|
الالتزام ( رجعيه ، تشدد ، تخلف ) // تابع مسابقه المواضيع المميزة
|
موضوع راااائع ومقدرش اضيف اي كلمه زياده حتي انا زمايلي بيقولولي معقده >_< تسلم ايدك يا ميس موضوع بجد جمييييل بالتوفيق في المسابقه :) |
فرق بين الالتزام والتعصب او التشدد ولان الاتزام بقا حاجه نادره تلاقى المنفلتين يقولوا عليهم كده ثانكس آيه |
من كام يوم كنت بتفرج على صور أصدقائنا في الغردقة ولقيت مخالفات كتيرة في الصور زي ان واحد بيقبل زوجته ولما علقت وقلتلها كده ميصحش لأنكم في شارع قالتلي يا ستي قولي يا باسط وكمان قالتلي انتي لو عايزة تمشي هناك عريانه محدش هياخد باله الكل هناك كده وقتها عرفت ان البيئة بتأثر أوي في الأنسان ولو كان عنده شوية دين بيفقدهم بسبب المحيطين بيه يسعدني اكون ملتزمة بديني مع لقب معقدة فهو فخر شكراً للطرح أيه تسلم أفكارك |
المشكله بتبدء بعوامل كتير يمكن اهمها اعلامنا الضلالي الي افتكر من وانا لسه صغير وانا بشوفهم بيصورو اي حد بلحيه علي انو ارهابي وافكاره تافه ومتشدده ويصوروه انو شخصيه غير سويه وبالتالي بينشا جيل من صغره بيشوف ان اللحيه والي هي سنه عن رسولنا الكريم والتي تكاد تكون فرض علامه للارهابي او الشخص الغير سوي تاني شي / التعليم للاسف عندنا هوونا في مصر يعتبر هو الوباء موش الدواء وكافي انهم مثلا السنه دي هيشيلو مادة الدين تحت تبرير ان هنعمل ماده شامله للاخلاق هههههه مهزله بتحصل عندنا هوونا بمصر وللاسف عقول كتير غافله وقلوب عمت بصيرتهم / وعاجبها الي بيحصل دام هيصب في مصلحتهم ومصلحة الحاكم بتاعهم طرح راقي وجميل آيــــــه دمتي متالقهـ |
توبيك حلو اوى منك يا يويو تسلمى يا قمر بالتوفيق ليكى :) |
للاسف دى حال مجتمعنا ربي يحفظك ويجعله في ميزان حسناتك تحياتي |
فعلا نظرة المجتمع اتغيرت كثيرا خاصا بالنسبه للشخص الملنزم بل اصبحت سبه وعيب واوصاف كتير حديثه لصقت بهم حتى تربية اللحيه اصبحت تهمه وكأن الالتزام يمنع متع الدنيا التى حللها الله لنا كثيرين فاهمين الدنيا من وجهة نظر اخرى لانهم مش متعمقين فى الدين واغلبيه انخذوا من وسائل الاعلام نظرتهم للشخص المتدين وتبنوها ربنا يهدى موضوع الساعه ايه سلمتِ |
الله عليكي اية منتهى الجمال موضوعك وخاصة ختامها احسنتي |
بالفعل هى ف المقام الاول ثقافة مجتمع موجه اعلاميا كانوا دايما يجيبوا فى الافلام رجل الدين بصورة هزليه مش حلوه خالص لدرجة ان الغرب فعلا صوروا المسلم بلحيه وجلباب على انه ارهابى ولكن الالتزام شىء جميل ولازم زى ماذكرتى يكون قدوتنا رسولنا الحبيب عليه الصلاة والسلام خير قدوة لنا ولو بصينا هنلاقى ان الاسلام فيه كل شىء جميل بس لو فهمناه صح تسلمى ع الطرح القيم تحيتى |
| الساعة الآن 11:54 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب