموم من كلامك الواضح ان فيه اعتراض
على نوعية المهرجانت دى او هجوم عليها
بسبب إن معظم مرتاديها من طبقه معينه اغلبيتها حرفيين واصحاب تعليم ضعيف
بالعموم دى اذواق واحنا مجتمع متعدد الطباع ومختلف فى توجهاته
واكيد كل انسان وحسب ما يهوى ويحب
المهم انه يلتزم بالاخلاق والاعراف إللى لا تؤذى مشاعر الاخرين
الذين لا يحبزون تلك النوعيه من المهرجانات
وربنا يوفقك بحياتك يا حوده ..
تحياتى لك يا برنس

Stop Ana Eltop 08-04-2014 08:21 AM

والله يا استاذ محمود بما انه افلام هيفا وسميه الخشاب ومحمد رمضان وغيرهم من النوعيه دى كتير بيتحسبوا علينا فن يبقى مش بعيد لما المهرجانات تتحسب علينا فن

هو انا مش فاهمه يعنى ايه سرسجيه دى بس ماعلينا
انا لما بسمع مهرجان بالصدفه يعنى مابفهمش ولا كلمه لان بصراحه عباره عن انه واحد فاضى حلق شعره من الجمب وسايبه من الوسط ومسمى نفسه اسم توكتوك بيقول شوية كلام ملهمش لزمه ولا معنى بيرصرصهم جمب بعض ويخبطهم بزعيق وخلاص

انت بتقول مفيش واحد من الشارع هيجى يشتغل على هندسة صوت اه فعلا دا شئ صحيح بس ماهى الفلوس ممكن تجمع مابين اوكا واورتيحا ومابين ايمن بهجت قمر

ووجهة نظرى انه مفيش حاجه اسمها فن ولو فيه فمصر لسه معرفتوش


تسلم لمجهودك
بالتوفيق

Stop Ana Eltop 08-04-2014 08:24 AM

اقتباس:

المشاركة الأصلية كتبت بواسطة احساسى صحيح (Post 4567895)

انا متفهم يا محمود دفاعك عن النوعيه دى من المهرجانات

بس انا الحقيقه اول مره اسمع بيها منك
لانى تقريبا مش بحضر اى مهرجانات ومش متابع اوى
ولكن بالعموم من كلامك الواضح ان فيه اعتراض
على نوعية المهرجانت دى او هجوم عليها
بسبب إن معظم مرتاديها من طبقه معينه اغلبيتها حرفيين واصحاب تعليم ضعيف
بالعموم دى اذواق واحنا مجتمع متعدد الطباع ومختلف فى توجهاته
واكيد كل انسان وحسب ما يهوى ويحب
المهم انه يلتزم بالاخلاق والاعراف إللى لا تؤذى مشاعر الاخرين
الذين لا يحبزون تلك النوعيه من المهرجانات
وربنا يوفقك بحياتك يا حوده ..
تحياتى لك يا برنس


مش بتحضر مهرجانات ايه بس
هو بيكلمك عن مهرجان القراءه للجميع


المهرجانات دى عباره عن موسيقى صارخه وواحد بيتكلم بسرعه ويزعق
وساعات بيبقى فيها كلام خارج اصلا

محمود الصاروخ 08-04-2014 08:29 AM

اقتباس:

المشاركة الأصلية كتبت بواسطة احساسى صحيح (Post 4567895)

انا متفهم يا محمود دفاعك عن النوعيه دى من المهرجانات

بس انا الحقيقه اول مره اسمع بيها منك
لانى تقريبا مش بحضر اى مهرجانات ومش متابع اوى
ولكن بالعموم من كلامك الواضح ان فيه اعتراض
على نوعية المهرجانت دى او هجوم عليها
بسبب إن معظم مرتاديها من طبقه معينه اغلبيتها حرفيين واصحاب تعليم ضعيف
بالعموم دى اذواق واحنا مجتمع متعدد الطباع ومختلف فى توجهاته
واكيد كل انسان وحسب ما يهوى ويحب
المهم انه يلتزم بالاخلاق والاعراف إللى لا تؤذى مشاعر الاخرين
الذين لا يحبزون تلك النوعيه من المهرجانات
وربنا يوفقك بحياتك يا حوده ..
تحياتى لك يا برنس

حبيبى يا ياسر منور الدنيا
:113:

محمود الصاروخ 08-04-2014 08:35 AM

اقتباس:

المشاركة الأصلية كتبت بواسطة stop ana eltop (Post 4567924)
والله يا استاذ محمود بما انه افلام هيفا وسميه الخشاب ومحمد رمضان وغيرهم من النوعيه دى كتير بيتحسبوا علينا فن يبقى مش بعيد لما المهرجانات تتحسب علينا فن

هو انا مش فاهمه يعنى ايه سرسجيه دى بس ماعلينا
انا لما بسمع مهرجان بالصدفه يعنى مابفهمش ولا كلمه لان بصراحه عباره عن انه واحد فاضى حلق شعره من الجمب وسايبه من الوسط ومسمى نفسه اسم توكتوك بيقول شوية كلام ملهمش لزمه ولا معنى بيرصرصهم جمب بعض ويخبطهم بزعيق وخلاص

انت بتقول مفيش واحد من الشارع هيجى يشتغل على هندسة صوت اه فعلا دا شئ صحيح بس ماهى الفلوس ممكن تجمع مابين اوكا واورتيحا ومابين ايمن بهجت قمر

ووجهة نظرى انه مفيش حاجه اسمها فن ولو فيه فمصر لسه معرفتوش


تسلم لمجهودك
بالتوفيق

السلام عليكم
أولا / منوره الدنيا
ثانيا / لما تيجى تتكلمى عن مجال مش تتكلمى عن فئه معينه تتكلمى عن المجال كامل
مش لما تقولى هيفا وسميه الخشاب و محمد رمضان يبقى انتى كده جمعتى
المجال كامل .. لاء حضرتك

المجال فى ناس كتير محترمين جدا و فى حاجات تتسمع منها الكلمات اللى مكتوبه فوق
لو شوفتيها .. اظن ده كلام مفهوم .. مش زى مانتى بتقولى

وعاوز أقولك على حاجه .. الواحد الفاضى اللى حالق شعره ده لو مكنش حقق نجاح
مكنش وصل لـ اللى هو فيه بلاش نتكلم عن مصـر هنروح بره مصـر
المهرجانات مكسره أوروبا و شغل عالمى هناك تمام

والمهرجانات الشعبيه عمر ما أوكا و أورتيجا كانو بيمثلوها دى من وجهة نظرى
انتى لما تيجى تسمعى اختارى حاجه تتسمع مش تجيبى مهرجان مبيتفهمش زى
مانتى بتقولى و تحكمى ع المجال كامل صح ولا ايه ؟؟

فى ناس كتير تستاهل توصل ومش بترص كلام وخلاص زى مانتى بتقولى
المهرجان فن و اتحسب على الناس زى ما قولت

اما بخصوص النقطه الأخيره انا معاكى ان الفلوس بتعمل كل حاجه تمام
بس حضرتك لو دورتى و جيتى تشوفى اللى بيغنو مهرجانات دول
ولاد ناس و متعلمين ومش زنبى بقى ان طلع اتنين تلاته زى مانتى بتقولى
يبقى خلاص المجال باظ .. يارب تكونى فهمتى قصدى

و الحمدلله اسم " المهرجان " مسمع فى شوارع مصـر شارع شارع
بيت بيت وده بحب الناس لـ المجال مش هقول أكتر من كده

نورتينى
^^

M@HMOUD 08-04-2014 09:01 AM

والله يا صديقى
كل حاجه ليها مميزات وعيوب
وكل حاجه ليها الحلو والوحش
بس بما انى مش متابع الشعبى
غير لم الواحد بيكون فى فرح
فا شايف ان الحكايه عاديه

Stop Ana Eltop 08-04-2014 09:32 AM

اقتباس:

المشاركة الأصلية كتبت بواسطة مـح ـ الصاروخ ـمود (Post 4567929)
السلام عليكم
أولا / منوره الدنيا
ثانيا / لما تيجى تتكلمى عن مجال مش تتكلمى عن فئه معينه تتكلمى عن المجال كامل
مش لما تقولى هيفا وسميه الخشاب و محمد رمضان يبقى انتى كده جمعتى
المجال كامل .. لاء حضرتك

المجال فى ناس كتير محترمين جدا و فى حاجات تتسمع منها الكلمات اللى مكتوبه فوق
لو شوفتيها .. اظن ده كلام مفهوم .. مش زى مانتى بتقولى

وعاوز أقولك على حاجه .. الواحد الفاضى اللى حالق شعره ده لو مكنش حقق نجاح
مكنش وصل لـ اللى هو فيه بلاش نتكلم عن مصـر هنروح بره مصـر
المهرجانات مكسره أوروبا و شغل عالمى هناك تمام

والمهرجانات الشعبيه عمر ما أوكا و أورتيجا كانو بيمثلوها دى من وجهة نظرى
انتى لما تيجى تسمعى اختارى حاجه تتسمع مش تجيبى مهرجان مبيتفهمش زى
مانتى بتقولى و تحكمى ع المجال كامل صح ولا ايه ؟؟

فى ناس كتير تستاهل توصل ومش بترص كلام وخلاص زى مانتى بتقولى
المهرجان فن و اتحسب على الناس زى ما قولت

اما بخصوص النقطه الأخيره انا معاكى ان الفلوس بتعمل كل حاجه تمام
بس حضرتك لو دورتى و جيتى تشوفى اللى بيغنو مهرجانات دول
ولاد ناس و متعلمين ومش زنبى بقى ان طلع اتنين تلاته زى مانتى بتقولى
يبقى خلاص المجال باظ .. يارب تكونى فهمتى قصدى

و الحمدلله اسم " المهرجان " مسمع فى شوارع مصـر شارع شارع
بيت بيت وده بحب الناس لـ المجال مش هقول أكتر من كده

نورتينى
^^

عليكم السلام
اولا / دا نور الكهربا
ثانيا / انا اه مش مقتنعه بالمجال كله بس دا مش موضوعى
انا بتكلم عن فئه معينه من الممثلين خدوا طريق افلام الاغراء والبلطجه وسيله للشهره وبقولك اذا كنا احنا بنقول على الفئه دى فن فشىء طبيعى فى المقابل اننا نقول على المهرجانات فن

عاوزه اقولك على حاجه انت احنا لو مكناش جيل تافه مكنش الواحد الى حالق شعره ولا غيره حقق معانا نجاح بس اهو اى حاجه تعمل دوشه وخلا ص
هما اوروبا بتفهم كلام المهرجانات :11: ولا تقصد مهرجات بالاوروبى :04:

واذا مكنش اوكا واورتيجا بيمثلوا المهرجانات فاللى امر منهم هما الى بيمثلوها
وانا قولتلك انا مابسمعش مهرجانات هى بتتفرض عليا بحكم انى بمشى فى الشارع او بروح افراح وقتها مش هروح اقولهم معلش شغلوا مهرجانات تتسمع وكلامها يتفهم

حتة ناس تستاهل توصل دى انت ادرى بيها بس المهرجانات عمرها ما هتبقى فن
دى مجرد موضه وشويه وهتروح زيها زى تسريحة الشعر على الجمب ايام رشدى اباظه كدا

ايه ولاد ناس ومتعلمين الى انت ماسك فيها دى
حد قالك انه الى مش متعلمين دول ولاد كلب مثلا
ماياما فيه ناس متعلمه وبيبقوا تجار سلاح وتجار مخدرات وبلطجيه وحشاشين وممثلين ومخرجين وظباط جيش وشرطه الاخلاق مفهاش علام ماشى

لاء المهرجان لسه مسمعش فى بيتنا يبقى كدا القاعده اختلت

^_^

محمود الصاروخ 08-04-2014 09:40 AM

اقتباس:

المشاركة الأصلية كتبت بواسطة stop ana eltop (Post 4567951)
عليكم السلام
اولا / دا نور الكهربا
ثانيا / انا اه مش مقتنعه بالمجال كله بس دا مش موضوعى
انا بتكلم عن فئه معينه من الممثلين خدوا طريق افلام الاغراء والبلطجه وسيله للشهره وبقولك اذا كنا احنا بنقول على الفئه دى فن فشىء طبيعى فى المقابل اننا نقول على المهرجانات فن

عاوزه اقولك على حاجه انت احنا لو مكناش جيل تافه مكنش الواحد الى حالق شعره ولا غيره حقق معانا نجاح بس اهو اى حاجه تعمل دوشه وخلا ص
هما اوروبا بتفهم كلام المهرجانات :11: ولا تقصد مهرجات بالاوروبى :04:

واذا مكنش اوكا واورتيجا بيمثلوا المهرجانات فاللى امر منهم هما الى بيمثلوها
وانا قولتلك انا مابسمعش مهرجانات هى بتتفرض عليا بحكم انى بمشى فى الشارع او بروح افراح وقتها مش هروح اقولهم معلش شغلوا مهرجانات تتسمع وكلامها يتفهم

حتة ناس تستاهل توصل دى انت ادرى بيها بس المهرجانات عمرها ما هتبقى فن
دى مجرد موضه وشويه وهتروح زيها زى تسريحة الشعر على الجمب ايام رشدى اباظه كدا

ايه ولاد ناس ومتعلمين الى انت ماسك فيها دى
حد قالك انه الى مش متعلمين دول ولاد كلب مثلا
ماياما فيه ناس متعلمه وبيبقوا تجار سلاح وتجار مخدرات وبلطجيه وحشاشين وممثلين ومخرجين وظباط جيش وشرطه الاخلاق مفهاش علام ماشى

لاء المهرجان لسه مسمعش فى بيتنا يبقى كدا القاعده اختلت

^_^


يكفينى انك قولتى بتتفرض عليكى
وده دليل ان كل اللى حواليكى بيحبو الفن بتاعنا
مش بتسمعى مهرجانات
يبقى مش من حقك تحكمى او تتكلمى على الناس دى
منا ممكن أدخل المنتدى و اشوف اسمك وأرد برده
وأقول أى كلام وانا معرفكيش :d

خلاصة الكلام
مش بتسمعى مهرجانات يبقى ملكيش تحكمى عليها
المهم ان انتى سيبتى المهم و بتتكلمى عن الناس
انتى بتقولى كلام مش بيتفهم

طب وبخصوص الكلمات اللى فوق دى
ماهى كلمات مهرجانات برضك
:18:

نورتى
^^

Stop Ana Eltop 08-04-2014 09:51 AM

اقتباس:

المشاركة الأصلية كتبت بواسطة مـح ـ الصاروخ ـمود (Post 4567957)
يكفينى انك قولتى بتتفرض عليكى
وده دليل ان كل اللى حواليكى بيحبو الفن بتاعنا
مش بتسمعى مهرجانات
يبقى مش من حقك تحكمى او تتكلمى على الناس دى
منا ممكن أدخل المنتدى و اشوف اسمك وأرد برده
وأقول أى كلام وانا معرفكيش :d

خلاصة الكلام
مش بتسمعى مهرجانات يبقى ملكيش تحكمى عليها
المهم ان انتى سيبتى المهم و بتتكلمى عن الناس
انتى بتقولى كلام مش بيتفهم

طب وبخصوص الكلمات اللى فوق دى
ماهى كلمات مهرجانات برضك
:18:

نورتى
^^

لا لا لا لا فيه فرق شاسع بين انك تحكمى عليا بمجرد ماتشوف اسمى
ما نص المنتدى بيحكم عليا من سرتى مابين الاعضاء هل معنى كدا انهم المفروض ما يحكموش

المهرجانات بيسمعها فئة سواقين التكاتك وبتوع الدي جى فى القرى وبس

ههههههههههههههه لاء انا مابتكلمش على الناس عشان مبحبش اجيب فى مساير الناس
بس لا هو الكلام بيتفهم ولا الناس تتسمع والواحد يعيرها اهتمام كدا فاهم انت

بالنسبه للكلام الى فوق ما الاغانى الخليجى الى بنسمعها ما بتتفهمش بس لما بنجيب الكلمات ونقرأها بتأنى بنفهمها

انا بتكلم على الاسلوب الى بتتغنى بيه واييه وارفع ايديك فوق سفقة راجل واحد
كلام مبتذل
ماجبتش سيرة الناس اهوت

ع العموم انت منزله فى الفضفضه يعنى مش عاوز نقاش
وانا قولت رائ وانت رديت عليه ووضحت وجهات النظر

بس اخييرا المهرجان عمره ماكان فن ابداا ولا هيبقى


الساعة الآن 12:55 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w