|
انا وهى والغد http://forums.banatmisr.com/imgcache...538alsh3er.gif حدثتها عن الغد فقالت http://forums.banatmisr.com/imgcache...134alsh3er.jpg نفسى اغمض عينى وافتح الاقى نفسى معاك وفى بيتك واصحى بدرى قبل ما انت تصحى واحضرلك الفطار ونفطر مع بعض واحضنك قبل ما تخرج واقولك متغبش عنى وارجعلى بسرعة وخألى بالك من نفسك ترجع تلاقينى عملالك غد من كل اللى انت بتحبه حتى لو مكنتش انا بحبه هتعلم احبه علشان خاطرك واما ترجع هحضنك بردوا لانك هتكون وحشتنى مش هنام غير وانا فى حضنك هعملك كل حاجة ترضيك ومش هزعلك ابدا يمين يبقى امين شمال يبقى امين لو فى يوم حصلت مشكله مابنا هكلمك وعادى بس هبقى مقموصه شوية واحتمال ابكى وانا نايمه جنبك ع المخده بس انت مش هتسمعنى انا نفسى انك تكونلى كل عائلتى اخوية وابوية وامى وابنى وجوزى وحبيبى وصديقى وحط 100 خط تحت صديقى اوعى تيجى فى يوم وتقسى عليا او تتعصب هتتعصب هتعصب وانا بكره العصبيه لكنك هتوترنى فهضطر انى اتعصب زيك فحاول تمسك اعصابك نفسى انى مشاكلنا متخرجش بره اوضه النوم حتى لو كنا مش بنكلم بعض قدام عيالنا هنعمل نفسنا اتنين حبيبه بحيث انهم ميلحظوش انى فيه مشكله ويتوترو ويأثر ع دراستهم والكلام دا نفسى انى اكون ليك كل حاجة فى دنيتك بحيث انك متحتجش حاجة تانى او تدور على اللى نقصنى بره عايزاك دايما تقولى يا حبيبتى انتى مقصره فى الحته الفلانه انتى مقصره فى حقى فى الحته دى انت اشرح وليك عليه احسن من نفسى دايما واكون حسنة السير والسلوك هنعمل دايما جمعيات والابن اللى هيتولد هنفتحله دفتر توفير على مايكبر يلاقى رصيد فيه ينفعه بكره وبعده نفسى انك تكبر فى شغلك اكتر واكتر من محل لاتنين لتلاته لشركات وكله وارد بأذن الله طول ما فيه دماغ حلوه زى دماغك هتقدر المهم انى دايما جنبك ومعاك وهساعدك دايما انك توصل هنعمل جدول لكل حاجة هنمشى كل دنيتنا بنظام وخطط مدروسه علشان نقدر نعيش وهكذا وهكذا وهكذا الى ما لا نهاية الكلام سهل ولكن يبقى السؤال هنقدر نحقق كل دا ؟؟؟ انا عن نفسى متفائلة جدا وحاسة اننا نقدر نعمل اكتر من كدا كمان بس لازم دايما نقول يارب قدرنا ونعمل اللى علينا بضمير وحسن نيه هنوصل لكل اللى بنتمناه احلام بسيطة بتنتهى بمعجزات ومفيش حاجة بعيده عن ربنا ويارب نقدر نحقق كل دا واكتر يارب حينما قرأت ما قد قيل عجز لسانى عن اي أقاويل |
هي وثيقة بين قلبين وعهد بخوض الحياة وكل منهما درع واقي للآخر كل التمني والدعاء بالخير |
أهم ما في الأمر يكون هناك تفاهم ومشاركة وتبادل أراء ولآبد من توافر لغة الحوار بتفيد كتير وبتوصل لحل مناسب ربنا يوفقك أخي لما يحب ويرضى روني ..~ |
ما اجمل الحب واصدقه حين يراعي كلا الطرفين وعده ويحترمه النظره عهد والكلمه ميثاق كلمات ولا اروع وفضفضه راقيه احسنت موضوعك افضل موضوع لهذا الاسبوع جايزة 150 مشاركه والتوبيك مثبت لاسبوع تحياتي |
اقتباس:
آه هو حلو وجميل انه يكون في طموح لبين دافئ و مستقر بس حته يمين وشمال آمين دي !! حب البشر مش مرتبط بالطاعة لأنهم مش آلهة واللي بيحب حد لازم يحب يكون له رأي و يناقشه .. حلو الموضوع شكراً أ.عكاشه .. |
حلوة الاحلام لما تكون واقعية راقتني جدا خارج عن القانون |
جميله جدا مستقبلكم جميل و رائع بإذن الله ربنا يسعدكم و يوفقكم تحياتى،،،،، ^_^ ^_^ |
عذرا للجميع انا بشخصى فمش هعلق ع اى رد من الردود حيث انى مش اكتر من مرسال فى تلك الردود اقتباس:
وبما ان الكلام مش بتاعى وحرية الرد مكفولة فصاحبة الكلام هى اللى هترد لو ارادت وطلبتى منى ذلك واليكم الرد اللى بيحب حد بيحب يعمله كل حاجة ترضيه والمقصود بالطاعة هنا مش طاعة الاله اللى بتقولي عليها ولا الطاعة العمياء المقصود انى هطيعه كزوجى وانى اراعى ربنا فيه مش كل حاجة هتبقى بالخناق لا هنتفاهم الاول مابنا ونشوف مين اللى رأيه صح اما نظام جمعيه يانساء العالم اتحدوا اللى هو لازم الست يكون لها رأي وتحارب من اجله وتحط سم فران لجوزها لو موافقش عليه وتصمم على رأيها علشان يبقى ليها شخصية منفرده وخاصه بيها كل الكلام ده لا يسوى من وجهة نظرى سوى الحبر الذى كتب به وهو انا لما اطيع جوزى هبقى لاغيه شخصيتى؟؟؟؟ لو انا طيعته مره هو كمان بعد كدا هيراعينى وياخد رائى فى كل حاجة انما اما اقوله لا لا على كل حاجة واناقش واجادل انا مش داخله حرب انا بحب ياناس دا لو طلب عيونى هدهومله |
اقتباس:
هقول لصاحبة الأمر دا مش معنى كلامي طبعا مش معنى كلامي لا لا لا و سم فران !! ومش فاهمة ازاي كلامي يؤخَذ بالمعنى دا أصلا اللي أقصده بس ان فكرة الطاعة مش مرتبطة بالحب الحب المرتبط بالطاعة هو حب ربنا إنما البشر طبيعي نختلف معاهم و الاختلاف مش خلاف و خناق وطبيعي يحصل ان نتناقش و بردو تفضل آراءنا مختلفة ونحاول نوصل لنقطة إلتقاء المهم فكرة تفهم الآخر و احترام آراؤه و الوصول لأرضية مشتركة إنما ردك دا مش على كلامي و إنما على فهمك للكلام واللي مش عارفة جه كدا ازاي .. ربنا ييسر لك الخير في حياتك ويتحقق البيت اللي بتحلمي بيه .. |
| الساعة الآن 02:53 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب